ଭୁବନେଶ୍ୱର(ସତ୍ୟପାଠ ବ୍ୟୁରୋ): ଅଖଣ୍ଡ ଭାରତକୁ ନେଇ ଆରଏସଏସ ମୁଖ୍ୟ ବଡ଼ ବୟାନ ଦେଇଛନ୍ତି । ତେବେ ଆଉ ମାତ୍ର ୧୦ରୁ ୧୫ ବର୍ଷ ମଧ୍ୟରେ ଅଖଣ୍ଡ ଭାରତ ଗଠନ ହେବାକୁ ଯାଉଛି ବୋଲି ଆରଏସଏସ ମୁଖ୍ୟ ମୋହନ ଭଗବତ କହିଛନ୍ତି । ବାସ ଏହା ପରେ ରାଜନେତା ଠାରୁ ସାଧାରଣ ଲୋକ ପର୍ଯ୍ୟନ୍ତ ସମସ୍ତେ ଏନେଇ ପ୍ରତିକ୍ରିୟା ଦେବାରେ ଲାଗିଛନ୍ତି । ବିଶେଷ କରି ତାଙ୍କର ବିବୃତ୍ତିକୁ ନେଇ ସୋସିଆଲ ମିଡିଆରେ ଲୋକମାନେ ଖୁବ ପ୍ରତିକ୍ରିୟା ଦେବାରେ ଲାଗିଛନ୍ତି । ତେବେ କିଶୋର ମହାଜନ ନାମକ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି ଯେ ସନାତନ ଧର୍ମ ଏକ ହିନ୍ଦୁ ରାଷ୍ଟ୍ର, କିନ୍ତୁ ଏଥିରେ ଦଲିତ ଆଦିବାସୀ ଏବଂ ବାହୁଜନ ସମାଜର ଭୂମିକା କ’ଣ ହେବ? ଏହି ଚିନ୍ତାଧାରା ସହିତ ଆମେ ହିନ୍ଦୁ ରାଷ୍ଟ୍ରର ଧାରଣାକୁ ବିରୋଧ କରୁ ।
ସେହିପରି ଗୁଜୁର ନାମକ ଜଣେ ଉପଭୋକ୍ତା ପଚାରିଲେ, ‘ତୁମେ ଅଖଣ୍ଡ ଭାରତର ଅର୍ଥ ଜାଣିଛ କି ତୁମେ କିପରି କହିବାକୁ ଜାଣିଛ?’ ଅଶୋକ ଶେଖୱାଟ ନାମକ ଜଣେ ଉପଭୋକ୍ତା ଲେଖିଛନ୍ତି ଯେ ମୁଦ୍ରାସ୍ଫୀତି, ବେକାରୀ ଏବଂ ଅନ୍ୟାନ୍ୟ ସମସ୍ୟା ଉପରେ କିଛି କରାଯାଇପାରିବ ନାହିଁ। କେବଳ ହିନ୍ଦୁ ରାଷ୍ଟ୍ର ତିଆରି କରିବାକୁ ପଡିବ । ସ୍ୱାମୀ ନାମକ ଜଣେ ଉପଭୋକ୍ତା ଲେଖିଛନ୍ତି – ଦୟାକରି ସମସ୍ତ ମୁଦ୍ରାସ୍ଫୀତି ଏବଂ ବେକାରୀ ସମସ୍ୟା ଉପରେ କୁହନ୍ତୁ । କେବଳ ହିନ୍ଦୁ ମୁସଲମାନ କହିବା ଆଉ ନୁହେଁ କି? ଦୀପକ କୁମାର ମନ୍ତବ୍ୟ ଦେଇଛନ୍ତି ଯେ ମୋ ଅନୁଯାୟୀ ଅଖଣ୍ଡ ଭାରତରେ ମୁସଲମାନମାନେ ସଂଖ୍ୟାଗରିଷ୍ଠ ହେବେ ବୋଲି କହିଛନ୍ତି । ସେପଟେ ଏ ଖବର ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ମଧ୍ୟ ବେଶ ଚଳଚଞ୍ଚଳ ହୋଇ ଉଠିଛି ।
