ଚୀନ ଓ ଆମେରିକା ମଧ୍ୟରେ ଲାଗିରହିଥିବା ବିବାଦ ଏବେ ଏୟାରଲାଇନସ ଉପରେ ପଡ଼ିଛି । ଆମେରିକା ପ୍ରଶାସନ ତରଫରୁ ଚୀନକୁ ଉଡାଣ ଭରିବାକୁ ଥିବା ୪୪ ଟି ବିମାନ ଉଡାଣକୁ ବାତିଲ କରିବା ପାଇଁ ଘୋଷଣା କରିଛି ଆମେରିକା । ୩୦ ଜାନୁଆରୀରୁ ଏହି ନିୟମ ଲାଗୁ କରାଯିବ ।
ସୂଚନାଯୋଗ୍ୟ, ୨ ବର୍ଷ ତଳେ ଚୀନ ମଧ୍ୟ ସମାନ ନୀତି ଆମେରିକା ପାଇଁ ଆପଣେଇଥିଲା । କିଛି ଯାତ୍ରୀ ପଜିଟିଭ ଜଣାପଡିବା ପରେ କରୋନାକୁ କାରଣ ଦେଖାଇ ଚୀନ ତରଫରୁ ଆମେରିକା ଯିବାକୁ ଥିବା ବିମାନକୁ ବାତିଲ କରାଯାଇଥିଲା ।
ତେବେ ବେଜିଙ୍ଗ ପ୍ରଶାସନ ପକ୍ଷରୁ କିଛି ନିର୍ଦ୍ଧିଷ୍ଟ ଆମେରିକାନ ବିମାନକୁ ନିଷେଧ କରାଯାଇଥିଲା । ଆମେରିକାର ଏହି ଆପତି କୁ ଅନୁଚିତ ବୋଲି କହିଛି ଚୀନ ଦୂତବାସ । ୱାସିଙ୍ଗଟନରେ ଥିବା ଚୀନ ଦୂତବାସ ପ୍ରବକ୍ତା ଲିୟୁ ପେଙ୍ଗ୍ୟୁ ଆମେରିକାର ପ୍ରଶାସନକୁ ଅନୁରୋଧ କରିଛନ୍ତି । ଚୀନି ଏୟାରଲାଇନସର ପାସେଂଜର ଫ୍ଲାଇଟକୁ ବାତିଲ ନକରିବାକୁ ଅନୁରୋଧ କରିଛନ୍ତି ଲିୟୁ ପେଙ୍ଗ୍ୟୁ ।
