ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ସାରା ଦେଶ ଯେତେବେଳେ ସାଧାରଣତନ୍ତ୍ର ଦିବସ ପାଳନ କରୁଥିଲା ରାଜଧାନୀ ଦିଲ୍ଲୀରେ ଏକ ହୃଦୟବିଦାରକ ଘଟଣା ଘଟିଥିôଲା । ଏ ଘଟଣା ସାମ୍ନାକୁ ଆସିବା ପରେ ସାରା ଦେଶ ସ୍ତବ୍ଧ ହୋଇ ଉଠିଥିଲା । ପୂର୍ବ ଶତୃତାକୁ କେନ୍ଦ୍ରକରି ଜଣେ ମହିଳାଙ୍କୁ ଗଣବଳତ୍କାର କରାଯାଇଥିଲା । ଏବଂ ଏହା ପରେ ତାଙ୍କୁ ଲଣ୍ଡା କରି ସ୍ଥାନୀୟ ଅଞ୍ଜଳରେ ବୁଲାଯାଇଥିଲା । ତେବେ ଏପରି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଜଳରେ ଭୟର ବାତାବରଣ ଖେଳିଯାଇଥିଲା । ଏହା ମଧ୍ୟରେ ପୀଡ଼ିତାଙ୍କ ଭଉଣୀ ବଡ଼ ବୟାନ ଦେଇଛନ୍ତି । ତେବେ ମୁଁ ପୋଲିସକୁ ଡାକିବାକୁ ଚାହୁଁଥିଲି, କାହିଁକିନା ସେମାନେ ହିଁ ମୋ ଭଉଣୀଙ୍କୁ ଉଦ୍ଧାର କରିପାରିଥାନ୍ତେ । ତେଣୁ ମୁଁ ନିକଟ ସମ୍ପର୍କୀୟ ଓ ପଡ଼ୋଶୀଙ୍କୁ ପଚାରିଲି, ତାଙ୍କ ପାଖରେ ଫୋନ୍ ନାହିଁ ବୋଲି ସେ କହିଥିଲେ।
ଏପରିକି ମୋତେ କେହି ସାହାଯ୍ୟ କରିନଥିଲେ । ଏପରିକି ମୋତେ ମୋବାଇଲ୍ ଫୋନ୍ ଦେବାକୁ କେହି ପ୍ରସ୍ତୁତ ନଥିଲେ । ପରେ ପଡ଼ୋଶୀଙ୍କୁ ମିଛ କହିବା ପରେ ସେ ପୁଲିସଙ୍କୁ ଡ଼ାକିବାରେ ସଫଳ ହୋଇଥିଲେ । ଏହାର ଠିକ ଦଶ ମିନିଟ୍ ପରେ ପୋଲିସ ପହଞ୍ଚି ମୋ ଭଉଣୀକୁ ଉଦ୍ଧାର କରିଥିଲା। ମୁଁ ସେତେବେଳେ ତାଙ୍କୁ ଏକ ଶବ୍ଦ କହିବାର ସୁଯୋଗ ପାଇଲି ନାହିଁ ବୋଲି ୧୮ ବର୍ଷ ବୟସ୍କା କହିଛନ୍ତି। ସେପଟେ ଗଣତନ୍ତ୍ର ଦିବସରେ ଶାହାଦରା କଲୋନୀରେ ଅପହରଣ, ଗ୍ୟାଙ୍ଗ-ବଳାତ୍କାର, ମାଡ ମାରିବା ଏବଂ ପ୍ୟାରେଡ କରାଯାଇଥିବା ଅଭିଯୋଗ ହୋଇଥିଲା। ମହିଳା ଓ ବାଳିକାଙ୍କ ଦ୍ୱାରା ଘେରି ରହିଥିବା ଏକ ଅପମାନଜନକ କାର୍ଯ୍ୟରେ ଖୁସି ଥିବା ଏକ ଭିଡିଓ ଟ୍ୱିଟରରେ ଦିଲ୍ଲୀ କମିଶନ ଫର ମହିଳା ମୁଖ୍ୟ ସ୍ୱାତୀ ମାଲିୱାଲଙ୍କ ଦ୍ୱାରା ପୋଷ୍ଟ କରାଯାଇଥିଲା । ଏହା ପରେ ସାରା ଦେଶରେ ଏହା ଚର୍ଚ୍ଚାର କେନ୍ଦ୍ର ପାଲଟିଥିଲା । ଅନ୍ୟପଟେ ଏ ଘଟଣା ସାମ୍ନାକୁ ଆସିବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ଜାତୀୟ ମହିଳା ଆୟୋଗର ଅଧ୍ୟକ୍ଷ ରେଖା ଶର୍ମା ଅଭିଯୁକ୍ତଙ୍କ ବିରୋଧରେ କଡା କାର୍ୟ୍ୟାନୁଷ୍ଠାନ ପାଇଁ ଦାବି କରିଥିଲେ ।
