ମେ’ ୨୭ରେ ରିଲିଜ୍ ହେବ ବଲିଉଡ ନାୟିକା କଙ୍ଗନା ରଣାୱତଙ୍କ ଅଭିନୀତ ଫିଲ୍ମ୍ ‘ଧାକଡ଼’। କଙ୍ଗନା ଏନେଇ ନିଜ ଫିଲ୍ମର ନୂଆ ରିଲିଜ ଡେଟ୍ ସମ୍ପର୍କରେ ସୂଚନା ଦେଇଛନ୍ତି । କଙ୍ଗନା ଫିଲ୍ମର ନୂଆ ପୋଷ୍ଟର ମଧ୍ୟ ସେୟାର କରି କହିଛନ୍ତି ‘ଧାକଡ଼’ ମେ’ ୨୭ରେ ଥିଏଟରରେ ରିଲିଜ୍ ହେବ । କେବଳ ଏତିକି ନୁହେଁ ଏହା ହିନ୍ଦି, ତାମିଲ, ତେଲଗୁ ଓ ମାଲୟାଲମ ଭାଷାରେ ରିଲିଜ୍ ହେବ ।
ତେବେ ବଲିଉଡ଼ ର ଏହି ନାୟିକା ଅନେକ ସମୟରେ ନିଜର ବିବାଦୀୟ ବୟାନ ପାଇଁ ସବୁବେଳେ ଚର୍ଚ୍ଚାରେ ରହିଆସିଛନ୍ତି । କାହାକୁ ଖାତିର ନ କରି ସର୍ବସମ୍ମୁଖରେ ନିଜ ବୟାନ ରଖନ୍ତି କଙ୍ଗନା । ଯାହାକୁ ନେଇ ଅନେକ ସମୟରେ ଫିଲ୍ମ୍ ଜଗତ ହେଉ ଅବା ରାଜନୀତି ଜଗତ ସବୁ ମାହୋଲ୍ କୁ ସେ ଗରମ କରିଦିଅନ୍ତି । ଏବେ ତାଙ୍କ ଅଭିନୀତ ଫିଲ୍ମ ଧାକଡ଼କୁ ନେଇ ଆଲୋଚନା ଜୋର ଧରିଛି । ପୂର୍ବରୁ ଶୁଣିବାକୁ ମିଳିଥିଲା କି ‘ଧାକଡ଼’ ଚଳିତ ବର୍ଷ ଏପ୍ରିଲରେ ରିଲିଜ୍ ହେବ । ହେଲେ ଏବେ ଏହାର ନୂଆ ରିଲିଜ ଡେଟ ସାମ୍ନାକୁ ଆସିଛି ।
ଏହାକୁ କଙ୍ଗନା ନିଜେ ତାଙ୍କ ଫିଲ୍ମର ନୂଆ ରିଲିଜ ଡେଟ୍ ସମ୍ପର୍କରେ ସୂଚନା ଦେଇଛନ୍ତି । କଙ୍ଗନା ଫିଲ୍ମର ନୂଆ ପୋଷ୍ଟର ମଧ୍ୟ ସେୟାର କରି କହିଛନ୍ତି ‘ଧାକଡ଼’ ମେ’ ୨୭ରେ ଥିଏଟରରେ ରିଲିଜ୍ ହେବ । କେବଳ ଏତିକି ନୁହେଁ ଏହା ହିନ୍ଦି, ତାମିଲ, ତେଲଗୁ ଓ ମାଲୟାଲମ ଭାଷାରେ ରିଲିଜ୍ ହେବ । ଏଥିରେ କଙ୍ଗନାଙ୍କ ବ୍ୟତୀତ ଅର୍ଜୁନ ରାମପାଲ, ଦିବ୍ୟା ଦତ୍ତା ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଆକ୍ସନରେ ଭରପୁର ଥିବା ବେଳେ କଙ୍ଗନା ଏଥରେ ଜଣେ ଏଜେଣ୍ଟ ଚରିତ୍ରରେ ନଜର ଆସିବେ । ଦେଖିବାକୁ ବାକି ରହିଲା ଏହା ବକ୍ସ ଅପିସ୍ରେ ଧମାଲ୍ କରୁଛି କି ନାହିଁ ।
