ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଞ୍ଚାୟତ ନିର୍ବାଚନ ପରେ ଶାସକ ବିଜେଡି ପୌର ନିର୍ବାଚନରେ ମଧ୍ୟ ବାଜି ମାରିଛି । ଏହା ମଧ୍ୟରେ ଦଳର ବିରାଟ ସଫଳତା ପାଇଁ ମୁଖ୍ୟମନ୍ତ୍ରୀଙ୍କୁ ବରିଷ୍ଠ ଆଇଏଏସ ଓ ଆଇପିଏସ ଅଧିକାରୀ ଅଭିନନ୍ଦନ ଜଣାଇଥିବାର ଖବର ସାମ୍ନାକୁ ଆସିଛି । ତେବେ ବରିଷ୍ଠ ଆଇଏଏସ୍, ଆଇପିଏସ୍ ଅଧିକାରୀ ଏବଂ ଅନେକ ସେବା ସଙ୍ଗଠନର ସଦସ୍ୟ ଆଜି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ଭେଟି ନିକଟରେ ଅନୁଷ୍ଠିତ ହୋଇଥିବା ପଞ୍ଚାୟତ ଏବଂ ପୌର ନିର୍ବାଚନରେ ଚମତ୍କାର ସଫଳତା ପାଇଁ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେପଟେ ଅଧିକାରୀମାନଙ୍କୁ ଧନ୍ୟବାଦ ଜଣାଇ ମୁଖ୍ୟମନ୍ତ୍ରୀ ରାଜ୍ୟର ବିକାଶ ତଥା ପ୍ରଗତି ପାଇଁ ଅଧିକ ପ୍ରତିବଦ୍ଧତା ସହ କାର୍ଯ୍ୟ କରିବାକୁ ଅଧିକାରୀମାନଙ୍କୁ କହିଥିବାର ସୂଚନା ମିଳିଛି । ଅନ୍ୟପଟେ ମୁଖ୍ୟ ଶାସନ ସଚିବ ଶ୍ରୀ ସୁରେଶ ମହାପାତ୍ର, ଡେଭଲୋମେଣ୍ଟ କମିଶନର ଶ୍ରୀ ପି.କେ ଜେନା ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ।
ତାଙ୍କ ସହ ପୋଲିସ ଡିଜି ଶ୍ରୀ ସୁନୀଲ କୁମାର ବନସଲ, ଏଡିଜି ଶ୍ରୀ ଲଲିତ ଦାସ, ଏଡିଜି ଶ୍ରୀ ଆର.କେ ଶର୍ମା, ପୋଲିସ କମିଶନର ଶ୍ରୀ ସୁମେନ୍ଦ୍ର ପ୍ରିୟଦର୍ଶୀ ମଧ୍ୟ ସାକ୍ଷାତ କରିଛନ୍ତି। ଏହି ବୈଠକରେ ୫ ଟି ସଚିବ ଶ୍ରୀ ଭି କେ ପାଣ୍ଡିଆନ୍ ଉପସ୍ଥିତ ଥିବାର ଦେଖିବାକୁ ମିଳିଛି । କେବଳ ଏତିକି ନୁହେଁ ବରଂ ଦଳର ଐତିହାସିକ ବିଜୟ ପାଇଁ ବିଭିନ୍ନ ସଙ୍ଗଠନ ମଧ୍ୟରୁ ଓଏସ ଆସୋସିଏସନ୍, ଓଡିଶା ଫାଇନାନ୍ସ ସେବା ଓଡିଶା ପୋଲିସ୍ ସର୍ଭିସେସ୍ ଆସୋସିଏସନ୍, ଓଡିଶା ସଚିବାଳୟ ସେବା, ରାଜସ୍ୱ ସେବା, କନଷ୍ଟେବଳ ଏବଂ ହାବିଲଦାର ଆସୋସିଏସନ୍, ବିଭାଗର ମୁଖ୍ୟ, ମେଡିକାଲ୍ ସର୍ଭିସେସ୍ ଆସୋସିଏସନ୍, ଅମାଲା ସାଙ୍ଗା, ପ୍ରାଣୀ ଚିକିତ୍ସା ସେବା, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସଂଘ , ଗ୍ରାମ ରୋଜଗର ସେବାକ ସାଙ୍ଗ, ଡ୍ରାଇଭର ଆସୋସିଏସନ ଏବଂ ଚୁକ୍ତିଭିତ୍ତିକ କର୍ମଚାରୀ ସଂଘ ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ।
