ଉତ୍ତରପ୍ରଦେଶ: ଜମିଜମା ବିବାଦକୁ ନେଇ ରକ୍ତାକ୍ତ ସଂଘର୍ଷ | ଫଳରେ ଚାଲିଯାଇଛି ୪ ଜଣଙ୍କ ଜୀବନ | ଉତ୍ତରପ୍ରଦେଶ ଆମେଠୀର ଗୁଙ୍ଗୱାଚର ରାଜପୁର କୌହରଠାରେ ଘଟିଛି ଏହି ଘଟଣା | ଗୋଟିଏ ପରିବାର ଅନ୍ୟ ପରିବାର ଉପରେ ଲାଠି ଓ ମାରଣାସ୍ତ୍ରରେ ଆକ୍ରମଣ ତେବେ ଉଗ୍ର ରୂପ ଧାରଣ କରିଥିଲା ଯେ, ଏହି ଘଟଣାରେ ୪ଜଣଙ୍କର ମୃତ୍ୟୁ ହୋଇଛି । ଏହାସହ ୬ ଜଣ ଆହତ ହୋଇଥିବା ଖବର ମିଳିଛି ।
ସୂଚନାଯୋଗ୍ୟ, ଆମେଠୀର ଗୁଙ୍ଗୱାଚର ରାଜପୁର କୌହରଠାରେ ଘଟିଛି । କୁହାଯାଉଛି ଯେ ଏଠାରେ ରହୁଥିବା ସଙ୍କଟା ପ୍ରସାଦଙ୍କ ଘର ଗ୍ରାମସଭାର ଜମିରେ ରହିଛି । ଗାଁର ରାମଦୁଲେ, ବ୍ରିଜେଶ ଏବଂ ଅଖିଳେଶ ଏହି ଜବରଦଖଲକୁ ବିରୋଧ କରିଥିଲେ । ଯେତେବେଳେ ସଙ୍କଟା ପ୍ରସାଦ ମନା କରିଦେଲେ, ଦଖଲକାରୀମାନେ ସାଙ୍କଟା ପ୍ରସାଦ ଏବଂ ତାଙ୍କ ପରିବାର ସଦସ୍ୟଙ୍କ ଉପରେ ଆକ୍ରମଣ କରିଥିଲେ । ଏହି ଆକ୍ରମଣ ପରେ ସମସ୍ତଙ୍କୁ ଡାକ୍ତରଖାନା ନିଆଯାଇଥିଲା । ଯେଉଁଠାରେ ସଙ୍କଟା ଯାଦବ, ହନୁମାନ ଯାଦବ, ଅମରଶ ଯାଦବ ଏବଂ ପାର୍ବତୀ ଯାଦବଙ୍କର ଚିକିତ୍ସା ସମୟରେ ମୃତ୍ୟୁ ହୋଇଥିଲା ।
ସୂଚନା ପାଇବା ପରେ ବହୁ ସଂଖ୍ୟକ ପୋଲିସ ଫୋର୍ସ ଘଟଣାସ୍ଥଳରେ ପହଞ୍ଚି ଏହି ଅଞ୍ଚଳକୁ ଏକ କଣ୍ଟେନମେଣ୍ଟରେ ପରିଣତ କରିଥିଲେ । ପରେ ମୃତଦେହ ସବୁକୁ ପୋଷ୍ଟମର୍ଟମ ପାଇଁ ପାଠାଇ ଅଧିକ ତଦନ୍ତି କରୁଛି ପୋଲିସ । ସେପଟେ ଆହତମାନଙ୍କ ହସ୍ପିଟାଲରେ ଚାଲିଛି ଚିକିତ୍ସା ।
