ଭୁବନେଶ୍ୱର(ସତ୍ୟପାଠ ବ୍ୟୁରୋ): କଂଗ୍ରେସ ବିଧାୟକ ଜିଗ୍ନେଶ ମେଭାନୀଙ୍କର ଦୁଇ ଦୁଇଥର ଗିରଫକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଛି । ଏହାକୁ ଅନେକ ନେତା ବିରୋଧ କରି ଶାସକ ଦଳକୁ ଟାର୍ଗେଟ କରିବରେ ଲାଗିଛନ୍ତି । ଏହି କ୍ରମରେ ବଲିଉଡ ଅଭିନେତା ପ୍ରକାଶ ରାଜ ମଧ୍ୟ ନିଜ ପ୍ରତିକ୍ରିୟା ଦେଇଛନ୍ତି । ତେବେ ଟ୍ୱିଟର ମାଧ୍ୟମରେ ତୀବ୍ର ପ୍ରତିକ୍ରିୟା ପ୍ରକାଶ କରି ସେ ଲେଖିଛନ୍ତି, ଗୋଡସେ ସ୍ୱାଧୀନ ଭାରତର ପ୍ରଥମ ଆତଙ୍କବାଦୀ ଯିଏକି ଆମ ମହାତ୍ମା ଗାନ୍ଧୀଙ୍କୁ ହତ୍ୟା କରିଥିଲେ । ସେହି ନେତାମାନଙ୍କୁ ଧିକ ଯେଉଁମାନେ ଗଡସେଙ୍କୁ ନିଜ ହୃଦୟରେ ରଖିଛନ୍ତି । ଆଉ ଗାନ୍ଧୀଙ୍କୁ କେବଳ ଓଠରେ ରଖନ୍ତି । ସାହସ ରଖ ଜିଗ୍ନେଶ ମେଭାନୀ, ସତ୍ୟର ହିଁ ବିଜୟ ହେବ ବୋଲି ବଲିଉଡ ଅଭିନେତା ପ୍ରକାଶ ରାଜ କହିଛନ୍ତି । ସେପଟେ ପ୍ରକାଶ ରାଜଙ୍କ ଟ୍ୱିଟ ସାମ୍ନାକୁ ଆସିବା ପରେ ଉପଭୋକ୍ତାମାନେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଇଛନ୍ତି। ଅଭୟ ତିୱାରୀ ନାମକ ଜଣେ ଉପଭୋକ୍ତା ଲେଖିଛନ୍ତି, ଗୋଡସେ ଆତଙ୍କବାଦୀ ନୁହଁନ୍ତି, ସେ ଗାନ୍ଧୀଜୀଙ୍କୁ ହତ୍ୟା କରିଥିଲେ କାରଣ ସେ ତାଙ୍କ ଆଦର୍ଶ ସହ ସହମତ ନୁହଁନ୍ତି।
ଯଦି ମେଭାନି ନିର୍ଦ୍ଦୋଷ ତେବେ କୋର୍ଟକୁ ଯାଇ ତାଙ୍କୁ ମୁକ୍ତ କର । ନିୟମ ନିଜସ୍ୱ ପଥ ଗ୍ରହଣ କରେ ଏବଂ ତୁମର ଇଚ୍ଛା ଏବଂ କଳ୍ପନା ଅନୁଯାୟୀ ଯାଏ ନୁହେଁ । ଲୋକମାନେ ତାଙ୍କ ଟ୍ୱିଟର ଶେଷରେ ଲେଖାଯାଇଥିବା ହ୍ୟାସଟ୍ୟାଗ ପାଇଁ ତାଙ୍କୁ ଗାଳିଗୁଲଜ କରିବା ଆରମ୍ଭ କରିଥିଲେ। ଏହି ସମୟରେ କିଛି ଲୋକ ଗାନ୍ଧୀ ଏବଂ ଗଡସେଙ୍କ ବିଷୟରେ ଯୁକ୍ତିତର୍କ ଆରମ୍ଭ କଲେ । ଶଶାଙ୍କ ଶେଖର ଲେଖିଛନ୍ତି, ଯେତେବେଳେ କୌଣସି ପ୍ରଶ୍ନ ନଥାଏ ସେତେବେଳେ ଜଷ୍ଟିସ୍ କରିବା କାହିଁକି? ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
