ନୂଆଦିଲ୍ଲୀ: ଭାରତ ପ୍ରତିରକ୍ଷା କ୍ଷେତ୍ରରେ ନୂଆ ଇତିହାସ ଲେଖିଛି। ପ୍ରଥମ ଥର ପାଇଁ ରେଳ ଲଞ୍ଚର ଉପରେ ଆଧାରିତ ଏକ ମୋବାଇଲ ଲଞ୍ଚର ସିଷ୍ଟମରୁ ଅଗ୍ନି-ପ୍ରାଇମ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ କରିଛି ଭାରତ। ଏହାର ଅର୍ଥ ହେଉଛି ଏହି କ୍ଷେପଣାସ୍ତ୍ରକୁ ଲଞ୍ଚ କରିବା ପାଇଁ ଭାରତକୁ ଆଉ ଶ୍ରୀହରିକୋଟା ପରି ଲଞ୍ଚର ଆବଶ୍ୟକ ହେବ ନାହିଁ। ଏହି କ୍ଷେପଣାସ୍ତ୍ରକୁ ଚଳନ୍ତା ଟ୍ରେନ୍ରେ ଯେକୌଣସି ସ୍ଥାନରୁ ଲଞ୍ଚ କରାଯାଇପାରିବ।
ଅଗ୍ନି-ପ୍ରାଇମ୍ କ୍ଷେପଣାସ୍ତ୍ର ହେଉଛି ଏକ ପରବର୍ତ୍ତୀ ପିଢ଼ିର କ୍ଷେପଣାସ୍ତ୍ର। ଏହାକୁ ଦୁଇ ହଜାର କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କରିବା ପାଇଁ ଡିଜାଇନ୍ କରାଯାଇଛି। ଏହା ବିଭିନ୍ନ ଉନ୍ନତ ବୈଶିଷ୍ଟ୍ୟ ସହିତ ସଜ୍ଜିତ। ଭାରତ ଏବେ ସେହି ଦେଶର କିଛି ଗୋଷ୍ଠୀରେ ସାମିଲ ହୋଇଛି ଯେଉଁଠାରେ ମୋବାଇଲ ରେଳ ନେଟୱାର୍କରୁ ଏକ କ୍ୟାନିଷ୍ଟରାଇଜ୍ଡ ଲଞ୍ଚ ସିଷ୍ଟମ ବିକଶିତ କରିବାର କ୍ଷମତା ଅଛି।
ଶୁଭେଚ୍ଛା ଜଣାଇଲେ ପ୍ରତିରକ୍ଷା ମନ୍ତ୍ରୀ
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ Xରେ ଅଭିନନ୍ଦନ ଜଣାଇଛନ୍ତି। ସେ ଲେଖିଛନ୍ତି ମଧ୍ୟମ ଦୂରଗାମୀ ଅଗ୍ନି-ପ୍ରାଇମ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ ପାଇଁ ଡିଆରଡିଓ, ଷ୍ଟ୍ରାଟେଜିକ୍ ଫୋର୍ସ କମାଣ୍ଡ (SFC) ଏବଂ ସଶସ୍ତ୍ର ବାହିନୀକୁ ଅଭିନନ୍ଦନ। ଏହି ସଫଳ ଉଡ଼ାଣ ପରୀକ୍ଷଣ ଭାରତକୁ ଏକ ମୋବାଇଲ୍ ରେଳ ନେଟୱାର୍କରୁ ଏକ କ୍ୟାନିଷ୍ଟରାଇଜଡ୍ ଲଞ୍ଚ ସିଷ୍ଟମ ବିକଶିତ କରିବାର କ୍ଷମତା ରଖୁଥିବା ଦେଶଗୁଡ଼ିକର ଏକ ଗୋଷ୍ଠୀ ମଧ୍ୟରେ ସ୍ଥାନିତ କରିଛି।”
କଣ ରହିଛି ସ୍ୱତନ୍ତ୍ରତା?
ଉନ୍ନତ ନାଭିଗେସନ୍ ସିଷ୍ଟମ ସହିତ ଏହି କ୍ଷେପଣାସ୍ତ୍ର ଶତ୍ରୁର ସ୍ଥାନକୁ ସଠିକ୍ ଭାବରେ ଟାର୍ଗେଟ କରିପାରିବ।
କୌଣସି ପୂର୍ବ ସର୍ତ୍ତ ବିନା ରେଳ ନେଟୱାର୍କରେ ଚାଲିବାର କ୍ଷମତା ରଖିଛି।
ଏହି କ୍ଷେପଣାସ୍ତ୍ରକୁ ଏକ କ୍ୟାନିଷ୍ଟର (ବନ୍ଦ ବାକ୍ସ)ରେ ରଖାଯାଇଛି, ଯାହା ଏହାକୁ ବର୍ଷା, ଧୂଳି କିମ୍ବା ଗରମରୁ ରକ୍ଷା କରେ।
