(ସତ୍ୟପାଠ ବ୍ୟୁରୋ) ଭୁବନେଶ୍ୱର: ପଶ୍ଚିମବଙ୍ଗ ରାଜନୀତିରେ ଦିନକୁ ଦିନ ନୂଆ ମୋଡ଼ ଦେଖିବା ପାଇଁ ମିଳୁଛି । ତୃଣମୂଳ କଂଗ୍ରେସର କର୍ମକର୍ତ୍ତାଙ୍କୁ ସିବିଆଇ ଗିରଫ କରିବା ପରେ ବର୍ତ୍ତମାନ ଆକ୍ସନ୍ ମୋଡ଼ରେ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ । ତେବେ କଲିକତାର ପୂର୍ବତନ ମେୟର ସୋଭାନ ଚାଟାର୍ଜୀଙ୍କ ସହ ଦୁଇଜଣ ତୃଣମୂଳ କଂଗ୍ରେସର ମନ୍ତ୍ରୀଙ୍କ ଗିରଫଦାରୀକୁ ବିରୋଧ କରି ମମତା ବାନାର୍ଜୀ ନିଜାମ ପ୍ୟାଲେସରେ ସିବିଆଇ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ସବୁଠାରୁ ରୋଚକ କଥାଟି ହେଉଛି ମମତା ବାନାର୍ଜୀ ନିଜାମ ପ୍ୟାଲେସରେ ବିରୋଧ କରୁଥିବା ବେଳେ ତାଙ୍କୁ ମଧ୍ୟ ଗିରଫ କରାଯିବାକୁ ଦାବି କରିଛନ୍ତି । ଏହି ଚାରିଜଣଙ୍କୁ ନରଦା ସ୍କାମ୍ ମାମଲାରେ ସିବିଆଇ ଗିରଫ କରିଥିଲା। ଅନ୍ୟପଟେ ଆନ୍ଦୋଳନକାରୀମାନେ ନିଜାମ ପ୍ୟାଲେସ ସମ୍ମୁଖରେ ବ୍ୟାରିକେଡ୍ ଭାଙ୍ଗିବାକୁ ଚେଷ୍ଟା କରୁଥିବାର କଥା ସାମ୍ନାକୁ ଆସିଛି । ଏନେଇ ସିବିଆଇ ଅତିରିକ୍ତ କେନ୍ଦ୍ରୀୟ ବାହିନୀ ମାଗିଥିବାର ସୂଚନା ମିଳିଛି । ସମର୍ଥକମାନେ ତ୍ରିନାଥ ନେତାଙ୍କୁ ମୁକ୍ତ କରିବାକୁ ଦାବି କରିଥିଲେ। ସେମାନେ ବିଜେପି ଏବଂ ରାଜ୍ୟପାଳ ଜଗଦୀପ ଧନଖରଙ୍କ ବିରୋଧରେ ସ୍ଲୋଗାନ ମଧ୍ୟ ଦେଇଥିଲେ। ଏ ଘଟଣାକୁ ନେଇ ପଶ୍ଚିମବଙ୍ଗ ବିଧାନସଭା ବାଚସ୍ପତି ବିମନ ବାନାର୍ଜୀ ନରଦା ମାମଲାରେ ଦୁଇ ବଙ୍ଗୀୟ ମନ୍ତ୍ରୀ ଏବଂ ଅନ୍ୟମାନଙ୍କୁ ଗିରଫ କରିବା ବେଆଇନ ବୋଲି କହିଛନ୍ତି।
