ରାଜ୍ୟସଭାରେ ପାସ୍ ହେଲା ମୋଟର ଯାନ ଅଧିନିୟମ 2019 : ଟ୍ରାଫିକ ନିୟମ ଭାଙ୍ଗିଲେ ଏଣିକି ଜୋରିମାନା ୫ ଗୁଣା ଅଧିକ

0 294

ଟ୍ରାଫିକ୍ ନିୟମ ଭାଙ୍ଗିଲେ ଦେବାକୁ ପଡ଼ିବ ୫ଗୁଣା ଜରିମାନା । ଦେଶର ସଡ଼କ ସୁରକ୍ଷାକୁ ବଢାଇବା ପାଇଁ ଉଦ୍ଧିଷ୍ଟ ମଟର ଯାନ ସଂଶୋଧନ ବିଲ ୨୦୧୯କୁ ରାଜ୍ୟସଭାରେ ମଂଜୁରୀ ମିଳିଛି । ବିଲ ସପକ୍ଷରେ ୧୦୮ ଭୋଟ ମିଳିଥିବା ବେଳେ ବିପକ୍ଷରେ ୧୩ଟି ଭୋଟ ମିଳିଥିଲା । ଏହି ବିଲରେ ବେପାରୁଆ ଭାବେ ଗାଡ଼ି ଚାଳନା କରୁଥିବା ବ୍ୟକ୍ତିମାନଙ୍କ ପାଇଁ ରହିଛି କଠୋର ଦଣ୍ଡ ବିଧାନ । ଏହା ସହ ଜରିମାନା ରାଶିକୁ ମଧ୍ୟ ଦୁଇ ଗୁଣା ବଢାଇ ଦିଆଯାଇଛି । ମଦ କିମ୍ବା ନିଶା ସେବନ କରି ଗାଡ଼ି ଚଳାଇଲେ ଜରିମାନା ୫ଗୁଣା ଅଧିକା ଦେବାକୁ ପଡ଼ିବ ।

ନାବାଳକଙ୍କୁ ଗାଡି ଚଳାଇବାକୁ ଦେଲେ

ଯଦି କୌଣସୀ ନାବାଳକ ଗାଡି ଚଳାଇବା ସମୟରେ ଧରା ହୁଅନ୍ତି ତେବେ ଏହାକୁ ଅପରାଧ ଧରାଯିବ । ଏଥିପାଇଁ ବାହନ ମାଲିକଙ୍କୁ ୨୫ ହଜାର ଟଙ୍କା ଜରିମାନା ଦେବାକୁ ପଡିବ ଏବଂ ସଂପୃକ୍ତ ନାବାଳକଙ୍କୁ ୨୫ ବର୍ଷ ନହେବା ଯାଏଁ ଲାଇସେନ୍ସ ମିଳିବ ନାହିଁ । ନାବାଳକଙ୍କ ବିରୋଧରେ କିଶୋର ନ୍ୟାୟ ଆକ୍ଟ ୨୦୦୦ ଆଧାରରେ ମକୋଦ୍ଦମା ହେବ । ୪ ବର୍ଷରୁ ଅଧିକ ଆୟୁସୀମା ଶିଶୁମାନଙ୍କୁ ହେଲମେଟ ପିନ୍ଧାଯିବ । ନୂଆ ବିଲରେ ଡ୍ରାଇଭିଙ୍ଗର ଅନ୍ୟାନ୍ୟ ଭୁଲ ପାଇଁ ଜରିମାନାକୁ ପୂର୍ବ ଅପେକ୍ଷା ୫ରୁ ୩୦ ଗୁଣା ବୃଦ୍ଧି କରି ଦିଆଯାଇଛି ।

ମଦ୍ୟପାନ କରି ଗାଡିଚାଳନା କଲେ

ମଦ୍ୟପାନ କରି ଗାଡି ଚଳାଉଥିଲେ ପୂର୍ବରୁ ୨ହଜାର ଜରିମାନା ଦେଉଥିଲେ କିନ୍ତୁ ଏବେ ୧୦ ହଜାର ଟଙ୍କା ଜରିମାନା ଦେବାକୁ ପଡିବ ।

ହିଟ ଆଣ୍ଡ ରନ

ଏଭଳି କେସରେ ଯଦି ପୀଡିତ ଆହତ ଅଚୀ ତେବେ ଅଭିଯୁକ୍ତ ବାହନ ଚାଳକ ଉପରେ ୧୨,୫୦୦ ଏବଂ ପୀଡିତଙ୍କ ମୃତ୍ୟୁ ହେଲେ ୨୫ହଜାର ଟଙ୍କା ଜରିମାନା ଦେବାକୁ ପଡୁଥିଲା । କିନ୍ତୁ ଏବେ ଏହି ରାଶିକୁ ୫୦ ହଜାର ଓ ୨ଲକ୍ଷ କରାଯାଇଛି ।

ସିଟ ବେଲ୍ଟ

ସିଟ ବେଲ୍ଟ ପାଇଁ ପୂର୍ବରୁ ୧୦୦ ଟଙ୍କା ଦେବାକୁ ପଡୁଥିଲା ଏବେ ୧୦୦୦ ଦେବାକୁ ପଡିବ ।

ହେଲମେଟ

ପୂର୍ବରୁ ୧୦୦ ଟଙ୍କା ଥିଲା ନୂଆ ଆକ୍ଟରେ ୧୦୦୦

ରେସିଙ୍ଗ୍ କଲେ

ଏବେ ୫୦୦ ଦେବାକୁ ପଡୁଛି ନୂଆ ଆକ୍ଟ ଆସିଲେ ୫୦୦୦ ଦେବାକୁ ପଡିବ ।

ବିନା ଇନସୁରାନ୍ସ

ବର୍ତ୍ତମାନର ଆକ୍ଟରେ ଏକ ହଜାର ନୂଆ ଆକ୍ଟରେ ଦେବେ ଦୁଇ ହଜାର

ଓଭର ସ୍ପିଡ୍

ଏବେ ଦେଉଛନ୍ତି ୪୦୦ ଟଙ୍କା ଜରିମାନା ନୂଆ ଆକ୍ଟରେ ୪ହଜାର ।

ବିନା ଡିଏଲ

ଏବେ ୫୦୦ ନୂଆ ଆକ୍ଟ ଆସିଲେ ୫ହଜାର । ଯଦି ଗାଡି ଚାଳନା ସମୟରେ ଅଯୋଗ୍ୟ ଘୋଷିତ ହୁଅନ୍ତି ତେବେ ୧୦ ହଜାର ଟଙ୍କା ଦେବାକୁ ପଡିବ । ଯାହାକି ବର୍ତ୍ତମାନ ସମୟରେ ୫ଶହ ଅଛି ।

Leave A Reply

Your email address will not be published.