ଗୋରଖପୁର(ସତ୍ୟପାଠ ବ୍ୟୁରୋ): ଦେଶର ଅନେକ ରାଜ୍ୟରେ ଏଥର ବିଧାନସଭା ନିର୍ବାଚନ ହେବାକୁ ଯାଉଛି । ହେଲେ ବିଧାନସଭା ନିର୍ବାଚନ ପୂର୍ବରୁ ନେତାମାନେ ନିଜ ଦଳ ଛାଡ଼ି ଅନ୍ୟ ଦଳରେ ମିଶିବାରେ ଲାଗିଛନ୍ତି । ଏସବୁ ମଧ୍ୟରେ ବର୍ତ୍ତମାନ ଉତ୍ତରପ୍ରଦେଶ ବିଧାନସଭା ନିର୍ବାଚନ ଉପରେ ସାରା ଦେଶର ନଜର ରହିଛି । ୟୁପିରେ ନିର୍ବାଚନ ଯେତିକି ପାଖେଇ ଆସୁଛି ସେତିକି ରୋଚକ ତଥ୍ୟ ସାମ୍ନାକୁ ଆସୁଛି । କାହିିଁକନା ଲଗାତାର ଭାବରେ ଉତ୍ତରପ୍ରଦେଶରେ ଓବିସି ନେତାମାନେ ଦଳ ଛାଡ଼ି ବିରୋଧୀ ସମାଜବାଦୀ ପାର୍ଟିରେ ମିଶିବାରେ ଲାଗିଛନ୍ତି । ଏହାକୁ ଦୃଷ୍ଟିରେ ରଖି ଗୃହମନ୍ତ୍ରୀ ସ୍ୱଂୟ ନିଜେ ପଶ୍ଚିମ ଉତ୍ତରପ୍ରଦେଶର ନିର୍ବାଚନୀ ପ୍ରଚାରର ଭାର ନିଜ ମୁଣ୍ଡ ଉପରକୁ ନେଇଛନ୍ତି । ତାଙ୍କ ସହ ଅନେକ ବରିଷ୍ଠ ନେତାମାନେ ମଧ୍ୟ ଉତ୍ତରପ୍ରଦେଶରେ ଦ୍ୱାର ଦ୍ୱାର ଯାଇ ନିର୍ବାଚନୀ ପ୍ରଚାର କରିବାରେ ଲାଗିଛନ୍ତି । ବିଜେପି ଉପରେ କ୍ରୋଧିତ ଥିବା ସମ୍ପ୍ରଦାୟର ଭୋଟରଙ୍କୁ ମନାଇବା ପାଇଁ ଗୃହମନ୍ତ୍ରୀ ମଧ୍ୟ ପ୍ରତିନିଧୀଙ୍କୁ ଭେଟିଛନ୍ତି।
ସେପଟେ କିଛି ଦିନ ପୂର୍ବରୁ ଆରଏଲଡି ନେତା ଜୟନ୍ତ ଚୌଧୁରୀଙ୍କୁ ନେଇ ବିଜେପି ବଡ଼ ବୟାନ ଦେଇଥିଲା । ତେବେ ଜୟନ୍ତ ଚୌଧୁରୀ ଏଥର ନିର୍ବାଚନରେ ଭୁଲ ସ୍ଥାନକୁ ପଳାଇଛନ୍ତି । ଯଦି ସେ ଫେରିବାକୁ ଚାହାଁନ୍ତି, ତାହାଲେ ତାଙ୍କୁ ସ୍ୱାଗତ କରାଯିବ ବୋଲି କହିଥିଲେ । ହେଲେ ଜୟନ୍ତ ଚୌଧୁରୀ ଏହାର ପାଲଟା ଜବାବ ଦେଇଥିବାର ଦେଖିବାକୁ ମିଳିଛି । ତେବେ ଜୟନ୍ତ ମୁଖ୍ୟମନ୍ତ୍ରୀ ଯୋଗୀଙ୍କ ଉତ୍ତାପ ଏବଂ ଶିମଲାର ବିବୃତ୍ତିରେ ଜବାବ ଦେଇ କହିଛନ୍ତି ଯେ ଯୋଗୀ ବାବାଙ୍କୁ କମ୍ବଳ ଦେଇ ଗୋରଖପୁର ଗଣିତକୁ ପଠାଇବା ପାଇଁ କାର୍ୟ୍ୟ କରିବା ଉଚିତ। ଆମେ ଆଗରୁ ଗରମ, ଯୋଗୀ ଜି, ତୁମେ ଆମକୁ ଚିକିତ୍ସା କରିବ କି? ଆମେ ତୁମର ଖରାପ ଚାହୁଁନାହୁଁ, ଏକ କମ୍ବଳ ନେଇ ଗୋରଖପୁରକୁ ଯାଅ । ଏହା ସହ ଜୟନ୍ତ ଚୌଧୁରୀଙ୍କୁ ବିଜେପି ତରଫରୁ ମିଳିଥିବା ଅଫରକୁ ପଛରେ ପକାଇ ଦେଇଛନ୍ତି। ଜୟନ୍ତ କହିଛନ୍ତି ଯେ ଆଜି ତାଙ୍କ ଜିଭ ମାଧ୍ୟମରେ ମୋ ପାଇଁ ଅନେକ ମଧୁର ଶବ୍ଦ କୁହାଯାଉଛି ।
ଆମର ଯୋଗେଶଶ୍ୱର ଭାଇଙ୍କୁ କହୁଥିଲେ ଯେ ଦଳକୁ ଫେରିଆସ ଆମେ ତୁମକୁ ହେମା ମାଳିନି କରିବୁ । ଏବଂ ମୁଁ ଜାଣେ ନାହିଁ ସେମାନେ ଏନେଇ ମୋ ବିଷୟରେ କ’ଣ କହୁଛନ୍ତି । ଏହା ପ୍ରେମ ନୁହେଁ, ଏହା ସଂଲଗ୍ନ ନୁହେଁ! ମୋତେ ଖୁସି କରି ତୁମେ କ’ଣ ପାଇବ? ମୁଁ ହେମା ମାଲିନି ହେବାକୁ ଚାହେଁ ନାହିଁ ବୋଲି ଆରଏଲଡି ନେତା ଜୟନ୍ତ ଚୌଧୁରୀ ବିଜେପିର ଅଫରକୁ ମନା କରି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ପୁଣିଥରେ ଉତ୍ତରପ୍ରଦେଶ ରାଜନୀତି ବେଶ ସରଗରମ ହୋଇ ଉଠିଛି ।
