ଋଷ ଏବଂ ୟୁକ୍ରେନ ମଧ୍ୟରେ ଜାରୀ ରହିଛି ଯୁଦ୍ଧ । ଉଭୟ ନିଜ ନିଜ ଜିଦ୍ ରେ ଅଟଳ ରହି ଲଗାତାର ଭାବେ ଆକ୍ରମଣ କରିଚାଲିଛନ୍ତି । ଫଳରେ ବର୍ତ୍ତମାନ ଏହି ସ୍ଥିତି ଏକ ଭୟଙ୍କର ରୂପ ନେଇଛି । ଦିନକୁ ଦିନ ପରିସ୍ଥିତି ଅଧିକ ତିକ୍ତ ହେବାରେ ଲାଗିଛି । ବର୍ତ୍ତମାନ ସେହି ଟେନସନକୁ ହ୍ରାସ କରିବା ପାଇଁ ଆଉ ଏକ ରାଉଣ୍ଡ ଆଲୋଚନା ଆରମ୍ଭ ହେବାକୁ ଯାଉଛି । କିନ୍ତୁ ସେହି ବାର୍ତ୍ତାଳାପ ପୂର୍ବରୁ ୟୁକ୍ରେନ ଏହାର ପ୍ରତିନିଧିତ୍ୱ ପାଇଁ ଏକ ନୂତନ ଗାଇଡଲାଇନ ଜାରି କରିଛି ।
ସେହି ଗାଇଡଲାଇନ ଅନୁଯାୟୀ, ୟୁକ୍ରେନ ପ୍ରତିନିଧୀ ଆଲୋଚନା ସମୟରେ କିଛି ଖାଇବା କିମ୍ବା ପିଇବା ଉଚିତ ନୁହେଁ । ଏହା ମଧ୍ୟ କୁହାଯାଇଛି ଯେ କୌଣସି ଜିନିଷକୁ ଛୁଇଁବାକୁ ଏଡ଼ାଇବାକୁ ପଡ଼ିବ । ୟୁକ୍ରେନ ଏହି ସମୟରେ ବିଷାକ୍ତ ଆକ୍ରମଣର ଆଶଙ୍କା କରୁଛି । ୟୁକ୍ରେନର ବୈଦେଶିକ ମନ୍ତ୍ରୀ ମଧ୍ୟ ବିବୃତ୍ତିରେ କହିଛନ୍ତି ଯେ ବାର୍ତ୍ତାଳାପ ସମୟରେ କିଛି ଖାଇବେନି କିମ୍ବା କିଛି ସ୍ପର୍ଶ କରିବେନି ।
ବର୍ତ୍ତମାନ ଏହି ସବୁ କାର୍ଯ୍ୟ କରାଯାଉଛି କାରଣ ଶେଷ ରାଉଣ୍ଡ ଆଲୋଚନା ପରେ କିଛି ଲୋକଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା । ଯଦି ୟୁକ୍ରେନକୁ ବିଶ୍ୱାସ କରାଯାଏ, ଋଷର ବିଲିୟନେୟାର ରୋମାନ ଆବ୍ରାମୋଭିଚ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ ହୋଇଥିଲେ ।
ତାଙ୍କ ଦେହରେ ବିଷର ଲକ୍ଷଣ ଦେଖାଯାଇଥିବା ଦାବି କରାଯାଇଛି, ୟୁକ୍ରେନ୍ର ପ୍ରତିନିଧୀ ଦଳର କିଛି ଲୋକଙ୍କର ମଧ୍ୟ ସମାନ ଲକ୍ଷଣ ଥିଲା । ଋଷ ନିଶ୍ଚିତ ଭାବରେ ଏହି ଦାବିକୁ ପ୍ରତ୍ୟାଖ୍ୟାନ କରିଛି । କିନ୍ତୁ ୟୁକ୍ରେନ କୌଣସି ରିସ୍କ ନେବାକୁ ଚାହୁଁନଥିବାବେଳେ, ନିଜ ପ୍ରତିନିଧି ମାନଙ୍କୁ କୌଣସି ପ୍ରକାରର ଖାଇବା ପିଇବା ଉପରେ ଗାଇଡଲାଇନ ଜାରି କରିଛି।
