ଭୁବନେଶ୍ୱର(ସତ୍ୟପାଠ ବ୍ୟୁରୋ): ମସଜିଦରେ ଲାଇଡସ୍ପିକର ହଟାଇବାକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଛି । କିଏ ଏହା ସପକ୍ଷରେ ବାହାରୁଥିବାବେଳେ ଆଉ କିଏ ଏହାକୁ ବିରୋଧ କରୁଥିବାର ଦେଖିବାକୁ ମିଳିଛି । ଏହା ମଧ୍ୟରେ ଗାୟକ ଅନୁରାଧା ପୌଡ଼ୱାଲ ଆଜାନ ପାଇଁ ଲାଉଡସ୍ପିକର ବ୍ୟବହାର ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛନ୍ତି। ଏହା ସହ ମୁଁ ଦୁନିଆର ଅନେକ ସ୍ଥାନକୁ ଯାଇଛି। ମୁଁ କୌଣସିଠାରେ ବି ଏଭଳି ଦେଖିନାହିଁ, ଯେଭଳି ଭାରତରେ ହେଉଛି । ମୁଁ କୌଣସି ଧର୍ମର ବିରୋଧୀ ନୁହେଁ, କିନ୍ତୁ ଏହାକୁ ଭାରତରେ ଜବରଦସ୍ତ ପ୍ରୋତ୍ସାହିତ କରାଯାଉଛି। ଏହି କାରଣରୁ, ଅନ୍ୟ ସମ୍ପ୍ରଦାୟମାନେ ପ୍ରଶ୍ନ ଉଠାନ୍ତି ଯେ ଯଦି ସେମାନେ ଲାଉଡସ୍ପିକର ବ୍ୟବହାର କରିପାରିବେ, ତେବେ ଆମେ କାହିଁକି କରିପାରିବୁ ନାହିଁ ବୋଲି କହିଛନ୍ତି ।
କେବଳ ଏତିକି ନୁହେଁ ବରଂ ଅନୁରାଧା ପୌଡ଼ୱାଲ କହିଛନ୍ତି, ‘ମୁଁ ମଧ୍ୟ ପୂର୍ବର ଦେଶକୁ ମଧ୍ୟ ଯାଇଛି। ଯେଉଁଠାରେ ଲାଉଡସ୍ପିକର ମାଧ୍ୟମରେ ଅଜାନ ପରିବେଷଣ ଉପରେ ନିଷେଧାଦେଶ ଅଛି । ଯେତେବେଳେ ମୁସଲମାନ ଦେଶମାନେ ମଧ୍ୟ ଏହାକୁ ଅନୁମତି ଦେଉନାହାନ୍ତି ତେବେ ଭାରତରେ ଏହାର ଆବଶ୍ୟକତା କ’ଣ? ‘ ସେ କହିଛନ୍ତି ଯେ ଯଦି ଏହି ପରମ୍ପରା ଜାରି ରହେ, ତେବେ ଅନ୍ୟ ଲୋକମାନେ ଲାଉଡସ୍ପିକରରେ ହନୁମାନ ଚାଳିଶା ବଜାଇବା ଆରମ୍ଭ କରିବେ ବୋଲି ଗାୟକ ଅନୁରାଧା ପୌଡ଼ୱାଲ କହିଛନ୍ତି । ଏ ଖବର ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
