ଭୁବନେଶ୍ୱର(ସତ୍ୟପାଠ ବ୍ୟୁରୋ): କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନାକୁ ବିରୋଧ କରି ବିକ୍ଷୋଭକାରୀମାନେ ଟ୍ରେନ ଓ ବସ ଜାଳି ଦେଉଥିବାର ଦେଖିବାକୁ ମିଳିଛି । ତେବେ ବିହାର, ଉତ୍ତରପ୍ରଦେଶ, ହରିୟାଣା, ରାଜସ୍ଥାନ ଏବଂ ଜାତୀୟ ରାଜଧାନୀ ଦିଲ୍ଲୀରୁ ଏପରି ଖବର ସାମ୍ନାକୁ ଆସିବାରେ ଲାଗିଛି । ଏହା ମଧ୍ୟରେ କାର୍ଗିଲ ଯୁଦ୍ଧରେ ଭାରତକୁ ବିଜୟରେ ପହଞ୍ଚାଇଥିବା ତତ୍କାଳୀନ ଆର୍ମି ଚିଫ୍ ଜେନେରାଲ୍ ଭି.ପି ମଲିକ୍ ଅଗ୍ନିପଥ ଯୋଜନାକୁ ସମର୍ଥନ କରିଛନ୍ତି । ଏହାସହ ସେ କହିଛନ୍ତି ସ୍ୱଳ୍ପକାଳୀନ ନିଯୁକ୍ତି ଯୋଜନା ବିରୋଧରେ ହେଉଥିବା ବିରୋଧ ପ୍ରଦର୍ଶନ ସମୟରେ ହିଂସା ପାଇଁ ଦାୟୀ ଥିବା ସେନାର କୌଣସି ଇଚ୍ଛା ନଥିବା ପରିଲକ୍ଷିତ ହେଉଛି । କେବଳ ଏତିକି ନୁହେଁ ବରଂ ଆମକୁ ବୁଝିବାକୁ ହେବ ଯେ ସଶସ୍ତ୍ର ବାହିନୀ ଏକ ସ୍ୱେଚ୍ଛାସେବୀ ଶକ୍ତି ।
ଏହା ଏକ କଲ୍ୟାଣକାରୀ ସଂସ୍ଥା ନୁହେଁ ଏବଂ ଏଥିରେ ଦେଶ ପାଇଁ ଲଢୁଥିବା ସର୍ବୋତ୍ତମ ବ୍ୟକ୍ତି ରହିବା ଉଚିତ । ଯେଉଁମାନେ କି ଆଗକୁ ଯାଇ ଦେଶକୁ ସୁରକ୍ଷା ଦେଇ ପାରିବେ । ଯେଉଁମାନେ ଗୁଣ୍ଡାଗର୍ଦ୍ଦି କରିଛନ୍ତି, ଟ୍ରେନ୍ ଏବଂ ବସ୍ ପୋଡ଼ି ଦେଇଛନ୍ତି, ସେମାନେ ସୈନ୍ୟବାହିନୀରେ ରହିବାକୁ ଯୋଗ୍ୟ ଲୋକ ନୁହଁନ୍ତି । ସେମାନେ ଅଗ୍ନିପଥ ଯୋଜନା ପାଇଁ ଯୋଗ୍ୟ ନୁହଁନ୍ତି । ଜେନେରାଲ ମଲିକ ସୂଚାଇ ଦେଇଛନ୍ତି ଯେ ସେନା ପ୍ରାର୍ଥୀମାନେ ଚାକିରି ବିଷୟରେ ଚିନ୍ତା କରିବା ଉଚିତ ନୁହେଁ କାରଣ ସରକାର ପୋଲିସ ଏବଂ ପାରାମିଲିଟାରୀ ଫୋର୍ସରେ ଲାଟେରାଲ ପ୍ରବେଶକୁ ନିଶ୍ଚିତ କରିଛନ୍ତି । ତଥାପି, ଚାକିରି ଗ୍ୟାରେଣ୍ଟି ବର୍ତ୍ତମାନ ଦିଆଯାଇପାରିବ ନାହିଁ ବୋଲି କହିଛନ୍ତି ।
