ସତ୍ୟପାଠ ବ୍ୟୁରୋ(ଭୁବନେଶ୍ୱର): ବିଜେପି ଛାଡ଼ି ଟିଏମସିରେ ମିଶିବା ପରେ ବାବୁଲ ସୁପ୍ରିୟୋଙ୍କୁ ନେଇ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଛି । ଏହା ସହ ହଠାତ ବାବୁଲ ସୁପ୍ରିୟୋଙ୍କ ଟିଏମସିରେ ମିଶିବା ପରେ ପଶ୍ଚିମବଙ୍ଗ ରାଜନୀତି ବେଶ ଚଳଚଞ୍ଚଳ ହୋଇପଡ଼ିଛି । ଏହା ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ବଲିଉଡ ସିଙ୍ଗର ତଥା ରାଜନେତା ବାବୁଲ ସୁପ୍ରିୟୋ ଏକ ସଙ୍ଗୀତ ସଭା କରିଥିବାର କଥା ସାମ୍ନାକୁ ଆସିଛି । ଅପରପକ୍ଷେ ଟିଏମସିରେ ମିଶିବା ପରେ ବାବୁଲ ସୁପ୍ରିୟୋ ଓ ମମତାଙ୍କର ଏହା ପ୍ରଥମ ବୈଠକ । ଏହି ବୈଠକରେ ମମତା ତାଙ୍କୁ ଦଳକୁ ସ୍ୱାଗତ କରିବା ସହ ବର୍ତ୍ତମାନ ଗୀତ ଗାଇବା ଜାରି ରଖିବାକୁ କହିଥିବାର ସୂଚନା ମିଳିଛି । ମମତାଙ୍କ ସହ ବୈଠକ କରିବା ପରେ ବାବୁଲ କହିଛନ୍ତି ଯେ ମୁଁ ଦିଦିଙ୍କୁ ଭେଟିବା ପରେ ବହୁତ ଖୁସି। ବେଶ ଆନନ୍ଦର ସହ ସେ ମୋତେ ଟିଏମସି ପରିବାରକୁ ସ୍ୱାଗତ କରିଛନ୍ତି। ସେ ମୋତେ କାମ କରିବା ସହ ହୃଦୟରୁ ଗୀତ ଗାଇବାକୁ କହିଛନ୍ତି। ମୁଁ ଭାବୁଛି ଏହା କେକ୍ ଉପରେ କ୍ରିମର ଲେପ ସଦୃଶ ।
କେବଳ ଏତିକି ନୁହେଁ ବରଂ ବର୍ତ୍ତମାନ ପୂଜା ସମୟ ଗୀତ ଗାଇବା କାମ ଜାରି ରଖ ମଧ୍ୟ କହିଛନ୍ତି । ଏହା ସହ ତାଙ୍କ କଥା ମୋତେ ବେଶ ଛୁଇଁଛି। ମୁଁ ଦଳ ପାଇଁ କାମ କରିବା ସହ ଗୀତ ମଧ୍ୟ ଗାଇବି। ଆମ ଭିତରେ ମ୍ୟୁଜିକାଲ ମିଟିଂ ହୋଇଛି। ମିଟିଂ ବେଳେ ସେ ମୋତେ ଯାହା ବି କହିଲେ, ସେସବୁ ମୋ କାନକୁ ସଂଗୀତ ଭଳି ଲାଗିଥିଲା। ମୋତେ ଦଳକୁ ସ୍ୱାଗତ କରିଥିବାରୁ ମୁଁ ଦିଦି ଓ ଅଭିଷେକ ବାନାର୍ଜୀଙ୍କୁ ଧନ୍ୟବାଦ ଜଣାଉଛି ବୋଲି ବାବୁଲ ସୁପ୍ରିୟୋ କହିଛନ୍ତି । ଅନ୍ୟପଟେ ଧବାର ସେ ଦିଲ୍ଲୀ ଯାଇ ବିଜେପିର ସାଂସଦ ପଦରୁ ଇସ୍ତଫା ଦେବେ। ନିଜର ଇସ୍ତଫାପତ୍ର ସେ ବାଚସ୍ପତି ଓମ ବିର୍ଲାଙ୍କୁ ହସ୍ତାନ୍ତର କରିବେ। ତେବେ ଟିଏମସିରେ ତାଙ୍କ ଦାୟିତ୍ୱ କ’ଣ ରହିବ, ସେକଥା ବର୍ତ୍ତମାନ ସୁଦ୍ଧା ଜଣାପଡି ନାହିଁ ।
ତଥାପି ବାବୁଲ କହିଛନ୍ତି, “ଦଳରେ ମୋ ଭୂମିକା କ’ଣ ରହିବ, ସେକଥା ସଂପୂର୍ଣ୍ଣ ଭାବେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ରହିଛି। ସେ ଯାହା ଦାୟିତ୍ୱ ଦେବେ, ସେହି ଅନୁସାରେ ମୁଁ କାର୍ଯ୍ୟ କରିବି ବୋଲି ଗଣମାଧ୍ୟମ ନିକଟରେ ବାବୁଲ ସୁପ୍ରିୟୋ ସ୍ପଷ୍ଟ କରିଛନ୍ତି । ତେବେ ଗତ ସପ୍ତାହରେ ରାଜ୍ୟସଭା ସାଂସଦ ଅର୍ପିତା ଘୋଷ ସମକକ୍ଷ ଭାବରେ ଇସ୍ତଫା ଦେଇଥିବାରୁ ବାବୁଲ ସୁପ୍ରିଓ ସମାନ ମାର୍ଗରେ ଯାଇପାରନ୍ତି। କିମ୍ବା ତାଙ୍କୁ ପଶ୍ଚିମବଙ୍ଗ ସରକାରରେ ମନ୍ତ୍ରୀ ଭାବେ ନାମିତ କରାଯାଇପାରେ ଏବଂ ଆଗାମୀ ମାସରେ ଏକ ଉପ-ପୋଲ ବିରୋଧରେ ଲଢେଇ ପାଇଁ ନିୟୋଜିତ କରାଯାଇପାରେ । ଯାହାଦ୍ୱାରା ସେ ବେଙ୍ଗଲ ବିଧାନସଭାରେ ବିଧାୟକ ଭାବରେ ନିର୍ବାଚିତ ହେବେ ବୋଲି ଅନୁମାନ କରାଯାଉଛି ।
