ମୋଦିଙ୍କ ରାଲିରେ ଦଳାଚକଟା ସ୍ଥିତି, ଅଧାରୁ ଭାଷଣ ବନ୍ଦ କଲେ ପ୍ରଧାନମନ୍ତ୍ରୀ

325

ପଶ୍ଚିମବଙ୍ଗ ଠାକୁରନଗରରେ ଆୟୋଜିତ ଏକ ନିର୍ବାଚନୀ ସଭାରେ ଦଳାଚକଟା ଭଳି ପରିସ୍ଥିତି ସୃଷ୍ଟି ହେବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଭାଷଣକୁ ଅଧାରୁ ବନ୍ଦ ରଖିବାକୁ ବାଧ୍ୟ ହେଲେ ।

ଠାକୁରନଗରରେ ଏକ ବିଶାଳ ରାଲିର ଆୟୋଜନ କରାଯାଇଥିଲା । ସଭାସ୍ଥଳରେ ପ୍ରଧାନମନ୍ତ୍ରୀ ପହଞ୍ଚିବା ପରେ ଉପସ୍ଥିତ ଲୋକେ ଅଭିବାଦନ ଜଣାଇଥିଲେ । ମାତ୍ର ଯେଉଁ ପଡିଆରେ ସଭା ଆୟୋଜନ କରାଯାଇଥିଲା, ତାର କ୍ଷମତାଠାରୁ ଢେର ଅଧିକ ସଂଖ୍ୟାରେ ଲୋକ ସଭାରେ ଠୁଳ ହୋଇଥିଲେ । ଭିଡ଼ ଯୋଗୁଁ ଦଳାଚକଟା ଭଳି ପରିସ୍ଥିତି ସୃଷ୍ଟି ହୋଇଥିଲା ।

ଏଥିରେ ୧୬ରୁ ଅଧିକ ଲୋକ ଆହତ ହୋଇଛନ୍ତି । ପରିସ୍ଥିତି ଦେଖି ପ୍ରଧାନମନ୍ତ୍ରୀ ଲୋକଙ୍କୁ ଶୃଙ୍ଖଳାର ସହ ଆଚରଣ କରିବାକୁ ଅନୁରୋଧ କରିଥିଲେ । ଏହା ସତ୍ତ୍ୱେ ହୋହଲ୍ଲା ଜାରି ରହିଥିଲା ।

ପରିସ୍ଥିତି ଅଣାୟତ୍ତ ହେଉଥିବା ଲକ୍ଷ୍ୟ କରି ମୋଦି ମାତ୍ର ୧୪ ମିନିଟ୍‌ ଭାଷଣ ଦେଇଥିଲେ । ଏହାପରେ ସଭାରେ ଉପସ୍ଥିତ ମହିଳା ଓ ଶିଶୁଙ୍କୁ ସୁରକ୍ଷା ଯୋଗାଇବା ଲାଗି ବିଜେପି କର୍ମୀମାନେ ପ୍ରାଣମୂର୍ଚ୍ଛା ଉଦ୍ୟମ କରୁଥିବା ଦେଖିବାକୁ ମିଳିଥିଲା ।

Comments are closed.