(ସତ୍ୟପାଠ ବ୍ୟୁରୋ) ଭୁବନେଶ୍ୱର : ୟୁପିର ଯୋଗୀ ସରକାର ଜନସଂଖ୍ୟା ନିୟନ୍ତ୍ରଣ ଡ୍ରାଫ୍ଟ ବିଲ୍ ଆଣିଛନ୍ତି । ଯେଉଁଥିରେ ପ୍ରାବଧାନ ରହିଛି ଯେ, ଦୁଇରୁ ଅଧିକ ସନ୍ତାନ ଥିଲେ ଜଣେ ସ୍ଥାନୀୟ ନିର୍ବାଚନ ଲଢିପାରିବ ନାହିଁ । ସେହିଭଳି ସରକାରୀ ଚାକିରି ପାଇଁ ଆବେଦନ ଉପରେ ମଧ୍ୟ ରୋକ୍ ଲାଗିଛି । ଯଦି ସରକାରୀ ଚାକିରି କରୁଛନ୍ତି ତେବେ ପଦୋନ୍ନତି ମିଳିବନି । ଏହାସହ ସରକାର ଯୋଗାଉଥିବା ସବସିଡିରୁ ମଧ୍ୟ ବ୍ୟକ୍ତି ବଞ୍ଚିତ ସଂପୃକ୍ତ ବ୍ୟକ୍ତି ବିଶେଷ ।
ଏହି ଡ୍ରାଫ୍ଟ ଆସିବା ପରେ ପ୍ରଶ୍ନ ଉଠୁଥିଲା ଯେ ୟୁପି ବିଧାନସଭାକୁ ନିର୍ବାଚିତ ହୋଇ ଯାଇଥିବା ବିଧାୟକ ମାନଙ୍କର କେତୋଟି ଲେଖାଏଁ ସନ୍ତାନ ରହିଛି। ବରିଷ୍ଠ କଂଗ୍ରେସ ନେତା ସଲମାନ ଖୁର୍ସିଦ୍ ମଧ୍ୟ ଏ ପ୍ରଶ୍ନ ଉଠାଇଥିଲେ। ଏବେ Scroll.in ଦ୍ବାରା ଏହାରି ଉପରେ ଏକ ବିଶ୍ଳେଷଣ କରାଯାଇଛି। ଉତ୍ତରପ୍ରଦେଶ ବିଧାନସଭା ୱେବସାଇଟରେ ଉପଲବ୍ଧ ସୂଚନା ଅନୁଯାୟୀ ଉତ୍ତରପ୍ରଦେଶ ବିଧାନସଭାରେ ନିର୍ବାଚିତ ପ୍ରତିନିଧୀଙ୍କ ଅଧାରୁ ଅଧିକ ପିଲାଙ୍କର ଦୁଇରୁ ଅଧିକ ସନ୍ତାନ ଅଛନ୍ତି। ଉଲ୍ଲେଖନୀୟ କଥା ହେଉଛି ଏଥିରେ ଶାସକ ଭାରତୀୟ ଜନତା ପାର୍ଟିର ପ୍ରାୟ ୫୦% ବିଧାୟକଙ୍କର ଦୁଇରୁ ଅଧିକ ସନ୍ତାନ ଅଛନ୍ତି। ।
ବିଗତ ଦିନରେ ଉତ୍ତରପ୍ରଦେଶ, ଆସାମ ଏବଂ କର୍ଣ୍ଣାଟକର ବିଜେପି ନେତାମାନେ ମତ ଦେଇଥିଲେ ଯେ ଜନସଂଖ୍ୟା ନିୟନ୍ତ୍ରଣ ନିତୀ ଲାଗୁ କରାଯିବା ଆବଶ୍ୟକ। ଏହି ରାଜନେତାମାନଙ୍କ ମଧ୍ୟରୁ କେତେକ ସଂସଦର ମୌସୁମୀ ଅଧିବେଶନରେ ଏ ସମ୍ପର୍କରେ ଏକ ପ୍ରାଇଭେଟ୍ ବିଲ୍ ଉପସ୍ଥାପନ କରିବେ ବୋଲି ସୂଚନା ମିଳୁଛି ।
ଉତ୍ତର ପ୍ରଦେଶର ଜନସଂଖ୍ୟା (ନିୟନ୍ତ୍ରଣ, ସ୍ଥିରତା ଏବଂ କଲ୍ୟାଣ) ବିଲ୍ ନାମକ ୟୁପି ଆଇନ ଆୟୋଗ ଦ୍ବାରା ପ୍ରସ୍ତୁତ ହୋଇଥିବା ଏହି ଡ୍ରାଫ୍ଟ ଅନୁଯାୟୀ ,ଦୁଇ ବା ତା ଠାରୁ କମ୍ ପିଲାଥିବା ଅବିଭାବକଙ୍କ ପାଇଁ ଅନେକ ସୁବିଧା ସୁଯୋଗ ଯୋଗାଇ ଦିଆଯାଇଛି । ଏହି କାଟାଗୋରୀରେ ଯାଉଥିବା ଅଭିଭାବକମାନେ ସରକାରୀ ଚାକିରି କରିଥିଲେ ସେମାନଙ୍କୁ ଅଧିକ ୨ ଟି ସାଲାରୀ ଇନକ୍ରିମେଣ୍ଟ ମିଳିବ । ଏହାସହ ପଦୋନ୍ନତି ଓ ୧୨ ମାସର ମାତୃତ୍ୱ କିମ୍ବା ପିତୃତ୍ୱ ଛୁଟି ମିଳିବ । ଅନ୍ୟ ପଟେ ଯାହା ପାଖରେ ସରକାରୀ ଚାକିରି ନାହିଁ ସେମାନଙ୍କୁ ପାଣି, ବିଜୁଳି, ହୋମ ଟ୍ୟାକ୍ସ, ହୋମ ଲୋନ ଭଳି ଅନେକ ସୁବିଧା ଯୋଗାଇ ଦିଆଯିବ।
ଉତ୍ତରପ୍ରଦେଶ ବିଧାନସଭା ୱେବସାଇଟରୁ ମିଳିଥିବା ସୂଚନାକୁ ଆଧାର କରି ବିଶ୍ଳେଷଣରୁ ଜଣାପଡିଛି ଯେ ବିଧାୟକଙ୍କ ମଧ୍ୟରୁ ଅଧିକାଂଶଙ୍କର ଦୁଇରୁ ଅଧିକ ସନ୍ତାନ ଅଛନ୍ତି। ଏଥିରେ ରାଜ୍ୟ କ୍ୟାବିନେଟରେ ଥିବା ୨୩ ମନ୍ତ୍ରୀଙ୍କ ମଧ୍ୟରୁ ୧୦ ଜଣ ଏବଂ ଶାସକ ଦଳର ବିଧାୟକଙ୍କ ଅର୍ଦ୍ଧେକ ଅନ୍ତର୍ଭୁକ୍ତ।ମୋଟ ଉପରେ, ଉତ୍ତରପ୍ରଦେଶର ୨୭% ବିଧାୟକଙ୍କ ତିନୋଟି ସନ୍ତାନ, ୩୨% ଙ୍କର ଦୁଇଟି ସନ୍ତାନ ଏବଂ ୯% ବିଧାୟକଙ୍କର ଗୋଟିଏ ସନ୍ତାନ ଅଛନ୍ତି।
ଦୁଇରୁ ଅଧିକ ସନ୍ତାନ ଥିବା ପ୍ରତିନିଧିମାନେ ଏହି ବିଲ୍ ଦ୍ବାରା ପ୍ରଭାବିତ ହୋଇପାରନ୍ତି ନାହିଁ କାରଣ ଏହି ବିଲ୍ ବିଧାୟକ ଏବଂ ସାଂସଦମାନଙ୍କ ପାଇଁ ପ୍ରଯୁଜ୍ୟ ନୁହେଁ। କିନ୍ତୁ ଏହି ତଥ୍ୟ ଏମିତି ଏକ ସମୟରେ ଆସିଛି ଯେତେବେଳେ ଆଇନ ଆୟୋଗ କହୁଛନ୍ତି ଯେ , “ ନିରନ୍ତର ବିକାଶର ପ୍ରୋତ୍ସାହନ ପାଇଁ ରାଜ୍ୟର ଜନସଂଖ୍ୟାକୁ ନିୟନ୍ତ୍ରଣ କରିବା ଆବଶ୍ୟକ।” ଉତ୍ତରପ୍ରଦେଶ ସ୍ୱାସ୍ଥ୍ୟମନ୍ତ୍ରୀ ଜୟ ପ୍ରତାପ ସିଂ ସ୍କ୍ରୋଲ୍.ଇନ୍ କୁ କହିଛନ୍ତି ଯେ ତାଙ୍କ ବିଭାଗ ଦ୍ୱାରା ଏହି ଡ୍ରାଫ୍ଟ ପ୍ରସ୍ତୁତ ହୋଇନାହିଁ ଏବଂ ଆଇନ ଆୟୋଗ ସହିତ ସରକାରଙ୍କର କୌଣସି ସମ୍ପର୍କ ନାହିଁ ବୋଲି ସେ ଦାବି କରିଛନ୍ତି। ସିଂ କହିଛନ୍ତି, “ ଏମିତି କୌଣସି ବିଲ୍ ନାହିଁ ଯାହା ବର୍ତ୍ତମାନ ବିଧାନସଭାରେ ପାସ ହେବାକୁ ଯାଉଛି।”
ସେ ଆହୁରି ମଧ୍ୟ କହିଛନ୍ତି ଯେ ସରକାର ଜୁଲାଇ ୧୧ ରେ ୨୦୨୧ ଏବଂ ୨୦୩୦ ପାଇଁ ଉତ୍ତରପ୍ରଦେଶ ପାଇଁ ଏକ ଜନସଂଖ୍ୟା ନୀତି ପ୍ରକାଶ କରିଥିଲେ ଯାହା ଏହି ଡ୍ରାଫ୍ଟ ଠାରୁ ଭିନ୍ନ ଥିଲା। ଆଇନ କମିଶନଙ୍କ ସହ ଏହାର କୌଣସି ସମ୍ପର୍କ ନାହିଁ ବୋଲି ସିଂ କହିଛନ୍ତି। ଅନ୍ୟ ବିଧାୟକମାନେ କୌଣସି ପ୍ରତିକ୍ରିୟା ଦେଇ ନାହାଁନ୍ତି କିମ୍ବା ଏ ସମ୍ପର୍କରେ ମନ୍ତବ୍ୟ ଦେବାକୁ ମନା କରି ଦେଇଛନ୍ତି।ରାଜ୍ୟର ବିଧାନସଭା ସଭା ୱେବସାଇଟ୍ ରେ ୪୦୩ ବିଧାନସଭା କ୍ଷେତ୍ର ମଧ୍ୟରୁ ୩୯୬ ଟି ବିଧାନସଭା କ୍ଷେତ୍ରର ସୂଚନା ଉପଲବ୍ଧ ରହିଛି । ମୋଟ ବିଧାୟକଙ୍କ ମଧ୍ୟରୁ ଅତିକମରେ ୫୨% ଙ୍କର ଦୁଇରୁ ଅଧିକ ସନ୍ତାନ ଅଛନ୍ତି।
ବିଜେପି ୩୦୪ ଟି ଆସନ ଜିତିଛି, ସେଥିମଧ୍ୟରୁ ୫୦% ବିଧାୟକଙ୍କ ଦୁଇରୁ ଅଧିକ ପିଲା ଅଛନ୍ତି। ସମାଜବାଦୀ ପାର୍ଟିର ୪୯ ଜଣ ବିଧାୟକଙ୍କ ମଧ୍ୟରୁ ୫୫% ବିଧାୟକଙ୍କର ଦୁଇରୁ ଅଧିକ ସନ୍ତାନ ଅଛନ୍ତି। ୱେବସାଇଟ୍ ଅନୁଯାୟୀ କେତେକ ବିଧାୟକଙ୍କ ଚାରିରୁ ଅଧିକ ସନ୍ତାନ ଅଛନ୍ତି। ତିଲହରରୁ ବିଜେପି ବିଧାୟକ ରୋଶନ ଲାଲ ବର୍ମା ଏବଂ ଦୁଧୀର ଅପନା ଦଳର ବିଧାୟକ ହରି ରାମଙ୍କର ଆଠଟି ସନ୍ତାନ ଅଛନ୍ତି। ବିଜେପି ବିଧାୟକ ମାଧୁରୀ ଭର୍ମା ଏବଂ ସମାଜବାଦୀ ପାର୍ଟିର ବିଧାୟକ ରଫିକ୍ ଅନସାରୀଙ୍କର ପ୍ରତ୍ୟେକଙ୍କର ୭ ଜଣ ସନ୍ତାନ ଅଛନ୍ତି। ଆଠ ଜଣ ବିଜେପି ବିଧାୟକଙ୍କର ୬ ଟି ସନ୍ତାନ ଅଛନ୍ତି। ଏଥିରେ ରାଜ୍ୟ ଏକ୍ସାଇଜ୍ ମନ୍ତ୍ରୀ ରାମ ନରେଶ ଅଗ୍ନିହୋତ୍ରୀ ମଧ୍ୟ ଅଛନ୍ତି। ସମାଜବାଦୀ ପାର୍ଟି, ବାହୁଜନ ସମାଜ ପାର୍ଟି ଏବଂ ନିଶାଦ ପାର୍ଟିରୁ ପ୍ରତ୍ୟେକ ଜଣେ ବିଧାୟକ ମଧ୍ୟ ଏଥିରେ ସାମିଲ ଅଛନ୍ତି। ବିଧାନ ପରିଷଦ ମାଧ୍ୟମରେ ନିର୍ବାଚିତ ହୋଇଥିବା ୨୩ ଜଣ ବିଧାୟକଙ୍କର ସୂଚନା ୱେବସାଇଟରେ ଉପଲବ୍ଧ ନାହିଁ। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ବିଜେପି ବିଧାୟକ ସୁରେଶ ଖାନ୍ନାଙ୍କ ପରି ଅନ୍ୟ କିଛି ବିଧାୟକ ଅବିବାହିତ ଅଛନ୍ତି।
ଜନସଂଖ୍ୟା ନିୟନ୍ତ୍ରଣ
ଦ ହିନ୍ଦୁ ରିପୋର୍ଟ ମୁତାବକ, ଉତ୍ତରପ୍ରଦେଶ ସରକାର ରବିବାର ଦିନ ପ୍ରକାଶ କରିଥିବା ଜନସଂଖ୍ୟା ନୀତି ବର୍ତ୍ତମାନର ପ୍ରଜନନ ହାରକୁ ବର୍ତ୍ତମାନର ୨.୭ ରୁ ୧.୭ କୁ ହ୍ରାସ କରିବାକୁ ଯୋଜନା କରିଛି। ଶିଶୁ ମୃତ୍ୟୁ ହାର ଏବଂ ମାତୃ ମୃତ୍ୟୁ ହାର ହ୍ରାସ କରିବାକୁ ଲକ୍ଷ୍ୟ ରଖିଛି। ସେପଟେ ଜନସଂଖ୍ୟା ବିଲ୍ ଡ୍ରାଫ୍ଟରେ ଦର୍ଶାଯାଇଛି ଯେ ଯେଉଁମାନଙ୍କର ଦୁଇରୁ ଅଧିକ ପିଲା ଅଛନ୍ତି ସେମାନଙ୍କୁ ସରକାରୀ ଯୋଜନାରୁ ବଞ୍ଚିତ ରଖାଯିବ। ସେହିପରି ସବସିଡିଯୁକ୍ତ ଖାଦ୍ୟ ପାଇବାକୁ ଅନୁମତି ପ୍ରାପ୍ତ ପରିବାରର ରାସନ କାର୍ଡରେ ଥିବା ଲୋକଙ୍କ ସଂଖ୍ୟାରେ କେବଳ ଚାରି ଜଣଙ୍କୁ ସୀମିତ ରଖିବାକୁ ଯୋଜନା କରାଯାଇଛି । ଏହାସହ ଦୁଇରୁ ଅଧିକ ପିଲା ଥିବା ଲୋକଙ୍କୁ ସ୍ଥାନୀୟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ଉପରେ ପ୍ରତିବନ୍ଧକ ଲଗାଯିବ। ଏବଂ ସେମାନଙ୍କୁ ସରକାରୀ ଚାକିରୀ ପାଇଁ ଆବେଦନ, ପଦୋନ୍ନତି କିମ୍ବା ସରକାରୀ ସବସିଡି ପାଇ ପାରିବେ ନାହିଁ ।
ୱାନ୍ ଚାଇଲ୍ଡ ପଲିସି ଗ୍ରହଣ କରୁଥିବା ବିପିଏଲ ବର୍ଗର ପିତାମାତାଙ୍କୁ ବିଶେଷ ଉତ୍ସାହିତ କରିବା ପାଇଁ ପ୍ରସ୍ତାବ ଦିଆଯାଇଛି । ଏହା ଅଧୀନରେ, ଯେଉଁ ପିତାମାତାମାନେ ପ୍ରଥମ ସନ୍ତାନର ଜନ୍ମ ପରେ ଅପରେସନ୍ କରିବେ, ସେମାନଙ୍କୁ ଅନେକ ସୁବିଧା ଦିଆଯିବ । ପ୍ରଥମ ସନ୍ତାନ ଯଦି ପୁଅ ହୁଏ ତେବେ ୮୦ ହଜାର ଟଙ୍କା ଦିଆଯିବାକୁ ଥିବା ବେଳେ ଝିଅ ହେଲେ ୧ଲକ୍ଷ ଟଙ୍କା ପ୍ରଦାନ କରାଯିବ । ଏହିପରି ଭାବରେ ପିତାମାତା ଝିଅର ଉଚ୍ଚଶିକ୍ଷା ପର୍ୟ୍ୟନ୍ତ ମାଗଣାରେ ଅଧ୍ୟୟନ କରିବାକୁ ସକ୍ଷମ ହୋଇପାରିବେ ଏବଂ ପୁଅକୁ ୨୦ ବର୍ଷ ପାଇଁ ମାଗଣା ଶିକ୍ଷା ଦେଇପାରିବେ । ଏହା ବ୍ୟତୀତ ସରକାରୀ ଚାକିରି କ୍ଷେତ୍ରରେ ଥିବା ସମୟରେ ସେମାନଙ୍କୁ ଦୁଇଟି ଇନକ୍ରିମେଣ୍ଟ ଦିଆଯିବ ଏବଂ ମାଗଣା ଚିକିତ୍ସା ସୁବିଧା ମଧ୍ୟ ମିଳିବ ।
ଏହି ଚିଠା ବିଲରେ ଥିବା ସୂଚନା ଅନୁଯାୟୀ, ସମସ୍ତ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ପ୍ରସୂତି କେନ୍ଦ୍ର ପ୍ରତିଷ୍ଠା କରାଯିବ। ସ୍ୱାସ୍ଥ୍ୟ କେନ୍ଦ୍ର ଏବଂ ଏନଜିଓ ଗର୍ଭନିରୋଧକ ବଟିକା, ଇତ୍ୟାଦି ବଣ୍ଟନ କରିବେ, ଗୋଷ୍ଠୀ ସ୍ୱାସ୍ଥ୍ୟ କର୍ମୀଙ୍କ ମାଧ୍ୟମରେ ପରିବାର ନିୟୋଜନ ବିଷୟରେ ସଚେତନତା ସୃଷ୍ଟି କରାଯିବ ଏବଂ ଗର୍ଭଧାରଣ, ପ୍ରସବ, ଜନ୍ମ ଏବଂ ମୃତ୍ୟୁର ବାଧ୍ୟତାମୂଳକ ପଞ୍ଜିକରଣ ନିଶ୍ଚିତ କରାଯିବ। ଏହା ଛଡ଼ା ସମସ୍ତ ମାଧ୍ୟମିକ ବିଦ୍ୟାଳୟରେ ଜନସଂଖ୍ୟା ନିୟନ୍ତ୍ରଣ ସହ ଜଡିତ ଏକ ବାଧ୍ୟତାମୂଳକ ବିଷୟ ପ୍ରବର୍ତ୍ତନ ସରକାରଙ୍କ କର୍ତ୍ତବ୍ୟ ହେବ।
ତେବେ ଏହି ଡ୍ରାଫ୍ଟକୁ ଦକ୍ଷିଣପନ୍ଥୀ ହିନ୍ଦୁ ସଂଗଠନ ବିଶ୍ୱ ହିନ୍ଦୁ ପରିଷଦ ସମାଲୋଚନା କରିଛି। ଇଣ୍ଡିଆନ୍ ଏକ୍ସପ୍ରେସ୍ ରିପୋର୍ଟ ଅନୁଯାୟୀ ଏହି ବିଲ୍ “ବିଭିନ୍ନ ସମ୍ପ୍ରଦାୟ ମଧ୍ୟରେ ଅସନ୍ତୁଳନକୁ ଆହୁରି ଆଗକୁ ବଢାଇବା” ଏବଂ “ଜନସଂଖ୍ୟା ସଂକୋଚନ” ହୋଇପାରେ ବୋଲି ସଂଗଠନର କାର୍ଯ୍ୟକାରୀ ସଭାପତି ଆଲୋକ କୁମାର କହିଛନ୍ତି।ମୁସଲମାନମାନେ ଭାରତରେ ହିନ୍ଦୁଙ୍କ ତୁଳନାରେ ଅଧିକ ହେବେ ହିନ୍ଦୁ ସଙ୍ଗଠନ ମାନେ ଚିନ୍ତା ପ୍ରକଟ କରିଛନ୍ତି, କିନ୍ତୁ ଏହାର କୌଣସି ଆଧାର ନାହିଁ ବୋଲି ବିଶେଷଜ୍ଞମାନେ ସୂଚାଇ ଦେଇଛନ୍ତି ।
ଭାରତୀୟ ଜନତା ପାର୍ଟିର ସାଂସଦ ରବି କିଶନ ଆସନ୍ତା ମୌସୁମୀ ଅଧିବେଶନରେ ଜନସଂଖ୍ୟା ନିୟନ୍ତ୍ରଣ ଉପରେ ଏକ ପ୍ରାଇଭେଟ୍ ବିଲ୍ ଆଗତ କରିବାକୁ ଯାଉଛନ୍ତି ବୋଲି ସୂଚନା ମିଳିଛି । ଲୋକସଭା ୱେବସାଇଟ ଅନୁଯାୟୀ ରବି କିଶାନଙ୍କର ଚାରି ସନ୍ତାନ ଅଛନ୍ତି।
ଗତ ବର୍ଷ ଡିସେମ୍ବରରେ କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ କହିଥିଲେ ଯେ ଦୁଇ ଶିଶୁ ନୀତି କାର୍ଯ୍ୟକାରୀ ହେବ ନାହିଁ କିମ୍ବା ଜନସଂଖ୍ୟା ନିୟନ୍ତ୍ରଣ ପ୍ରଣାଳୀ ଗ୍ରହଣ କରିବେ ନାହିଁ। ବିଶେଷଜ୍ଞମାନେ ବାରମ୍ବାର ସୂଚାଇ ଦେଇଛନ୍ତି ଯେ ବାଧ୍ୟତାମୂଳକ ପଦକ୍ଷେପଗୁଡ଼ିକ ଫଳପ୍ରଦ ହେବ ଏବଂ ଆଇନ ବଦଳରେ ପରିବାର ଯୋଜନା ବିଷୟରେ ଭାରତକୁ ଅଧିକ ସଚେତନତା ହେବାର ଆବଶ୍ୟକତା ରହିଛି । ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ ୪ ର ତଥ୍ୟ ଅନୁଯାୟୀ ଦେଶର ପ୍ରଜନନ ହାର (୧୫ ବର୍ଷରୁ ୪୯ ବର୍ଷ ପର୍ଯ୍ୟନ୍ତ)ମହିଳାଙ୍କର ୩.୪ ରୁ ହ୍ରାସ ପାଇଛି ୧୯୯୨ ରୁ ୧୯୯୩ ମଧ୍ୟରେ ୨.୨ ପିଲାକୁ ହ୍ରାସ ପାଇଛି। ଏହା ହ୍ରାସ ପାଇବ ବୋଲି ଆକଳନ କରାଯାଇଛି। ବିନା କୌଣସି ବାଧ୍ୟତାମୂଳକ ନିୟମ ଦ୍ୱାରା ୨୦୩୦ ସୁଦ୍ଧା ଏହା ୧.୮ କୁ ହ୍ରାସ ପାଇବ।
