(ସତ୍ୟପାଠ ବ୍ୟୁରୋ) ଭୁବନେଶ୍ୱର: କର୍ଣ୍ଣାଟକ ମୁଖ୍ୟମନ୍ତ୍ରୀ ବି.ଏସ୍ ୟେଦୁରପ୍ପା ଜୁଲାଇ ୨୬ ରେ ତାଙ୍କ ପଦରୁ ଇସ୍ତଫା ଦେଇପାରନ୍ତି। ଏ ସମ୍ପର୍କରେ ୟେଦୁରୁପ୍ପା ନିଜେ ସଙ୍କେତ ଦେଇଛନ୍ତି। ସେ କହିଛନ୍ତି ଯେ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ପିଏମ ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କର ମୋ ପ୍ରତି ବହୁତ ସମ୍ମାନ ଏବଂ ଭଲ ପାଇବା ରହିଛି। ଏବଂ ବିଜେପିରେ ନୀତି ସ୍ପଷ୍ଟ ଯେ ୭୫ ବର୍ଷ ଅତିକ୍ରମ କରିବା ପରେ କାହା ପାଇଁ କୌଣସି ପଦବୀ ନାହିଁ।
ମୋ କାର୍ଯ୍ୟକୁ ସେମାନେ ପ୍ରଶଂସା କରିଥିଲେ ଏବଂ ମୋତେ ୭୮-୭୯ ବର୍ଷ ବୟସ ପର୍ଯ୍ୟନ୍ତ କାମ କରିବାର ସୁଯୋଗ ଦେଇଥିଲେ। ମୋର ଉଦ୍ଦେଶ୍ୟ ହେଉଛି ରାଜ୍ୟରେ ଦଳକୁ ମଜବୁତ କରିବା ଏବଂ ଦଳକୁ ପୁଣି ଥରେ କ୍ଷମତାକୁ ଫେରାଇ ଆଣିବା। ଜୁଲାଇ ୨୬ ତାରିଖରେ ସରକାରକୁ ୨ ବର୍ଷ ସମାପ୍ତ ହେବ, ଏହା ପରେ ଜାତୀୟ ସଭାପତି ନଡ୍ଡା ଯାହା କହିବେ ତାହାର ପାଳନ କରାଯିବ।
ୟେଦୁରପ୍ପା ଆହୁରି ମଧ୍ୟ କହିଛନ୍ତି ଯେ ବିଜେପିକୁ କ୍ଷମତାକୁ ଫେରାଇ ଆଣିବା ହେଉଛି ମୋର କର୍ତ୍ତବ୍ୟ, ମୁଁ ଦଳର ସମସ୍ତ କର୍ମୀଙ୍କୁ ଅନୁଶାସନ ପାଳନ କରିବାକୁ ଅନୁରୋଧ କରୁଛି, ଦଳ ଯାହା ନିଷ୍ପତ୍ତି ନେବେ ମୁଁ ସେଥିରେ ସହମତ , ଏବଂ ଦଳର ସମସ୍ତ କର୍ମୀଙ୍କୁ ସହଯୋଗ କରିବି ।
ସୂତ୍ରରୁ ମିଳିଥିବା ସୂଚନା ମୁତାବକ ୟେଦୁରପ୍ପା ତାଙ୍କର ଅସୁସ୍ଥତା ଏବଂ ବୃଦ୍ଧାବସ୍ଥା ଦର୍ଶାଇ ଜୁଲାଇ ୧୬ ରେ ପ୍ରଧାନମନ୍ତ୍ରୀଙ୍କ ସାମ୍ନାରେ ଇସ୍ତଫା ଦେବାକୁ ପ୍ରସ୍ତାବ ଦେଇଥିଲେ। ଯଦିଓ ଦଳର ନେତୃତ୍ୱ ତାଙ୍କୁ ପୂର୍ବରୁ କହିଥଲେ ଯେ ତାଙ୍କୁ ତାଙ୍କ ପଦରୁ ଇସ୍ତଫା ଦେବାକୁ ପଡିବ, ଶୁକ୍ରବାର ଦିନ ୟେଦୁରୁପ୍ପାଙ୍କୁ ପୁଣିଥରେ ଏ ନେଇ ନିର୍ଦ୍ଦେଶ ଦିଆଯାଇଛି। ତେବେ ଏହାପୂର୍ବରୁ ସେ ନିଜ କ୍ୟାମ୍ପର ନେତାଙ୍କୁ କେନ୍ଦ୍ରରେ ମନ୍ତ୍ରୀ ହେବାରେ ସଫଳ ହୋଇଛନ୍ତି।
ସମ୍ଭାବ୍ୟ ମୁଖ୍ୟମନ୍ତ୍ରୀ ରେସ୍ ରେ :-
ସୂଚନାନୁସାରେ, କର୍ଣ୍ଣାଟକର ନୂତନ ମୁଖ୍ୟମନ୍ତ୍ରୀଙ୍କ ଦୌଡ଼ରେ ପ୍ରହ୍ଲାଦ ଯୋଶୀ, ବି.ଏଲ୍ ସନ୍ତୋଷ , ଲକ୍ଷ୍ମଣ ସାବାଦୀ , ଡେପୁଟି ସିଏମ୍ ମୁର୍ଗେଶ ନିରାନୀ, ଅବରାଜ ଏଟନାଲ, ଅଶ୍ୱତ ନାରାୟଣ, ଡି.ଭି ସଦାନନ୍ଦ ଗୌଡାଙ୍କ ନାମ ଅନ୍ତର୍ଭୁକ୍ତ।
ପ୍ରହ୍ଲାଦ ଯୋଶୀ :-
ଧରୱାଡର ସାଂସଦ। କେନ୍ଦ୍ରରେ ସଂସଦୀୟ ବ୍ୟାପାର ମନ୍ତ୍ରୀ ଅଛନ୍ତି, ପୂର୍ବରୁ ରାଜ୍ୟ ସଭାପତି ହୋଇଛନ୍ତି ଏବଂ 2019 ଲୋକସଭା ନିର୍ବାଚନ ପରେ କର୍ଣ୍ଣାଟକରେ ଏକ ବଡ଼ ବିଜୟର ପୁରସ୍କାର ସ୍ଵରୂପ କେନ୍ଦ୍ରରେ ମନ୍ତ୍ରୀ ହୋଇଛନ୍ତି। ବ୍ରାହ୍ମଣ ଚେହେରା।
ବି ଏଲ୍ ସନ୍ତୋଷ :-
ସେ ଦଳ ସଂଗଠନର ସାଧାରଣ ସମ୍ପାଦକ, ବ୍ରାହ୍ମଣ ଚେହେରା, କୁଶଳୀ ସଂଗଠକ, ଦୀର୍ଘ ଦିନ ଧରି କର୍ଣ୍ଣାଟକରେ ସଂଗଠନ ମନ୍ତ୍ରୀ ତଥା କର୍ଣ୍ଣାଟକର ଜଣେ ବଡ ନେତା ଥିଲେ।
ଲକ୍ଷ୍ମଣ ସାବାଡି :-
ୟେଦୁରପ୍ପା ସରକାରରେ ଉପ-ମୁଖ୍ୟମନ୍ତ୍ରୀ, ତିନିଥର ବିଧାୟକ, ଦୁଇଥର ମନ୍ତ୍ରୀ, ବର୍ତ୍ତମାନ ଏମ୍.ସି.ଏଲ୍,ବଡ ଲିଙ୍ଗାୟତ ଚେହେରା
ମୁର୍ଗେଶ ନିରାନୀ :-
ବିଲଗି ବିଧାନସଭା ଆସନରୁ ତିନିଥର ବିଧାୟକ, କର୍ଣ୍ଣାଟକ ସରକାରରେ ଖଣି ଏବଂ ଭୂବିଜ୍ଞାନ ମନ୍ତ୍ରୀ। 2014 ରେ ମେକ୍ ଇନ୍ ଇଣ୍ଡିଆ ପୁରସ୍କାର ମଧ୍ୟ ପାଇଛି ।
ଭାସଭରାଜ ଅତନାଲ :-
2002 ରୁ 2003 ପର୍ଯ୍ୟନ୍ତ ବାଜପେୟୀ ସରକାରରେ ବୟନଶିଳ୍ପ ମନ୍ତ୍ରୀ, 2003 ରୁ 2004 ପର୍ଯ୍ୟନ୍ତ ରେଳ ବିଭାଗର ମନ୍ତ୍ରୀ ଏବଂ 2018 ରୁ ବିଜୟପୁରରୁ ବିଧାୟକ ଥିଲେ। ଦୁଇଥର ବିଜାପୁର ଲୋକସଭା ନିର୍ବାଚନମଣ୍ଡଳୀରୁ ଏବଂ ଥରେ ବିଧାନ ପରିଷଦର ସଦସ୍ୟ ରହିଛନ୍ତି।
ଅଶ୍ୱତ ନାରାୟଣ :-
ଭୋକାଲିଗା ଚେହେରା ବର୍ତ୍ତମାନ ଉପମୁଖ୍ୟମନ୍ତ୍ରୀ ଅଛନ୍ତି। ସେ ଚାରିଥର ବାଙ୍ଗାଲୋର ମଲେଶ୍ୱରାମର ଜଣେ ବିଧାୟକ। ସଦାନନ୍ଦ ଗୌଡାଙ୍କ ପରେ ବିଜେପିର ସବୁଠାରୁ ବଡ ଭୋକାଲିଗା ଚେହେରା ।
ଡି.ଭି ସଦାନନ୍ଦ ଗୌଡା :-
କେନ୍ଦ୍ରରେ ମନ୍ତ୍ରୀ ରହିଆସିଛନ୍ତି, ବାଙ୍ଗାଲୋର ଉତ୍ତରରୁ ଜଣେ ସାଂସଦ। ସେ 2011 ରୁ 2012 ପର୍ଯ୍ୟନ୍ତ ରାଜ୍ୟରେ ମୁଖ୍ୟମନ୍ତ୍ରୀ ଥିଲେ, ଥରେ ରାଜ୍ୟ ସଭାପତି ଥିଲେ ଏବଂ ଚାରିଥର ବିଧାୟକ ଥିଲେ। ବିଜେପିରେ ବିଗ୍ ଭୋକାଲିଗା ଚେହେରା।
