ଭୁବନେଶ୍ୱର : ମଞ୍ଚେଶ୍ୱର ଥାନା ପୁଲିସ୍ ଜଣେ ବିଲଡରଙ୍କୁ ଗିରଫ କରିଛି । ରାଜଧାନୀ ଭୁବନେଶ୍ୱରରେ ଫ୍ଲାଟ ଦେବା ନାଁରେ ୨୦ ଲକ୍ଷ ଟଙ୍କା ଠକେଇ ଅଭିଯୋଗରେ ପୋଲିସ ତାଙ୍କୁ ଗିରଫ କରିଛି । ତାଙ୍କ ନାଁ ଅରୁଣଜ୍ୟୋତି ପଟ୍ଟନାୟକ।
ଅରୁଣଜ୍ୟୋତିଙ୍କ ନାଁରେ ହରିହର ସାହୁ ନାମକ ଜଣେ ବ୍ୟକ୍ତି ଗତକାଲି ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ। ହରିହରଙ୍କ ଅଭିଯୋଗ ଅନୁଯାୟୀ, ଭୁବନେଶ୍ୱରର ପଳାଶୁଣିରେ ତାଙ୍କୁ ଏକ ଫ୍ଲାଟ୍ ଯୋଗାଇ ଦେବା ପାଇଁ ଅରୁଣଜ୍ୟୋତି ତାଙ୍କ ଠାରୁ ୨୦ ଲକ୍ଷ ଟଙ୍କା ନେଇଥିଲେ। କିନ୍ତୁ ଆଜି ପର୍ଯ୍ୟନ୍ତ ଫ୍ଲାଟ୍ ଦେଲେ ନାହିଁ କି ଟଙ୍କା ଫେରସ୍ତ କଲେ ନାହିଁ। ଅନେକ ଅନୁରୋଧ ପରେ ଟଙ୍କା ଫେରସ୍ତ କରିବାକୁ ବିଲଡର ଅରୁଣଜ୍ୟୋତି ରାଜି ହୋଇଥିଲେ ଓ ଗତବର୍ଷ ମେ’ ମାସ ୩୦ ତାରିଖରେ ଏକ ଚେକ୍ ଦେଇଥିଲେ। କିନ୍ତୁ ସେହିବର୍ଷ ଜୁନ୍ ୧୪ ତାରିଖରେ ଉକ୍ତ ଚେକ୍ଟି ବ୍ୟାଙ୍କରେ ବାଉନ୍ସ ହୋଇଯାଇଥିଲା।
ଅରୁଣଜ୍ୟୋତି ଭୁବନେଶ୍ୱରର ଆହୁରି ଅନେକ ଲୋକଙ୍କୁ ଏଭଳି ଢଙ୍ଗରେ ଠକିଥିବା ଅଭିଯୋଗ ହୋଇଛି। ସେନେଇ ପୁଲିସ୍ର ତଦନ୍ତ ଚାଲିଛି ।
