![](https://www.satyapatha.com/wp-content/uploads/2019/06/karan-johar.jpg)
ବଲିଉଡ୍ର ନାମୀଦାମୀ ନିର୍ଦ୍ଦେଶକ କରନ୍ ଜୋହର୍ ଗୋଟେ ପରେ ଗୋଟେ ରୋମାଣ୍ଟିକ୍ ଫିଲ୍ମ ତିଆରି କରି ଦର୍ଶକଙ୍କୁ ଖୁବ୍ ମନୋରଞ୍ଜନ ଯୋଗାଇଥାନ୍ତି। ‘କୁଛ୍ କୁଛ୍ ହୋତା ହୈ’, ‘କଲ୍ ହୋ ନା ହୋ’, ‘କଭି ଅଲ୍ବିଦା ନା କେହେନା’ ‘ରାଜି’ ଏବଂ ନିକଟରେ ରିଲିଜ୍ ହୋଇଥିବା ‘କଲଙ୍କ୍’ ଭଳି ଫିଲ୍ମ ନିର୍ମାଣ କରି କରନ୍ ଦର୍ଶକଙ୍କ ମନରେ ଏକ ଖାସ୍ ଜାଗା ତିଆରି କରିପାରିଛନ୍ତି। ଯେତେବେଳେ ତାଙ୍କର କୌଣସି ଫିଲ୍ମ ରିଲିଜ୍ ହୁଏ, ଦର୍ଶକ ବହୁତ ଉତ୍ସୁକତାର ସହ ଦେଖିବାକୁ ଯାଇଥାନ୍ତି।
ରୋମାଣ୍ଟିକ୍ ଫିଲ୍ମ କରି ଦର୍ଶକଙ୍କୁ ରୋମାନ୍ସ ଶିଖାଇଥିବା କରନ୍ ଏବେ ଦର୍ଶକଙ୍କୁ ଡରାଇବାକୁ ଯାଉଛନ୍ତି। ଅର୍ଥ କରନ୍ ଏବେ କିଛି ଦିନ ଲାଗି ରୋମାଣ୍ଟିକ୍ ଫିଲ୍ମରୁ ବିରତି ନେବାକୁ ଚାହୁଁଛନ୍ତି। ଏବେ ସେ କରିବେ ହରର୍ ଫିଲ୍ମ । ନିକଟରେ କରନ୍ ସୋଶାଲ୍ ମିଡିଆ ଜରିଆରେ ଏହି କଥା କହିଛନ୍ତି। ଏବେ ତାଙ୍କ ପ୍ରଡକ୍ସନ୍ ହାଉସ୍ ‘ଧର୍ମା ପ୍ରଡକ୍ସନ୍’ ହରର୍ ଫିଲ୍ମ ତିଆରି କରି ଦର୍ଶକଙ୍କ ମନୋରଞ୍ଜନ କରିବ।