ଭୁବନେଶ୍ୱର(ସତ୍ୟପାଠ ବ୍ୟୁରୋ): ସଂସଦରେ ଏକ ଗୁରୁତ୍ୱପୂର୍ଣ୍ଣ ଆଲୋଚନା ସମୟରେ ରାହୁଲ ଗାନ୍ଧୀ ବଡ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ସଂସଦରେ ବିଭିନ୍ନ ପ୍ରସଙ୍ଗରେ ସରକାରଙ୍କୁ ଘେରିବା ବେଳେ ରାହୁଲ ଅଭିଯୋଗ କରିଥିଲେ ଯେ, ପ୍ରଧାନମନ୍ତ୍ରୀ କେବଳ ଯାଦୁ ବିଦ୍ୟା ଭଳି ଦେଶବାସୀଙ୍କୁ ବିଭ୍ରାନ୍ତ କରୁଛନ୍ତି ଏବଂ ପ୍ରକୃତ ସମସ୍ୟାରୁ ନଜର ହଟାଇବା ପାଇଁ ନୂଆ ନୂଆ “ଇଭେଣ୍ଟ” ପ୍ରସ୍ତୁତ କରୁଛନ୍ତି। ବିଶେଷ କରି ବେକାରୀ, ମହଙ୍ଗା ମାଡ଼ ଓ କିଛି ନିର୍ଦ୍ଦିଷ୍ଟ ଶିଳ୍ପପତିଙ୍କୁ ସୁବିଧା ଯୋଗାଇବା ପ୍ରସଙ୍ଗରେ ସେ କହିଥିଲେ ଯେ, ପ୍ରଧାନମନ୍ତ୍ରୀ ଏକ ଯାଦୁକରୀ ଶୈଳୀରେ ଜନତାଙ୍କ ଅର୍ଥକୁ କିଛି ଲୋକଙ୍କ ପକେଟକୁ ପଠାଇବାରେ ସଫଳ ହେଉଛନ୍ତି। ରାହୁଲ ଗାନ୍ଧୀଙ୍କ ଏହି “ଯାଦୁକର” କଟାକ୍ଷର ମୁଖ୍ୟ ଉଦ୍ଦେଶ୍ୟ ଥିଲା ସରକାରଙ୍କ ଆର୍ଥିକ ନୀତି ଏବଂ ପରିଚାଳନା ଉପରେ ପ୍ରଶ୍ନ ଉଠାଇବା। ସେ ଦର୍ଶାଇଥିଲେ ଯେ, ଦେଶରେ ଗରିବୀ ଓ ବେକାରୀ ସମସ୍ୟା ବଢ଼ିଚାଲିଥିବା ବେଳେ ପ୍ରଧାନମନ୍ତ୍ରୀଙ୍କ କଥାବାର୍ତ୍ତା ଏବଂ ଭାଷଣ ଜନତାଙ୍କୁ ଏକ ସ୍ୱପ୍ନର ଦୁନିଆରେ ରଖୁଛି। ତେବେ ଶାସକ ଦଳ ପକ୍ଷରୁ ଏହାର କଡ଼ା ଜବାବ ଦିଆଯାଇଛି। ବିଜେପି ନେତାମାନେ ରାହୁଲଙ୍କ ଏହି ମନ୍ତବ୍ୟକୁ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହିବା ସହ, ପ୍ରଧାନମନ୍ତ୍ରୀଙ୍କୁ ଜଣେ ବିଶ୍ୱସ୍ତରୀୟ ନେତା ଓ ଦେଶର ବିକାଶର ବିନ୍ଧାଣି ଭାବେ ଚିତ୍ରିତ କରିଛନ୍ତି।
