(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଅଡୁଆରେ ଓଲିଉଡ ଅଭିନେତା ବବି ମିଶ୍ର। ସୂଚନା ମୁତାବକ ଭୁବନେଶ୍ୱରର ନୟାପଲ୍ଲୀ ଥାନାରେ ତାଙ୍କୁ ପଚରାଉଚରା କରୁଛି ପୁଲିସ୍। ଅଭିଯୋଗ ଅନୁଯାୟୀ ମଦ ପିଇ ମଦ ପିଇ ପଡ଼ୋଶୀଙ୍କୁ ମାଡ ମାରିବା ସହ ଗାଳି ଗୁଳଜ କରିଥିବାରୁ ଘଟଣା ପୁଲିସ ପାଖରେ ଯାଇ ପହଞ୍ଚିଛି । ବବି ମିଶ୍ରଙ୍କ ପଡୋଶୀ ଏ ସମ୍ପର୍କରେ ନୟାପଲ୍ଲୀ ଥାନାରେ ଅଭିଯୋଗ କରିଛନ୍ତି । ଅଭିଯୋଗ କରିଥିବା ବ୍ୟକ୍ତିଙ୍କୁ ମଦ ନିଶାରେ ବନ୍ଧକୁ ଦେଖାଇ ବାହା ହେବାକୁ ବବି ମିଶ୍ର ଜିଦ୍ ଧରିଥିବା ଅଭିଯୋଗ ହୋଇଛି ।
ପଡୋଶୀ ଅଭିଯୋଗ କରିଛନ୍ତି ଯେ, ବବିଙ୍କ ଏଭଳି ଅସଦାଚରଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ପ୍ରତ୍ୟେକ ଦିନ କିଛି ନା କିଛି କଥାକୁ ନେଇ ସେ ଝଗଡ଼ା କରୁଛନ୍ତି ବୋଲି ପଡ଼ୋଶୀ ଅଭିଯୋଗ କରିଛନ୍ତି । ବବିଙ୍କ ସହ ତାଙ୍କ କିଛି ସହଯୋଗୀ ମଧ୍ୟ ପଡୋଶୀଙ୍କ ଘରକୁ ଧମକ ଦେବା ସହ ଗୁଣ୍ଡା ଆଣି କଲୋନୀରେ ଉତ୍ପାତ କରୁଥିବା ଅଭିଯୋଗରେ କୁହଯାଇଛି ।
ତେବେ ପଡୋଶୀଙ୍କ ଏଭଳି ଅଭିଯୋଗକୁ ସମ୍ପୂର୍ଣ୍ଣ ଖଣ୍ଡନ କରିଛନ୍ତି ବବି ମିଶ୍ର । ସେ କହିଛନ୍ତି ଯେ, ଅଭିଯୋଗ କରିଥିବା ବ୍ୟକ୍ତି ହେଉଛନ୍ତି ତାଙ୍କର ଅତି ଘନିଷ୍ଠ , କିଛି ରାଗ ରୁଷାକୁ ନେଇ ଏଭଳି ସମସ୍ୟା ହୋଇଛି । ଗାଡି ପାର୍କିଂ କରିବାକୁ ନେଇ ପଡୋଶୀ ଓ ତାଙ୍କ ଭିତରେ ଝଗଡା ହୋଇଥିଲା। କିନ୍ତୁ ତାଙ୍କ ବିରୋଧରେ ଆସିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ।
