ଭୁବନେଶ୍ୱର(ସତ୍ୟପାଠ ବ୍ୟୁରୋ): ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର କଂଗ୍ରେସରେ ମିଶିବା ନେଇ ଅନେକ କଳ୍ପନାଜଳ୍ପନା ଚାଲିଛି । ଏହା ମଧ୍ୟରେ ୨୦୨୪ ସାଧାରଣ ନିର୍ବାଚନ ପୂର୍ବରୁ ପୋଲ୍ ରଣନୀତିଜ୍ଞ ପ୍ରଶାନ୍ତ କିଶୋରଙ୍କ ପ୍ରସ୍ତାବକୁ ଗ୍ରହଣ କରିବେ କି ନାହିଁ ତାହା ସ୍ଥିର କରିବାକୁ କଂଗ୍ରେସ ହାଇକମାଣ୍ଡ ଆଜି ବୈଠକ କରିବେ ବୋଲି ସୂଚନା ମିଳିଛି । ତେବେ ଦଳରେ ପ୍ରଶାନ୍ତ କିଶୋର ମିଶିବା ନେଇ ଦଳର ଶୀର୍ଷ ନେତାମାନଙ୍କ ସହ ସୋନିଆ ଗାନ୍ଧୀ ଆଲୋଚନା କରିବେ । ଯଦି ତାଙ୍କୁ ବୋର୍ଡରେ ନିଆଯାଏ ତେବେ ତାଙ୍କୁ କେଉଁ ପଦ ଦିଆଯିବ, ସେନେଇ ମଧ୍ୟ ଆଲୋଚନା ହେବାକୁ ଯାଉଛି । ସେପଟେ ପ୍ରଶାନ୍ତ ଦଳରେ ମିଶିବା ନେଇ ଏପର୍ଯ୍ୟନ୍ତ କୌଣସି ଦଳୀୟ ଘୋଷଣା କରାଯାଇ ନାହିଁ । ପାର୍ଟି ମୁଖ୍ୟ ସୋନିଆ ଗାନ୍ଧୀଙ୍କ ବ୍ୟତୀତ ପ୍ରଶାନ୍ତ କିଶୋରଙ୍କ ପ୍ରସ୍ତାବ ଉପରେ ଏକ ରିପୋର୍ଟ ଦାଖଲ କରିଥିବା ସାତ ଜଣିଆ କମିଟିର ସଦସ୍ୟମାନେ ବୈଠକ ପାଇଁ ଦଳର ମୁଖିଆଙ୍କ ଘରେ ପହଞ୍ଚିଛନ୍ତି। ଏହି କମିଟିର ପୂର୍ବତନ କେନ୍ଦ୍ର ମନ୍ତ୍ରୀ ପି ଚିଦାମ୍ବରମ ଏବଂ ବରିଷ୍ଠ ନେତା କେ.ସି ଭେନୁଗୋପାଲ, ମୁକୁଲ ୱାସନିକ, ଅମ୍ବିକା ସୋନି, ଜୟରାମ ରମେଶ, ଡିଜିଭାଇ ସିଂ ଏବଂ ରଣଦୀପ ସିଂ ସୁରଜେୱାଲାଙ୍କ ନେତୃତ୍ୱରେ ଏହି କମିଟି ଗଠନ କରାଯାଇଛି।
କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ବାଦ୍ରା ଏବଂ ବରିଷ୍ଠ ନେତା ଏ.କେ ଆଣ୍ଟୋନି ମଧ୍ୟ ଏହି ସଭା ପାଇଁ କଂଗ୍ରେସ ସଭାପତିଙ୍କ ୧୦ ଜାନପାଥ ବାସଭବନରେ ପହଞ୍ଚିଛନ୍ତି। ଅନ୍ୟପଟେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ଏପର୍ୟ୍ୟନ୍ତ କଂଗ୍ରେସ ନେତୃତ୍ୱ ସହିତ ତିନିଟି ବୈଠକ କରିଛନ୍ତି । ଯେଉଁଥିରେ ସେ ଗତ କିଛି ବର୍ଷ ମଧ୍ୟରେ ନିର୍ବାଚନରେ ପରାଜୟ ବରଣ କରିଥିବାବେଳେ ଦଳକୁ ପୁନର୍ଜୀବିତ କରିବା ପାଇଁ ଯୋଜନା ବିଷୟରେ ବିସ୍ତୃତ ଉପସ୍ଥାପନା କରିଛନ୍ତି। ପାର୍ଟି ସୂତ୍ର ପୂର୍ବରୁ ସୂଚିତ କରିଛନ୍ତି ଯେ ପ୍ରଶାନ୍ତ କିଶୋରଙ୍କ ପ୍ରସ୍ତାବର ମୂଲ୍ୟାଙ୍କନ ପାଇଁ ସୋନିଆ ଗାନ୍ଧୀଙ୍କ ଦ୍ୱାରା ଗଠିତ ଏକ ସ୍ୱତନ୍ତ୍ର ଦଳ ଚାହୁଁଛନ୍ତି ଯେ ସେ ଅନ୍ୟ ସମସ୍ତ ରାଜନୈତିକ ଦଳରୁ ଦୂରେଇ ରୁହନ୍ତୁ ଏବଂ ନିଜକୁ କଂଗ୍ରେସରେ ସମର୍ପିତ କରନ୍ତୁ। ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
