ନୂଆଦିଲ୍ଲୀ: ମହିଳା ସମ୍ମାନଜନକ ‘ଡିଫେନ୍ସ୍ ସର୍ଭିସେସ୍ ଷ୍ଟାଫ୍ କୋର୍ସ’ ଏବଂ ‘ଡିଫେନ୍ସ୍ ସର୍ଭିସେସ୍ ଟେକ୍ନିକାଲ୍ ଷ୍ଟାଫ୍ କୋର୍ସ’ ପରୀକ୍ଷା ପ୍ରଥମ ଥର ପାଇଁ ୬ଜଣ ମହିଳା ପାସ କରିଥିବା କଥା ସରକାରୀ ଅଧିକାରୀମାନେ କହିଛନ୍ତି।
ଚଳିତ ବର୍ଷ ସେପ୍ଟେମ୍ବର ମାସରେ ଉପରୋକ୍ତ ପରୀକ୍ଷା ଅନୁଷ୍ଠିତ ହୋଇଥିଲା ।
ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ୬ଜଣଙ୍କ ମଧ୍ୟରୁ ୪ଜଣ ତିନି ବାହିନୀରେ ଥିବା ସେମାନଙ୍କ ପୁରୁଷ ପ୍ରତିପକ୍ଷମାନଙ୍କ ସହିତ ମିଶି ତାମିଲ୍ନାଡୁର ୱେଲିଙ୍ଗ୍ଟନ୍ସ୍ଥିତ ‘ଡିଫେନ୍ସ୍ ସର୍ଭିସେସ୍ ଷ୍ଟାଫ୍ କଲେଜ୍’ରେ ବର୍ଷିକିଆ ପାଠ୍ୟକ୍ରମ ଅଧ୍ୟୟନ କରିବେ।
ସେଠାରେ ସେମାନଙ୍କୁ ଆଭିଯାନିକ, ସାମରିକ ବୁଦ୍ଧିମତ୍ତା, ଆଭିଯାନିକ ପରିବହନ ଏବଂ କର୍ମଚାରୀ ନିଯୁକ୍ତିର ପ୍ରଶାସନିକ ଦିଗ ଉପରେ ତାଲିମ ଦିଆଯିବ ବୋଲି ସେନା ଅଧିକାରୀମାନେ କହିଛନ୍ତି।
ବାକି ଦୁଇଜଣ ମହିଳା ଅଧିକାରୀଙ୍କ ମଧ୍ୟରୁ ଜଣେ ‘ଡିଏସ୍ଟିଏସ୍ସି’ ସଂରକ୍ଷଣ ତାଲିକାରେ ଥିବା ବେଳେ ଆଉ ଜଣେ ‘ଆଡ୍ମିନିଷ୍ଟ୍ରେସନ୍ ଆଣ୍ଡ୍ ଲଜିଷ୍ଟିକ୍ସ୍ ମ୍ୟାନେଜ୍ମେଣ୍ଟ୍ କୋର୍ସ’ ଏବଂ ‘ଇଣ୍ଟେଲିଜେନ୍ସ୍ ଷ୍ଟାଫ୍ କୋର୍ସ’ ପାଇଁ ସଂକ୍ଷିପ୍ତ ତାଲିକାଭୁକ୍ତ ହୋଇଛନ୍ତି।
ସେନାର ୧୫୦୦ରୁ ଅଧିକ ଅଧିକାରୀ ‘ଡିଫେନ୍ସ୍ ସର୍ଭିସେସ୍ ଷ୍ଟାଫ୍ କୋର୍ସ’ ଏବଂ ‘ଡିଫେନ୍ସ୍ ସର୍ଭିସେସ୍ ଟେକ୍ନିକାଲ୍ ଷ୍ଟାଫ୍ କୋର୍ସ’ ପରୀକ୍ଷା ଦେଇଥିଲେ। ଚଳିତ ବର୍ଷ ପ୍ରଥମ ଥର ପାଇଁ ‘ଆର୍ମି ସର୍ଭିସେସ୍ କର୍ପସ୍’, ‘ଆର୍ମି ଏୟାର୍ ଡିଫେନ୍ସ୍’, ଆର୍ମି ଅର୍ଡନାନ୍ସ୍ କର୍ପସ୍’, ‘କର୍ପସ୍ ଅଫ୍ ସିଗ୍ନାଲ୍ସ୍’, ‘କର୍ପସ୍ ଅଫ୍ ଇଣ୍ଟେଲିଜେନ୍ସ୍’, ‘କର୍ପସ୍ ଅଫ୍ ଇଞ୍ଜିନିୟର୍ସ’ ଏବଂ ‘କର୍ପସ୍ ଅଫ୍ ଇଏମ୍ଇ’ରୁ ୨୨ ଜଣ ମହିଳା ଅଧିକାରୀ ପରୀକ୍ଷା ଦେଇଥିଲେ
