ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ଦେଶର ପାଞ୍ଚଟି ରାଜ୍ୟରେ ଏଥର ବିଧାନସଭା ନିର୍ବାଚନ ହେବାକୁ ଯାଉଛି । ଏହାକୁ ଦୃଷ୍ଟିରେ ରଖି ରାଜନୈତିକ ଦଳମାନେ ନିଜର ସମସ୍ତ ଶକ୍ତିକୁ ପ୍ରଦର୍ଶନ କରିବାରେ ଲାଗିଛନ୍ତି । ଏହା ମଧ୍ୟରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ରାଜସ୍ଥାନ ମୁଖ୍ୟମନ୍ତ୍ରୀ ଓ ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ଭେଟି ଥିବାର କଥା ସାମ୍ନାକୁ ଆସିଛି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର ବିଷୟ ପାଲଟିଛି । ତେବେ କଂଗ୍ରେସ ନେତା ରାହୁଲ ଗାନ୍ଧୀ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ଓ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ସହ ବୈଠକ କରିଛନ୍ତି । ଏହି ବୈଠକରେ ଆସନ୍ତା ୨୦୨୪ ନିର୍ବାଚନରେ କଂଗ୍ରେସର ରଣନୀତି କଣ ହେବ ? ସେନେଇ ଆଲୋଚନା କରାଯାଉଥିବାର ସୂଚନା ମିଳିଛି । କେବଳ ଏତିକି ନୁହେଁ ରାଜସ୍ଥାନ ସରକାରଙ୍କ କର୍ମଚାରୀଙ୍କ ପାଇଁ ପୁରୁଣା ପେନସନ ଯୋଜନା କାର୍ଯ୍ୟକାରୀ କରିବା ପାଇଁ ଗେହଲଟ ସରକାରଙ୍କ ନିଷ୍ପତ୍ତିକୁ ନେଇ ମଧ୍ୟ ଆଲୋଚନା ହୋଇଛି ।
ସେପଟେ ରାଜସ୍ଥାନକୁ ଛତିଶଗଡରୁ କୋଇଲା ଯୋଗାଣକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ଲାଗି ରହିଥିଲା। ପାୱାର ପ୍ଲାଣ୍ଟଗୁଡିକ ପାଇଁ କୋଇଲା ଖନନ ପାଇଁ କ୍ଲିୟରାନ୍ସକୁ ତ୍ୱରାନ୍ୱିତ କରିବା ପାଇଁ ଛତିଶଗଡକୁ ପ୍ରବର୍ତ୍ତାଇବା ପାଇଁ ଗେହଲୋଟ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ଦୁଇଟି ଚିଠି ମଧ୍ୟ ଲେଖି ସାରିଛନ୍ତି। ଅନ୍ୟପଟେ କୋଇଲା ଖନନ ପାଇଁ କ୍ଲିୟରାନ୍ସ ଦେଲେ ଛଚ୍ଛିଶଗଡ଼ର ଆଦିବାସୀ ସମ୍ପ୍ରଦାୟର ଲୋକମାନେ ପ୍ରତିବାଦ କରିବେ ବୋଲି ରାହୁଲ ଗାନ୍ଧୀଙ୍କୁ ଛତିଶଗଡ଼ ମୁଖ୍ୟମନ୍ତ୍ରୀ ଅବଗୋତ କରାଇଛନ୍ତି । ଏପରି କରିବା ଦ୍ୱାରା ବିସ୍ଥାପିତ ଏବଂ ପରିବେଶର ପ୍ରଭାବ ଚିନ୍ତାର ବିଷୟ ପାଲଟିବ ବୋଲି କହିଛନ୍ତି । କିନ୍ତୁ ଗେହଲୋଟ ଚଳିତ ମାସ ଆରମ୍ଭରେ ସୋନିଆଙ୍କୁ ଲେଖିଥିବା ପତ୍ରରେ ଯୁକ୍ତି ଦର୍ଶାଇଛନ୍ତି ଯେ ଛତିଶଗଡର ଏକ ବ୍ଲକରୁ କୋଇଲା ଉପଲବ୍ଧ ନହେବା କାରଣରୁ ରାଜସ୍ଥାନରେ ବିଦ୍ୟୁତ୍ ସଙ୍କଟ ହୋଇପାରେ । ଯାହା କେବଳ ତାଙ୍କ ସରକାରଙ୍କ କାର୍ଯ୍ୟଦକ୍ଷତା ଉପରେ ପ୍ରତିକୂଳ ପ୍ରଭାବ ପକାଇବ ନାହିଁ। ଉଭୟ ରାଜ୍ୟ କଂଗ୍ରେସ ଦ୍ୱାରା ପରିଚାଳିତ ହେଉଥିବାରୁ ଏକ ବିପଦପୂର୍ଣ୍ଣ ପରିସ୍ଥିତି ମଧ୍ୟ ସୃଷ୍ଟି ହେବ ।
ରାଜସ୍ଥାନକୁ ଶୀଘ୍ର ଖଣି କାର୍ଯ୍ୟ ଆରମ୍ଭ କରିବା ପାଇଁ ହାସଡେଓ ଆରାନିଆ ଜଙ୍ଗଲରେ ଥିବା କୋଇଲା ବ୍ଲକଗୁଡିକ ପାଇଁ ଆବଶ୍ୟକ ବିଚାରାଧୀନ ଅନୁମୋଦନକୁ ତ୍ୱରାନ୍ୱିତ କରିବାକୁ ସୋନିଆ ବାଗେଲଙ୍କୁ ପରାମର୍ଶ ଦିଅନ୍ତୁ ବୋଲି ଗେହଲୋଟ ଚାହୁଁଥିଲେ। ୨୦୧୫ ରେ, ଛତିଶଗଡର ସରଗୁଜା ଜିଲ୍ଲାର ତିନିଟି କୋଇଲା ବ୍ଲକକୁ ରାଜସ୍ଥାନ ରାଜ ବିଦ୍ୟା ଉତ୍କଳ ନିଗମ ଲିମିଟେଡକୁ ବଣ୍ଟନ କରିଥିଲା । ସୂତ୍ରରୁ ପ୍ରକାଶ ଯେ ଜାନୁୟାରୀ ୧, ୨୦୦୪ ପରେ ନିଯୁକ୍ତ ସରକାରୀ କର୍ମଚାରୀଙ୍କ ପାଇଁ ପୁରୁଣା ପେନ୍ସନ୍ ଯୋଜନାକୁ ପୁନଃଆରମ୍ଭ କରିବା ପାଇଁ ଗତ ସପ୍ତାହରେ ରାଜ୍ୟ ବଜେଟରେ ଗେହଲୋଟ ଘୋଷଣା କରିଥିଲେ । ଏନେଇ ମଧ୍ୟ ବୈଠଳରେ ଉଭୟଙ୍କ ମଧ୍ୟରେ ଆଲୋଚନା ହୋଇଥିବାର ସୂଚନା ମିଳିଛି ।
