ଭୁବନେଶ୍ୱର(ସତ୍ୟପାଠ ବ୍ୟୁରୋ): ଦେଶର ୧୦ ଟି ରାଜ୍ୟରେ ରାମ ନବମୀ ଦିନ ହିଂସା ଘଟିଥିଲା । ଉଭୟ ଗୋଷ୍ଠୀ ପରସ୍ପରକୁ ପଥର ଫିଙ୍ଗି ଥିଲେ । ଦିଲ୍ଲୀ, ମଧ୍ୟପ୍ରଦେଶ, ଗୁଜୁରାଟ, ପଶ୍ଚିମବଙ୍ଗ, ଗୋଆ, ମହାରାଷ୍ଟ୍ର, ଝାଡଖଣ୍ଡ, ବିହାର, କର୍ଣ୍ଣାଟକ ଏବଂ ଛତିଶଗଡର ବିଭିନ୍ନ ଅଞ୍ଚଳରେ ସାମ୍ପ୍ରଦାୟିକ ଉତ୍ତେଜନା ଦେଖାଦେଇଛି। ସେପଟେ ଦେଶର ଏହି ରାଜ୍ୟରେ ହିଂସା ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ବଡ଼ ବିବୃତ୍ତି ଦେଇଛନ୍ତି। ତେବେ ରାମ ନବମୀ ଉପରେ ରାଜ୍ୟର ୮୦୦ ରୁ ଅଧିକ ସ୍ଥାନରେ ଶୋଭାଯାତ୍ରା କରାଯାଇଥିଲା । ରମଜାନ ମାସ ଚାଲିଛି । ଏପରିକି ରାଜ୍ୟରେ କେଉଁଠିବି ତୁ-ତୁ ମେମେ ମଧ୍ୟ ହୋଇ ନାହିଁ । ଦଙ୍ଗା ତ ବହୁଦୂରରେ । ଉତ୍ତରପ୍ରଦେଶରେ ଶାନ୍ତି ଅଛି, ଏଠାରେ ଦଙ୍ଗା ପାଇଁ ସ୍ଥାନ ନାହିଁ ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି । ଏହା ସହ ୟୁପିରେ ୨୫ କୋଟି ଜନସଂଖ୍ୟା ବାସ କରନ୍ତି । ରାଜ୍ୟରେ ୮୦୦ ସ୍ଥାନରେ ରାମ ନବମିର ଶୋଭାଯାତ୍ରା କରାଯାଇଥିଲା ।
ଏକ ସମୟରେ, ରମଜାନ ମାସ ମଧ୍ୟ ଚାଲିଛି । ତଥାପି କେଉଁଠିବି ତୁ-ତୁ ମେମେ ନଥିଲା, ଦଙ୍ଗା ହେବା ତ ବହୁ ଦୂରର କଥା । ଏହା ଉତ୍ତରପ୍ରଦେଶର ବିକାଶର ନୂତନ ଚିନ୍ତାଧାରାକୁ ଦର୍ଶାଉଛି । ଏଠାରେ ଦଙ୍ଗା ପାଇଁ ସ୍ଥାନ ନାହିଁ । ଅରାଜକତା, ଗଣ୍ଡଗୋଳ ଏବଂ ଗୁଜବ ପାଇଁ କୌଣସି ସ୍ଥାନ ନାହିଁ । ଉତ୍ତରପ୍ରଦେଶ ରାମ ନବମୀ ଏହା ପ୍ରମାଣ କରିଛି ବୋଲି ଯୋଗୀ ଆଦିତ୍ୟନାଥ କହିଛନ୍ତି । ଅନ୍ୟପଟେ ୪୯ ବର୍ଷୀୟ ବିଜେପି ନେତା ଗତ ମାସରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ । ସେ ଲଗାତାର ଦ୍ୱିତୀୟ ଥର ପାଇଁ ରାଜ୍ୟର ମୁଖ୍ୟମନ୍ତ୍ରୀ ହୋଇଛନ୍ତି। ତିନି ଦଶନ୍ଧି ମଧ୍ୟରେ ସେ ୟୁପିର ପ୍ରଥମ ମୁଖ୍ୟମନ୍ତ୍ରୀ ଅଟନ୍ତି। ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
