![](https://www.satyapatha.com/wp-content/uploads/2021/05/20210523_185156.jpg)
(ସତ୍ୟପାଠ ବ୍ୟୁରୋ)ଭୁବନେଶ୍ୱର: ସାରା ଦେଶରେ କରୋନା ସ୍ଥିତି ଅଣାୟତ୍ତ ହେବା ବେଳେ ନିଜ ଫୋଟକୁ ଟୀକା ପ୍ରମାଣପତ୍ରରେ ରଖିବା ପାଇଁ ରାଜନୀତି ଆରମ୍ଭ ହୋଇଯାଇଛି । ତେବେ ଛତିଶଗଡ ଠାରେ ଟୀକା ପ୍ରମାଣପତ୍ରରେ ପିଏମ ମୋଦୀଙ୍କ ଫଟୋ ବଦଳରେ ଛତିଶଗଡ ମୁଖ୍ୟମନ୍ତ୍ରୀଙ୍କ ଫଟୋ ଦିଆଯାଇଛି । ଯାହାକୁ ନେଇ ବର୍ତ୍ତମାନ ରାଜନୀତି ଆରମ୍ଭ ହେବାରେ ଲାଗିଛି । ଏନେଇ ରାଜ୍ୟ
ସ୍ୱାସ୍ଥ୍ୟମନ୍ତ୍ରୀ ଟି.ଏସ୍ ସିଂ ଦେଓ ବଡ଼ ବୟାନ ଦେଇଛନ୍ତି । ସେ କହିଛନ୍ତି ରାଜ୍ୟରେ ଯେତେବେଳେ ଭାରତ ସରକାର ଟଙ୍କା ଏବଂ ଟୀକା ଯୋଗାଉଥିଲେ ସେହି ସମୟରେ ସବୁ ଜିନିଷ ଗୁଡିକରେ ପ୍ରଧାନମନ୍ତ୍ରୀଙ୍କ ଫଟୋ ରହିଥିଲା।
![](https://www.satyapatha.com/wp-content/uploads/2021/05/1621776058142.jpeg)
ଯଦି ଏପରି ସମ୍ଭବ ହୋଇ ପାରୁଛି ତାହାଲେ ଯଦି ରାଜ୍ୟ ସରକାର କିଛି କରୁଛନ୍ତି ତେବେ ଆମେ ସିଏମଙ୍କ ଫଟୋ ବ୍ୟବହାର କରିବୁ। ଏହା ସହ ବର୍ତ୍ତମାନ କେନ୍ଦ୍ରସରକାର ଟୀକା କିଣିବା ପାଇଁ ରାଜ୍ୟସରକାରଙ୍କ ଉପରେ ଛାଡି ଦେଇଛନ୍ତି । ଏହାକୁ ଦୃଷ୍ଟିରେ ରଖି ରାଜ୍ୟସରକାର ନିଜସ୍ୱ ଟୀକାକରଣ ୱେବସାଇଟ୍ CGTEEKA ଆରମ୍ଭ କରିଛନ୍ତି । ଏବଂ ମୁଖ୍ୟମନ୍ତ୍ରୀଙ୍କ ଫୋଟ ଥିବା ଟୀକା ପ୍ରମାଣ ପତ୍ର ପ୍ରଦାନ କରିଛି ।
କିନ୍ତୁ ଏ ଘଟଣାକୁ ସହଜରେ ହଜମ କରି ପାରୁନାହାନ୍ତି ବିରୋଧୀ ଦଳ । ତେବେ ବିରୋଧୀ ଦଳର ନେତା ଧରମଲାଲ କୌଶିକ ଏହାକୁ ବିରୋଧ କରିଛନ୍ତି । ଏହା ସହ ଛତିଶଗଡ ସରକାରଙ୍କୁ କଟାକ୍ଷ କରିଛନ୍ତି । ସେ କହିଛନ୍ତି, କେନ୍ଦ୍ର ସରକାରଙ୍କ ଯୋଜନାଗୁଡିକ ଉପରେ ଛତିଶଗଡ ସରକାର ଲାଭ ଉଠାଇବା ଘଟଣା କିଛି ନୂଆ ନୁହଁ । କାରଣ ଛତିଶଗଡ ସରକାରଙ୍କ ଏହା ହେଉଛି ସାଧାରଣ ଅଭ୍ୟାସ। ଯଦିଓ ରାଜ୍ୟମାନେ ଟିକା କ୍ରୟ କରିବାର କେନ୍ଦ୍ରର ନିଷ୍ପତ୍ତି ଥିଲା । କିନ୍ତୁ ରାଜ୍ୟସରକାରଙ୍କ ଏପରି କାର୍ଯ୍ୟ ଅତ୍ୟନ୍ତ ନିନ୍ଦନୀୟ । ଅନ୍ୟପଟେ ଏହାପୂର୍ବରୁ ମହାରାଷ୍ଟ୍ର ସରକାର ମଧ୍ୟ ଟୀକାକରଣ ପାଇଁ ନିଜସ୍ୱ ଆପ୍ ଏବଂ ପ୍ରମାଣପତ୍ର ଡିଜାଇନ୍ କରିବାକୁ କେନ୍ଦ୍ରକୁ ଅନୁରୋଧ କରିଥିଲେ।