‘ପାହାଡ଼ର ବିଶୁଦ୍ଧ ବାୟୁ’ର ଆରମ୍ଭ ହେଲା ହୋମ୍‌ ଡେଲିଭରୀ, ଜାଣନ୍ତୁ କ’ଣ ରହିଛି ମୂଲ୍ୟ

ଅଷ୍ଟ୍ରେଲିଆର ଏକ କମ୍ପାନୀ ଦିଲ୍ଲୀରେ ଅନ୍‌ଲାଇନ୍‌ରେ ବିକ୍ରି କରୁଛି ବିଶୁଦ୍ଧ ବାୟୁ

138

ଦିଲ୍ଲୀ ସମେତ ଦେଶର ଅନେକ ସହର ଏବେ ଭୟଙ୍କର ପ୍ରଦୂଷଣ ସହ ଲଢୁଛି । ସେପଟେ କିଛି କମ୍ପାନୀ ‘ଫ୍ରେଶ୍‌ ଏୟାର ବୋତଲ’ ବା ବିଶୁଦ୍ଧ ବାୟୁ ବୋଲତ ବିକ୍ରି କରିବା ଆରମ୍ଭ କରିଦେଇଛନ୍ତି । କମ୍ପାନୀ ଗୁଡ଼ିକରେ ବୋତଲରେ ବନ୍ଦ ହୋଇଥିବା ବାୟୁକୁ ପାହାଡ଼ରୁ ଅଣାଯାଇଥିବା ବାୟୁ ବୋଲି କହୁଛନ୍ତି । Auzair ନାମକ ଏକ ଅଷ୍ଟ୍ରେଲୀୟ କମ୍ପାନୀ ବି ଦିଲ୍ଲୀରେ ଅନ୍‌ଲାଇନ୍‌ ବାୟୁ ବିକ୍ରି କରୁଛି ।

Auzairର ୱେବସାଇଟ୍‌ ଅନୁସାରେ, କମ୍ପାନୀ ଦିଲ୍ଲୀରେ ଅଫିସ୍‌ ବି ଖୋଲିଛି । ଏହି କମ୍ପାନୀ ଦାବି କରୁଛି ଯେ ଅଷ୍ଟ୍ରେଲିଆର ନୀଳ ପାହାଡ଼ର ଶୁଦ୍ଧ ବାୟୁକୁ ଗ୍ରାହକ କିଣିପାରିବେ ।

Auzair କମ୍ପାନୀର କହିବା ଅନୁସାରେ, ଶୁଦ୍ଧ ବାୟୁ ବୋତଲ୍‌ରେ କୋଲ୍‌ଡ ପ୍ରେସ୍‌ ଟେକ୍ନୋଲୋଜିର ବ୍ୟବହାର କରାଯାଇଛି । ଆଜ୍‌ମା ରୋଗୀ, କ୍ରୀଡ଼ାବିତ୍‌, ଇଏନ୍‌ଟି ରୋଗୀ, ପର୍ବତାରୋହୀ ବା ସାଧାରଣ ଲୋକେ, ଯେଉଁମାନେ ପ୍ରଦୂଷିତ ବାୟୁରୁ ମୁକ୍ତି ପାଇବାକୁ ଚାହୁଁଛନ୍ତି, ଶୁଦ୍ଧ ବାୟୁରେ ପ୍ରଶ୍ବାସ ନେବାକୁ ଚାହୁଁଛନ୍ତି, ସେମାନଙ୍କ ପାଇଁ ଏହା ଲାଭଦାୟକ ହେବ । 15 ଲିଟର ବାୟୁର ମୂଲ୍ୟ 1999 ଟଙ୍କା ରଖାଯାଇଛି, 7.5 ଲିଟର ବାୟୁ ବୋତଲର ମୂଲ୍ୟ 1499 ଟଙ୍କା ରଖାଯାଇଛି ।

ସେପଟେ ଆମାଜନ୍‌ରେ Pure Himalayan Air ପକ୍ଷରୁ 550 ଟଙ୍କାରେ 10 ଲିଟର ବିଶୁଦ୍ଧ ବାୟୁ ବିକ୍ରି କରାଯାଉଛି । ଏହି ବୋତଲରେ ଇନ୍‌ବିଲ୍ଟ ମାସ୍କ ଲଗାଯାଇଛି, ଯାହା ଫଳରେ ଲୋକେ ସିଧାସଳଖ ଏହାର ବ୍ୟବହାର କରିପାରିବେ ।

ଆପଣଙ୍କୁ କହିରଖୁଛୁ ଯେ WHOର ରିପୋର୍ଟ ଅନୁସାରେ ଦିଲ୍ଲୀ, ଗ୍ବାଲିୟର, ବାରାଣସୀ, କାନପୁର ସହ ଭାରତର 14ଟି ସହର ବିଶ୍ବର 20ଟି ସର୍ବାଧିକ ପ୍ରଦୂଷିତ ସହର ଭିତରେ ସାମିଲ୍‌ ଅଛି ।

Comments are closed.