ରାଜ୍ୟରେ କମୁଛି ସଂକ୍ରମିତ ଙ୍କ ସଂଖ୍ୟା । ଫଳରେ ସଂକ୍ରମଣକୁ ନେଇ ଥିବା ଭୟ ମଧ୍ଯ ହ୍ରାସ ପାଉଛି । ଏହାରି ମଧ୍ୟରେ ବିଏମ୍ସି ପକ୍ଷରୁ ଆଗାମୀ ୧୨ରୁ ସମସ୍ତ ଧର୍ମାନୁଷ୍ଠାନ ଖୋଳିବା ନେଇ ନୋଟିସ୍ ଜାରି କରାଯାଇଛି । କୋଭିଡ଼ କଟକଣା ମଧ୍ୟରେ ଭୁବନେଶ୍ୱରର ସମସ୍ତ ଧାର୍ମିକ ଅନୁଷ୍ଠାନ ଖୋଲିବାକୁ ନିଷ୍ପତ୍ତି ନିଆଯାଇଛି ।
ଖବର ଅନୁଯାୟୀ, ରାଜ୍ୟରେ ଗତ କିଛି ହେଲା କରୋନା ସଂକ୍ରମଣ ବଢିଚାଲିଥିଲା । ଯାହାକୁ ଦୃଷ୍ଟିରେ ରଖି ଭୁବନେଶ୍ୱରର ସମସ୍ତ ଧର୍ମାନୁଷ୍ଠାନକୁ ବନ୍ଦ କରିବାକୁ ନିଷ୍ପତ୍ତି ନିଆଯାଇଥିଲା । କେବଳ ରୀତିନୀତ ଅନୁଯାୟୀ ପୂଜା ହେବ ଏବଂ ସାଧାରଣ ଦର୍ଶକଙ୍କ ପାଇଁ ମନ୍ଦିର ବନ୍ଦ ରଖିବାକୁ ବିଏମ୍ସି ପକ୍ଷରୁ ନିଷ୍ପତ୍ତି ନିଆଯାଇଥିଲା । ଏବେ କରୋନା ସଂକ୍ରମଣ ଦ୍ରୁତ ଗତିରେ ହ୍ରାସ ପାଉଛି । ଯାହାକୁ ଦୃଷ୍ଟିରେ ରଖି ଏବେ ଭୁବନେଶ୍ୱରର ସମସ୍ତ ଧର୍ମାନୁଷ୍ଠାନ ଖୋଲିବାକୁ ନିଷ୍ପତ୍ତି ନିଆଯାଇଛି । କୋଭିଡ଼ କଟକଣା ମଧ୍ୟରେ ମନ୍ଦିର ଖୋଲିବାକୁ ବିଏମ୍ସି ପକ୍ଷରୁ ନୋଟିସ୍ ଜାରି କରାଯାଇଛି ।
ଏଥିସହ ବିଏମ୍ସି ପକ୍ଷରୁ ଜାରି ହୋଇଥିବା ନୋଟିସ ଅନୁଯାୟୀ ୧୫ ବର୍ଷରୁ କମ ବୟସର ପିଲାଙ୍କୁ ମନ୍ଦିରକୁ ପ୍ରବେଶ ଓ ଭୋଗ ନେବା ମନା କରାଯାଇଛି । ଆଡକାଠ ନିକଟରୁ ଦର୍ଶନ ଅନୁମତି ରହିଥିବା ବେଳେ କୌଣସି ଭକ୍ତ ମନ୍ଦିରର ଗର୍ଭଗୃହକୁ ପ୍ରବେଶ ଉପରେ କଟକଣା ରହିଛି । ୨ଟି ଯାକ ଡୋଜ୍ ନେଇଥିବା ବ୍ୟକ୍ତିଙ୍କୁ ମନ୍ଦିରରେ ପ୍ରବେଶ ପାଇଁ ଅନୁମତି ରହିଛି । ଏଥିପ୍ରତି ଟିକା ପ୍ରମାଣପତ୍ର ନେବା ଜରୁରୀ । ସେପଟେ ମସ୍ଜିଦ୍, ଚର୍ଚ୍ଚ, ଗୁରୁଦ୍ୱାରରେ ଏହି ସବୁ ନିୟମକୁ ପାଳନ କରିବା ପାଇଁ ନିର୍ଦ୍ଦେଶ ରହିଛି ।
