ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ ର ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଆସନ୍ତା ୬ ମାସ ମଧ୍ୟରେ ଦେଶବାସୀ ଙ୍କୁ ଦରବୃଦ୍ଧିରୁ ଆଶ୍ୱସ୍ତି ମିଳିପାରେ । ଆରବିଆଇ ଗଭର୍ନର କହିଛନ୍ତି ଯେ କେନ୍ଦ୍ରୀୟ ବ୍ୟାଙ୍କ୍ ଦରବୃଦ୍ଧି ଉପରେ ନିୟନ୍ତ୍ରଣ କରିବା ପାଇଁ ସବୁ ପ୍ରୟାସ ଜାରି ରଖିବ । ଏହାଦ୍ୱାରା ମଜବୁତ ଏବଂ ସ୍ଥାୟୀ ବୃଦ୍ଧି ହାସଲ ହୋଇପାରିବ ।ସେ କହିଛନ୍ତି ଅର୍ଥନୈତିକ ଅଭିବୃଦ୍ଧିକୁ ନେଇ ଭଲ ସଙ୍କେତ ମିଳୁଛି ।କୌଟିଲ୍ୟ ଅର୍ଥନୀତିକ ସମ୍ମିଳନୀର ଉଦଘାଟନୀ ସମାରୋହରେ ଉଦବୋଧନ ଦେବା ବେଳେ ଆରବିଆଇ ଗଭର୍ନର ଏହା କହିଛନ୍ତିି । ଦେଶର ଅର୍ଥନୀତିକ ପ୍ରତିଷ୍ଠାନଗୁଡ଼ିକ ଉପରେ ମୁଦ୍ରାସ୍ଫୀତି ଜନସାଧାରଣଙ୍କ ଆତ୍ମବିଶ୍ୱାସର ଏକ ମାପକ ବୋଲି ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ବର୍ତ୍ତମାନ ଯୋଗାଣ ପରିସ୍ଥିତି ଅନୁକୂଳ ଦେଖାଯାଉଛି। ଆମେ ଅନୁମାନ କରୁଛୁ ଯେ ୨୦୨୨-୨୩ ର ଦ୍ୱିତୀୟାର୍ଦ୍ଧରେ ମୁଦ୍ରାସ୍ଫୀତି ଧୀରେ ଧୀରେ ହ୍ରାସ ହୋଇପାରେ ।ଆର୍ଥିକ ସ୍ଥିରତା ବଜାୟ ରଖିବା ପାଇଁ ମୂଲ୍ୟ ସ୍ଥିରତା ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି। ତେଣୁ ଆର୍ଥିକ ସ୍ଥିରତା ବଜାୟ ରଖିବା ଏବଂ ପ୍ରୋତ୍ସାହିତ କରିବା ପାଇଁ କେନ୍ଦ୍ରୀୟ ବ୍ୟାଙ୍କ ପଦକ୍ଷେପ ଗ୍ରହଣ କରିବ। ମୁଦ୍ରାସ୍ଫୀତି ସ୍ଥିର କରିବା ପାଇଁ ମୁଦ୍ରା ନୀତି ରେ ଠିକ୍ ସମୟରେ ପଦକ୍ଷେପ ନେବା ଉଚିତ୍। ଏହାଦ୍ୱାରା ଅର୍ଥବ୍ୟବସ୍ଥା କୁ ମଜବୁତ ଏବଂ ସ୍ଥାୟୀ ଅଭିବୃଦ୍ଧି ପଥରେ ରଖାଯାଇପାରିବ ।ସେହିପରି ବ୍ୟାପକ-ଅର୍ଥନୀତିକ ସ୍ଥିରତା ବଜାୟ ରଖିବା ଏବଂ ପ୍ରୋତ୍ସାହିତ କରିବା ଲକ୍ଷ୍ୟରେ ଆମେ ଆମର ନୀତି ସମୀକ୍ଷା କରିବା ଜାରି ରଖିବୁ ବୋଲି ଶ୍ରୀ ଦାସ ନିଜ ବିବୃତି ରେ କହିଛନ୍ତି।
