ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ରୁଷ ଓ ୟୁକ୍ରେନର ଯୁଦ୍ଧ ଫଳରେ ଅନେକ ଭାରତୀୟ ଛାତ୍ରଛାତ୍ରୀ ୟୁକ୍ରେନରେ ଫସିରହିଛନ୍ତି । ସେପଟେ ସେମାନଙ୍କୁ ଉଦ୍ଧାର କରିବା ପାଇଁ ପ୍ରମାନମନ୍ତ୍ରୀ ନରେନ୍ଦ୍ର ମୋଦି ଅପରେସନ ଗଙ୍ଗା ଆରମ୍ଭ କରିଛନ୍ତି । ଏହା ମଧ୍ୟରେ ୟୁକ୍ରେନରେ ଫସି ରହିଥିବା ଛାତ୍ରଛାତ୍ରୀଙ୍କୁ ନେଇ କେନ୍ଦ୍ର ସରକାର ବିରୋଧୀ ଟାର୍ଗେଟ କରିଥିବାର ଦେଖିବାକୁ ମିଳିଛି । ତେବେ ସରକାର ଯଦିଓ ଦାବି କରୁଛନ୍ତି ଯେ ଆମେ ସମସ୍ତଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରୁଛୁ । ଏନେଇ ଚାରିଜଣ କେନ୍ଦ୍ରୀୟ ମନ୍ତ୍ରୀଙ୍କୁ ନିୟୋଜିତ ମଧ୍ୟ କରିଛନ୍ତି । ବିରୋଧୀ ଦଳର ନେତାମାନେ ସରକାରଙ୍କ ପଦକ୍ଷେପକୁ ନେଇ ଅସନ୍ତୁଷ୍ଟ ମନେ ହେଉଛି । ଏବଂ କେନ୍ଦ୍ରକୁ ବାରମ୍ବାର ସମାଲୋଚନା କରୁଥିବାର ଦେଖିବାକୁ ମିଳିଛି । ସେପଟେ କଂଗ୍ରେସର ଯୁବ ସଭାପତି ଶ୍ରୀନିବାସ ବି ବି ଏକ କାର୍ଟୁନ୍ ସେୟାର କରି ମୋଦୀ ସରକାରଙ୍କ ଉପରେ ଆକ୍ରମଣ କରିଛନ୍ତି। ଏକ କାର୍ଟୁନ୍ ଅଂଶୀଦାର କରି କଂଗ୍ରେସ ନେତା ଲେଖିଛନ୍ତି – କାରଣ ସମ୍ରାଟଙ୍କର ଏକ ଆଦେଶ ରହିଛି।
ବାସ୍ତବରେ କାର୍ଟୁନ୍ ୟୁକ୍ରେନରୁ ଭାରତକୁ ଫେରାଇ ଆଣିବା ପାଇଁ ଉଦ୍ଧାର କାର୍ଯ୍ୟ ଉପରେ ଆଧାରିତ । ବାସ ଏ ଖବର ସାମ୍ନାକୁ ଆସିବା ପରେ ଦେଶର ରାଜନୀତି ବର୍ତ୍ତମାନ ବେଶ ଚଳଚଞ୍ଚଳ ହୋଇ ଉଠିଛି । ଏହି କାର୍ଟୁନରେ ଲେଖା ଯାଇଛି – “ମୁଁ ୟୁକ୍ରେନ ନୁହେଁ ବରଂ ବିମାନରେ ଫସି ରହିଛି । ଯେ ପର୍ଯ୍ୟନ୍ତ ମନ୍ତ୍ରୀ ମୋତେ ସ୍ୱାଗତ କରିବା ପାଇଁ ଆସିନାହାନ୍ତି, ମୁଁ ବିମାନରୁ ଓହ୍ଲାଇ ପାରିବି ନାହିଁ । ଏହି କାର୍ଟୁନ୍ ମାଧ୍ୟମରେ ମୋଦୀ ସରକାର ଏବଂ ଏହାର ମନ୍ତ୍ରୀଙ୍କୁ ଅପମାନିତ କରାଯାଇଛି। ଏହି ଟୁଇଟ୍ ପୂର୍ବରୁ କଂଗ୍ରେସ ନେତା ଆଉ ଏକ ଟୁଇଟ୍ କରିଥିଲେ। ଏଥିରେ ମୋଦି ସରକାର ୟୁକ୍ରେନ ଭିତରୁ ଛାତ୍ରମାନଙ୍କୁ ବହିଷ୍କାର ନକରିବାକୁ ଟାର୍ଗେଟ କରିଛନ୍ତି।
କେବଳ ଏତିକି ନୁହେଁ ବରଂ ଯେଉଁମାନେ ସୀମାରେ ପହଞ୍ଚିଛନ୍ତି, ସେମାନେ ଫେରି ଆସିବେ କିନ୍ତୁ ଯେଉଁମାନେ ୟୁକ୍ରେନ ଭିତରେ ଫସି ରହିଛନ୍ତି, ସାହାଯ୍ୟକୁ ଅପେକ୍ଷା କରିଛନ୍ତି, ସେମାନଙ୍କୁ ପାଖକୁ ମନ୍ତ୍ରୀ କେବେ ପହଞ୍ଚିବେ ? ବୋଲି କଂଗ୍ରେସ ନେତା ପ୍ରଶ୍ନ କରିଛନ୍ତି । ସେପଟେ ରୁଷ ଦ୍ୱାରା ୟୁକ୍ରେନ ଉପରକୁ ବାରମ୍ବାର ଆକ୍ରମଣ କରାଯାଉଛି । ଫଳରେ ଭାରତରୁ ଅଧ୍ୟୟନ କରିବା ପାଇଁ ଯାଇଥିବା ହଜାର ହଜାର ଛାତ୍ର ୟୁକ୍ରେନରେ ଫସିରହିଛନ୍ତି । ହେଲେ କେନ୍ଦ୍ରସରକାର ଯେତିକି ଉଦ୍ଧାର ପାଇଁ ପ୍ରଚାର କରୁଛି ସେତିକି ଛାତ୍ରଛାତ୍ରୀଙ୍କ ସ୍ଥାନାନ୍ତର ପାଇଁ ଧ୍ୟାନ ଦେଉନାହିଁ ବୋଲି ବିରୋଧୀ ଦଳ ଅଭିଯୋଗ କରୁଛନ୍ତି ।
