ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି ବୀରଭୂମ ଜିଲ୍ଲାର ବୋଗ୍ଟୁଇ ଗ୍ରାମ ପରିଦର୍ଶନ କରିଛନ୍ତି। ଏହି ସମୟରେ ମମତା କହିଥିଲେ ଯେ ବାହାନା ନୁହେଁ, ଯେଉଁମାନେ ଦାୟୀ ସେମାନଙ୍କ ଗିରଫ କରିବାକୁ ମୁଁ ଚାହୁଁଛି। ମମତା ବାନାର୍ଜୀ କହିଛନ୍ତି ଯେ ଆଧୁନିକ ପଶ୍ଚିମବଙ୍ଗରେ ଏତେ ବର୍ବରତା ହୋଇପାରେ ବୋଲି ମୁଁ କେବେ ଭାବି ନ ଥିଲି। ମା ଓ ଶିଶୁଙ୍କୁ ହତ୍ୟା କରାଯାଇଥିଲା। ଏକ ବଡ ଷଡଯନ୍ତ୍ର ଅଭିଯୋଗ କରି ସେ କଡା କାର୍ୟ୍ୟାନୁଷ୍ଠାନ ବିଷୟରେ କହିଥିଲେ। ଏଥିସହ ହତ୍ୟାକାଣ୍ଡର କାରଣ ସମ୍ପର୍କରେ ପୋଲିସ ତଦନ୍ତ କରିବ ବୋଲି ମମତା ବାନାର୍ଜୀ କହିଛନ୍ତି । ଏଥି ସହିତ ଜଣେ ବରିଷ୍ଠ ପୋଲିସ ଅଧିକାରୀଙ୍କୁ ଡାକି ସେ କହିଛନ୍ତି ଯେ ଅଭିଯୋଗର ଜବାବରେ ଅବହେଳା କରିଥିବା ପୋଲିସ କର୍ମଚାରୀଙ୍କୁ ଦଣ୍ଡ ଦିଆଯିବା ଉଚିତ। ମୁଁ କୌଣସି ବାହାନା ଚାହେଁ ନାହିଁ । ମୁଁ ଚାହୁଁଛି ଯେଉଁମାନେ ଦାୟୀ ସେମାନଙ୍କୁ ଗିରଫ କରାଯାଉ ଏବଂ ପୋଲିସ୍ କର୍ମଚାରୀମାନଙ୍କର ଭୁଲ ପାଇଁ ସେମାନଙ୍କୁ ଦଣ୍ଡିତ କରାଯାଉ । ସେପଟେ ସାକ୍ଷୀମାନଙ୍କୁ ସମ୍ଭାବ୍ୟ ଆକ୍ରମଣରୁ ପୋଲିସ ସୁରକ୍ଷା ଦେବା ଉଚିତ୍ ବୋଲି ମମତା ବାନାର୍ଜୀ କହିଛନ୍ତି ।
ଅନ୍ୟପଟେ ଯେଉଁମାନଙ୍କ ଘର ପୋଡି ପାଉଁଶ ହୋଇଯାଇଛି, ମମତା ବାନାର୍ଜୀ ମଧ୍ୟ ସେମାନଙ୍କ ଘରର ମରାମତି ପାଇଁ ୧ ଲକ୍ଷ ଦେବା କଥା କହିଛନ୍ତି। ଏହା ସହିତ ସେ ପୀଡ଼ିତାଙ୍କ ପରିବାରକୁ ଚାକିରି ଯୋଗାଇଦେବାକୁ ମଧ୍ୟ ପ୍ରତିଶୃତି ଦେଇଥିଲେ। ମଙ୍ଗଳବାର ଦିନ ବଗଟୁଇ ଗାଁରେ କିଛି ଘରେ ନିଆଁ ଲାଗିଯାଇଥିଲା ଯେଉଁଥିରେ ଆଠ ଜଣଙ୍କର ମୃତ୍ୟୁ ଘଟିଥିଲା। ସେପଟେ କଂଗ୍ରେସର ବରିଷ୍ଠ ନେତା ଆଧୀର ରଂଜନ ଚୌଧୁରୀଙ୍କୁ ପଶ୍ଚିମବଙ୍ଗର ବୋଗାଟୁଇ ଗ୍ରାମରେ ପ୍ରବେଶ କରିବାକୁ ବାରଣ କରାଯାଇଥିଲା । ଯେଉଁଠାରେ ତିନିଜଣ ମହିଳା ଏବଂ ଦୁଇ ଶିଶୁଙ୍କ ସମେତ ଆଠ ଜଣଙ୍କୁ ଜୀବନ୍ତ ଦଗ୍ଧ କରାଯାଇଥିବା ଅଭିଯୋଗ ହୋଇଛି। ଲୋକସଭାରେ କଂଗ୍ରେସର ନେତା ଚୌଧୁରୀ ଏବଂ ଅନ୍ୟ ଦଳର ସଦସ୍ୟମାନେ ବୀରଭୂମ ଜିଲ୍ଲାର ଗ୍ରାମ ନିକଟ ଶ୍ରୀନିକେତନ ଠାରେ ଅଟକି ଯାଇଥିଲେ ଏବଂ ପରେ ସେମାନେ ରାସ୍ତାରେ ବସିଥିଲେ। ଏହା ପରେ ମୃତକଙ୍କ ସମ୍ପର୍କୀୟଙ୍କୁ ଭେଟିବାକୁ ଅନୁମତି ଦେବାକୁ ସେମାନେ ଦାବି କରିଥିଲେ । ଏ ଖବରଟି ସାମ୍ନାକୁ ଆସିବା ପରେ ଦେଶର ରାଜନୀତି ବେଶ ଚଳଚଞ୍ଚଳ ହୋଇ ଉଠିଛି ।
