ନୂଆଦିଲ୍ଲୀ: ଦିଲ୍ଲୀର ଏକ ଘରୋଇ ହସ୍ପିଟାଲରେ ଚିକିତ୍ସା ଧିନ ଅବସ୍ଥାରେ ଆଖି ବୁଜିଲେ ଭାରତର ପୂର୍ବତନ ମୁଖ୍ୟ ବିଚାରପତି ରମେଶ ଚନ୍ଦ୍ର ଲାହୋତି । ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ବୟସ ହୋଇଥିଲା । ତାଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସୁପ୍ରିମକୋର୍ଟ ବାର ଆସୋସିଏସ ଗଭୀର ଶୋକ ପ୍ରକାଶ କରିଛନ୍ତି । ରମେଶ ଚନ୍ଦ୍ର ଲାହୋତି ଜଣେ ସର୍ବୋତ୍ତମ ମୁଖ୍ୟ ବିଚାରପତି ଭାବରେ ଜଣାଶୁଣା ।
ତାଙ୍କ ବିୟୋଗରେ ଦୁଃଖ ପ୍ରକାଶ କରି ଟ୍ବିଟ ମାଧ୍ୟମରେ ମୋଦି ଲେଖିଛନ୍ତି, “ପୂର୍ବତନ ସିଜେଆଇ ଆରସି ଲାହୋତିଜୀଙ୍କ ଦେହାନ୍ତରେ ମୁଁ ଦୁଃଖିତ “। ନ୍ୟାୟପାଳିକାରେ ତାଙ୍କର ଅବଦାନ ଏବଂ ଲୋକଙ୍କୁ ଶୀଘ୍ର ନ୍ୟାୟ ପ୍ରଦାନ ଉପରେ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ତାଙ୍କୁ ଚିରସ୍ମରଣ କରି ରଖିବା । ତାଙ୍କ ବନ୍ଧୁ ଓ ପରିବାର ପ୍ରତି ସମବେଦନା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି ।
ସୂଚନାଯୋଗ୍ୟ, ୧୯୪୦ ମସିହା ନଭେମ୍ବର ୧ରେ ଜନ୍ମଗ୍ରହଣ କରିଥିଲେ ରମେଶ ଚନ୍ଦ୍ର ଲାହୋତି । 1960ରେ ଗୁନା ଜିଲ୍ଲାର ବାରରେ ଯୋଗ ଦେଇଥିଲେ ଏବଂ 1962 ମସିହାରେ ଆଡଭୋକେଟ ଭାବରେ ନାମ ଲେଖାଇଥିଲେ । ସେ ଏପ୍ରିଲ 1977ରେ ରାଜ୍ୟ ସର୍ବୋଚ୍ଚ ନ୍ୟାୟିକ ସେବା ପର୍ଯ୍ୟନ୍ତ ସିଧାସଳଖ ବେଞ୍ଚରେ ନିଯୁକ୍ତ ହୋଇଥିଲେ ଏବଂ ସେସନ ଓ ଜିଲ୍ଲା ଜଜ୍ ଭାବରେ ନିଯୁକ୍ତ ହୋଇଥିଲେ। ଏହି ପଦବୀରେ ଏକ ବର୍ଷ କାର୍ଯ୍ୟ କରିବା ପରେ ଜଷ୍ଟିସ ଲାହୋତି ମେ 1978 ରେ ଇସ୍ତଫା ଦେଇଥିଲେ । ସେ ମେ 3, 1988 ରେ ମଧ୍ୟପ୍ରଦେଶ ହାଇକୋର୍ଟର ଅତିରିକ୍ତ ଜଜ୍ ଭାବରେ ନିଯୁକ୍ତ ହୋଇଥିଲେ ଏବଂ ପର ବର୍ଷ ଅଗଷ୍ଟ 4 ରେ ସ୍ଥାୟୀ ବିଚାରପତି ଭାବରେ ନିଯୁକ୍ତ ହୋଇଥିଲେ ।
ଜଷ୍ଟିସ୍ ଲାହୋତିଙ୍କୁ ଜୁନ୍ 1, 2004 ରେ 35 ତମ ସିଜେଆଇ ଭାବରେ ନିଯୁକ୍ତ କରାଯାଇଥିଲା । ସେ ନଭେମ୍ବର 1, 2005ରେ ଅବସର ନେଇଥିଲେ । ସେ ପ୍ରେସ୍ ଟ୍ରଷ୍ଟ ଅଫ୍ ଇଣ୍ଡିଆର ନିର୍ଦ୍ଦେଶକ ବୋର୍ଡର ପୂର୍ବତନ ସ୍ବାଧୀନ ନିର୍ଦ୍ଦେଶକ ଥିଲେ। ଟେଲିକମ୍ ପ୍ରମୁଖ ଭୋଡାଫୋନ୍ ସହିତ 20,000 କୋଟି ହାଇପ୍ରୋଫାଇଲ ଟ୍ୟାକ୍ସ ବିବାଦ ମାମଲାରେ ସେ ଭାରତ ସରକାରଙ୍କ ଦ୍ବାରା ଜଣେ ଆର୍ବିଟ୍ରେଟର ଭାବରେ ନିଯୁକ୍ତ ହୋଇଥିଲେ ।
