ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଞ୍ଚାୟତ ନିର୍ବାଚନର ଭୋଟ ଗଣତି ଆରମ୍ଭ ହୋଇଛି । ପ୍ରାରମ୍ଭିକ ରିପୋର୍ଟ ଅନୁସାରେ ବିଜେଡି ଆଗରେ ରହିଛି । ସେପଟେ ଅପରାହ୍ନ ସାଢ଼େ ୪ଟା ସୁଦ୍ଧା ଆସିଥିବା ଟ୍ରେଣ୍ଡ କହୁଛି କେନ୍ଦୁଝରରେ ବି ବିଜେଡି ଆଗରେ ରହିଛି । ଆଉ ନିରାଶ କରି କରି ଟ୍ରେଣ୍ଡ ମୁତାବକ ପଛରେ ପଡ଼ିଛି ‘ପଦ୍ମ’ । ୨୦୧୭ର ରେଜଲ୍ଟକୁ ରିପିଟ୍ କରିବାକୁ ଦମ୍ଭୋକ୍ତି ବାଢୁଥିବା ବିଜେପି ଟ୍ରେଣ୍ଡ୍ ହିସାବରେ ପଛରେ ପଡ଼ିଯାଇଛି ।
ବର୍ତ୍ତମାନର ଟ୍ରେଣ୍ଡ୍ ମୁତାବକ, ଆଜି ଗଣତି ହେଉଥିବା କେନ୍ଦୁଝର ୧୩ଟି ଜିଲ୍ଲା ପରିଷଦ ଆସନ ମଧ୍ୟରୁ ୧୨ଟିରେ ଏକତରଫା କରି ଆଗେଇ ଚାଲିଛି ବିଜେଡି । କେବଳ ତେଲକୋଇରେ ‘ପଦ୍ମ’ ପକେଟକୁ ୧ ଯାଇଥିବାବେଳେ ‘ହାତ’ ହାତରେ ପଡ଼ିନି କିଛି ବୋଲି ଟ୍ରେଣ୍ଡ କହୁଛି ।
