(ସତ୍ୟପାଠ ବ୍ୟୁରୋ) ଭୁବନେଶ୍ୱର : ବଲିଉଡ ଅଭିନେତା ଅକ୍ଷୟ କୁମାରଙ୍କ ମାତା ଅରୁଣା ଭାଟିୟାଙ୍କର ଦେହାନ୍ତ ହୋଇଯାଇଛି। ଆଜି ମୁମ୍ବାଇର ‘ହୀରାନନ୍ଦାନୀ ହସ୍ପିଟାଲ୍’ରେ ତାଙ୍କର ପରଲୋକ ଘଟିଛି। ଏ ସମ୍ପର୍କରେ ଅକ୍ଷୟ କୁମାର ନିଜେ ଟୁଇଟ୍ କରି ସୂଚନା ଦେଇଛନ୍ତି। ସେ ଲେଖିଛନ୍ତି ଯେ ,” ସେ ମୋର ସବୁକିଛି । ଆଜି ମୁଁ ବହୁତ ଯନ୍ତ୍ରଣା ଅନୁଭବ କରୁଛି। ଏହି ଯନ୍ତ୍ରଣା ଅସହ୍ୟ । ଆଜି ସକାଳେ ତାଙ୍କର ଦେହାନ୍ତ ହୋଇଛି। ସେ ଏହି ଦୁନିଆ ଛାଡି ବର୍ତ୍ତମାନ ପାପାଙ୍କ ସହପରଲୋକରେ ମୋ ପିତାଙ୍କ ସହ ପୁନର୍ମିଳିତ ହେଲେ। ଏଭଳି ସମୟରେ ମୁଁ ଓ ମୋ ପରିବାର ଦୁଃଖରେ ଥାଇ ମଧ୍ୟ ଆପଣମାନଙ୍କ ପ୍ରାର୍ଥନାକୁ ସମ୍ମାନ ଜଣାଉଛି। ଓଁ ଶାନ୍ତି। ”
ସୂଚନାଯୋଗ୍ୟ ଯେ, ଅସୁସ୍ଥତା କାରଣରୁ ତାଙ୍କୁ ମୁମ୍ବାଇର ହୀରାନନ୍ଦାନୀ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେ ଆଇସିୟୁରେ ଥିଲେ। ମା’ଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ଅକ୍ଷୟ କୁମାର ଲଣ୍ଡନରୁ ମୁମ୍ବାଇ ଫେରିଆସିଥିଲେ। ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ପରିବାରରେ ଚାଲିଥିବା ଏହି କଷ୍ଟଦାୟକ ସମୟ ବିଷୟରେ ଅକ୍ଷୟ ମଧ୍ୟ ସୂଚନା ଦେଇଥିଲେ। ଅକ୍ଷୟ ଇନଷ୍ଟାଗ୍ରାମରେ ଏକ ପୋଷ୍ଟରେ ଲେଖିଛନ୍ତି ଯେ ଶବ୍ଦଠାରୁ ଅଧିକ, ମୁଁ ତୁମର ପ୍ରେମ ଏବଂ ପ୍ରାର୍ଥନା ସହିତ ସଂଯୁକ୍ତ ବୋଲି ଅନୁଭବ କରୁଛି । ମା’ଙ୍କ ସ୍ୱାସ୍ଥ୍ୟ ବିଷୟରେ ପଚାରିବାରୁ ଧନ୍ୟବାଦ । ଏହା ମୋ ଏବଂ ମୋ ପରିବାର ପାଇଁ ଏକ କଷ୍ଟକର ସମୟ । ପ୍ରତି ଘଣ୍ଟାରେ କଷ୍ଟକର।
ଖବର ଅନୁଯାୟୀ ଅକ୍ଷୟଙ୍କ ମାଙ୍କୁ ଶୁକ୍ରବାର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ସମୟରେ ଅକ୍ଷୟ ଲଣ୍ଡନରେ ତାଙ୍କର ଆଗାମୀ ଚଳଚ୍ଚିତ୍ର ‘ସିଣ୍ଡ୍ରେଲା’ ପାଇଁ ସୁଟିଂ କରୁଥିଲେ। ସେ ତାଙ୍କ ମା’ଙ୍କ ସ୍ୱାସ୍ଥ୍ୟ ବିଷୟରେ ସୂଚନା ପାଇବା ମାତ୍ରେ ମୁମ୍ବାଇ ଫେରିଥିଲେ। କିଛି ବର୍ଷ ପୂର୍ବେ ଅକ୍ଷୟଙ୍କ ପିତାଙ୍କର ଦେହାନ୍ତ ହୋଇଛି।
