ଭୁବନେଶ୍ୱର(ସତ୍ୟପାଠ ବ୍ୟୁରୋ): ରାଜସ୍ଥାନର ଉଦୟପୁରରୁ କଂଗ୍ରେସର ତିନି ଦିନିଆ ଚିନ୍ତନ ଶିବିର ଆରମ୍ଭ ହୋଇଛି । ଏହି ଶିବିରରେ ଭାଗ ନେବାକୁ ୪୦୦ ରୁ ଅଧିକ ପ୍ରତିନିଧୀ ଏବଂ ନେତା ଉଦୟପୁରରେ ପହଞ୍ଚିଛନ୍ତି। ଏହି ଶିବିରରେ ଦଳ ସଂଗଠନରେ ପରିବର୍ତ୍ତନ ପାଇଁ କିଛି ପ୍ରମୁଖ ନିଷ୍ପତ୍ତି ନେଇଛି। କଂଗ୍ରେସର ସାଧାରଣ ସମ୍ପାଦକ ଅଜୟ ମାକେନ୍ କହିଛନ୍ତି ଯେ ଗୋଟିଏ ପରିବାର, ଗୋଟିଏ ଟିକେଟ୍ ଉପରେ କଂଗ୍ରେସ ରାଜି ହୋଇଛି। ସମ୍ମିଳନୀ ପରେ ସେ ଦଳର ପ୍ରମୁଖ ସାଂଗଠନିକ ପରିବର୍ତ୍ତନ ପାଇଁ ପ୍ରତିଶୃତି ଦେଇଥିଲେ। ଏହା ସହ ଅଜୟ ମାକେନ୍ କହିଛନ୍ତି ଯେ ପ୍ୟାନେଲର ସମସ୍ତ ସଦସ୍ୟ ସମ୍ପୂର୍ଣ୍ଣ ଭାବରେ ସହମତ ଅଟନ୍ତି ଯେ ଗୋଟିଏ ପରିବାରର କେବଳ ଜଣେ ସଦସ୍ୟଙ୍କୁ ଟିକେଟ୍ ଦିଆଯିବା ଉଚିତ୍। ଯଦି କୌଣସି ନେତାଙ୍କ ପରିବାରର ଅନ୍ୟ ସଦସ୍ୟ ଟିକେଟ ଚାହୁଁଛନ୍ତି ତାହାଲେ ସେ କଂଗ୍ରେସରେ ଅତି କମରେ ପାଞ୍ଚ ବର୍ଷ କାର୍ୟ୍ୟ କରିଥିବା ଆବଶ୍ୟକ ହେଲେ ଗାନ୍ଧୀ ପରିବାର ଏହି ନିୟମରୁ ମୁକ୍ତି ପାଇପାରିବେ ବୋଲି କହିଛନ୍ତି । କେବଳ ଏତିକି ନୁହେଁ ବରଂ ଅଜୟ ମାକେନ୍ କହିଛନ୍ତି ଯେ ଦଳର କୌଣସି ନେତା ୫ ବର୍ଷରୁ ଅଧିକ ସମୟ ଧରି କୌଣସି ପଦବୀରେ ରହିବେ ନାହିଁ।
ଯଦି ଜଣେ ନେତାଙ୍କୁ ଏକ ପଦବୀକୁ ଫେରାଇ ଆଣିବାକୁ ପଡିବ, ତା’ହେଲେ ତାଙ୍କ ପାଇଁ ଅତି କମରେ ୩ ବର୍ଷର କୁଳିଙ୍ଗ ପିରିଅଡ ଆବଶ୍ୟକ ହେବ ଜ୍ଝ ଚିନ୍ତନ ଶିବରରେ ନିଆଯାଇଥିବା ଗୁରୁତ୍ୱପୂର୍ଣ୍ଣ ନିଷ୍ପତ୍ତି ବିଷୟରେ ବର୍ଣ୍ଣନା କରି ଅଜୟ ମାକେନ୍ କହିଛନ୍ତି ଯେ କଂଗ୍ରେସ ପଦାଧିକାରୀଙ୍କ କାର୍ୟ୍ୟଦକ୍ଷତାକୁ ଆକଳନ କରିବା ପାଇଁ କଂଗ୍ରେସ ଏକ ‘ଆସେସମେଣ୍ଟ୍ ୱିଙ୍ଗ୍’ ପ୍ରତିଷ୍ଠା କରିବାକୁ ଚିନ୍ତା କରୁଛି। କଂଗ୍ରେସ ଏହି ଶିବିରରେ ନିଷ୍ପତ୍ତି ନେଇଛି ଯେ ବର୍ତ୍ତମାନ ପ୍ରତ୍ୟେକ ସ୍ତରରେ ଅତି କମରେ ୫୦ ପ୍ରତିଶତ ଯୁବକ ସଂଗଠନରେ ଅନ୍ତର୍ଭୁକ୍ତ ହେବେ । ଏହା ସହ ବ୍ଲକ ଏବଂ ବୁଥ କମିଟି ମଧ୍ୟରେ ମଣ୍ଡଳ କମିଟି ଗଠନ ଉପରେ ଦଳ ସର୍ବସମ୍ମତ ବୋଲି କଂଗ୍ରେସ ସାଧାରଣ ସଚିବ କହିଛନ୍ତି। ଏକ ମଣ୍ଡଳ କମିଟିରେ ୧୫ ରୁ ୨୦ ଟି ବୁଥ୍ ରହିବ । ଅଜୟ ମାକେନ୍ କହିଛନ୍ତି ଯେ ଗ୍ରାଉଣ୍ଡ ଲେଭଲ୍ ସର୍ଭେ ଏବଂ ଅନ୍ୟାନ୍ୟ କାର୍ୟ୍ୟ ପାଇଁ ପାର୍ଟିରେ ‘ପବ୍ଲିକ୍ ଇନ୍ସାଇଟ୍ ବିଭାଗ’ ଗଠନ ପାଇଁ ଏକ ପ୍ରସ୍ତାବ ରହିଛି। ଏହା ସହିତ କଂଗ୍ରେସରେ ଛଅଟି ଦଳ ଗଠନ କରାଯାଇଛି ।
ଯାହା ସଂଗଠନ, ଦେଶର ଅର୍ଥନୈତିକ ଏବଂ ରାଜନୈତିକ ସ୍ଥିତି, ସାମାଜିକ ନ୍ୟାୟ, କୃଷକ ଏବଂ ଯୁବକମାନଙ୍କ ସମ୍ବନ୍ଧୀୟ ପ୍ରସଙ୍ଗ ଉଠାଇବ । ପ୍ରତ୍ୟେକ ଗୋଷ୍ଠୀରେ ୬୦ ରୁ ୭୦ ଲୋକ ରହିବେ । ଏବଂ କୌଣସି ପ୍ରସଙ୍ଗରେ କାଗଜରେ ଆଲୋଚନା ହେବ ନାହିଁ । ଅନୁଶାସନକୁ କିପରି କାର୍ୟ୍ୟକାରୀ କରାଯିବ ସେନେଇ ସଂଗଠନ ମଧ୍ୟରେ ଆଲୋଚନା ହୋଇଛି ବୋଲି କଂଗ୍ରେସ ସାଧାରଣ ସଚିବ କହିଛନ୍ତି। ସଂଗଠନ ଭିତରେ ଥିବା ଶୃଙ୍ଖଳାକୁ ଆହୁରି ମଜବୁତ କରିବା ପାଇଁ କେଉଁ ପଦକ୍ଷେପ ଗ୍ରହଣ କରାଯିବା ଉଚିତ ତାହା ମଧ୍ୟ ଆଲୋଚନା କରାଯାଉଛି ବୋଲି ସେ କହିଛନ୍ତି। ଅଜୟ ମାକେନ୍ କହିଛନ୍ତି ଯେ କଂଗ୍ରେସ ହେଉଛି ଦଳର ସଂଗଠନ, ଯେଉଁଥିରେ ଆପଣ ତଳୁ ଉପର ସ୍ତରକୁ ଏକ ବଡ଼ ପରିବର୍ତ୍ତନ ଦେଖିବେ। ସେ କହିଛନ୍ତି ଯେ ଆମେ ବିଶ୍ୱାସ କରୁ ଯେ କଂଗ୍ରେସ ଦଳର ସଂଗଠନ ଗଠନ ବଦଳିବା ସହିତ ପରିବର୍ତ୍ତନ ହୋଇନାହିଁ ବୋଲି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
