(ସତ୍ୟପାଠ ବ୍ୟୁରୋ) ଭୁବନେଶ୍ୱର : ପୁଣି ଥରେ ଦାବି ଉଠିଲା ଜାତି ଭିତ୍ତିକ ଜନଗଣନା ଦାବି। କେନ୍ଦ୍ର ସରକାର ସଂସଦରେ ଏହା ସପକ୍ଷରେ ନଥିବା ନେଇ ସ୍ପଷ୍ଟ କରିଥିଲେ ସୁଦ୍ଧା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ପୁଣି ଥରେ ଏହି ଦାବି ଉଠାଇଛନ୍ତି। ସେ ଏହା ଉପରେ ପୁନର୍ବିଚାର କରିବା ପାଇଁ କେନ୍ଦ୍ର ସରକାରଙ୍କ ଦାବି କରିଛନ୍ତି। ଶୁକ୍ରବାର ଦିନ ସିଏମ୍ ନୀତୀଶ କୁମାର କହିଛନ୍ତି ଯେ ଜାତି ଭିତ୍ତିକ ଜନଗଣନା ଲୋକଙ୍କ ବିକାଶ ତଥା କଲ୍ୟାଣରେ ସହାୟକ ହେବ।
ନୀତୀଶ କୁମାର କହିଛନ୍ତି ଯେ ଆମେ 18 ଫେବୃଆରୀ 2019 ରେ ବିହାର ବିଧାନସଭା ଏବଂ 27 ଫେବୃଆରୀ 2020 ରେ ବିହାର ବିଧାନସଭାରେ ସର୍ବସମ୍ମତି କ୍ରମେ ଜନଗଣନା ସଂକଳ୍ପ ପାରିତ କରିଛୁ। ସେହି ପ୍ରସ୍ତାବ କେନ୍ଦ୍ର ସରକାରଙ୍କୁ ପଠାଯାଇଥିଲା, ଆମେ ଦାବି କରୁଛୁ ଯେ ଜାତି ଆଧାରରେ ଅନ୍ତତଃପକ୍ଷେ ଥରେ ଜନଗଣନା କରିବା ସପକ୍ଷରେ କେନ୍ଦ୍ର ସରକାର ପୁନର୍ବିଚାର କରନ୍ତୁ।
“ଜାତିଭିତ୍ତିକ ଜନଗଣନା ଆମକୁ ସଠିକ୍ ସଂଖ୍ୟା ଜାଣିବାରେ ସକ୍ଷମ କରିବ ଏବଂ ସରକାର ସଠିକ୍ ଦିଗରେ କାର୍ଯ୍ୟ କରିବାକୁ ସକ୍ଷମ ହେବେ। ତେଣୁ ଅଧିକ ଲୋକ ଏହି ଯୋଜନାଗୁଡିକର ଲାଭ ଉଠାଇ ପାରିବେ ବୋଲି ନୀତୀଶ କୁମାର କହିଛନ୍ତି।
ଚଳିତ ବର୍ଷ ଫେବୃଆରୀ 17 ରେ ନୀତୀଶ କୁମାର ଜାତି ଭିତ୍ତିକ ଜନଗଣନା ସମ୍ପର୍କରେ ଏକ ଦାବି ଉପସ୍ଥାପନ କରିଥିଲେ। ସେ କହିଛନ୍ତି ଯେ, ଜାତି ଭିତ୍ତିକ ଜନଗଣନା ପାଇଁ ମୁଁ ଦୀର୍ଘ ଦିନ ଧରି ଦାବି କରିଆସୁଥିଲି, ବିହାର ବିଧାନସଭା ଏବଂ ରାଜ୍ୟ ବିଧାନ ପରିଷଦର ଅନୁମୋଦନ ପାଇବା ପରେ ମଧ୍ୟ ଆମେ କେନ୍ଦ୍ରକୁ ଅନେକ ଥର ପ୍ରସ୍ତାବ ପଠାଇଛୁ।
ଜାତି ଭିତ୍ତିକ ଜନଗଣନା ଉପରେ କେନ୍ଦ୍ର ଗୃହ ମନ୍ତ୍ରଣାଳୟର ଉତ୍ତରରେ କୁହାଯାଇଛି ଯେ ଜାତି ବର୍ଗୀକରଣ ସହ ଜଡିତ ସମସ୍ତ ତଥ୍ୟ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟକୁ ପ୍ରଦାନ କରାଯାଇଛି। ଗ୍ରାମାଞ୍ଚାଳ ଏବଂ ସହରାଞ୍ଚଳରେ ଗ୍ରାମାଞ୍ଚଳ ବିକାଶ ମନ୍ତ୍ରଣାଳୟ ଏବଂ ତତ୍କାଳୀନ ଗୃହ ଓ ସହରାଞ୍ଚଳ ମନ୍ତ୍ରଣାଳୟ ଦ୍ୱାରା ସାମାଜିକ-ଅର୍ଥନୈତିକ ଏବଂ ଜାତି ଜନଗଣନା କରାଯାଇଥିଲା । ଯେଉଁଥିରେ ଜାତିକୁ ବାଦ ଦେଇ ରିପୋର୍ଟରେ MoRD ଏବଂ HUPA ଦ୍ୱାରା ପ୍ରକାଶିତ ହୋଇଥିଲା ।
ରେଜିଷ୍ଟ୍ରାର ଜେନେରାଲଙ୍କ କାର୍ଯ୍ୟାଳୟ 2011 ରେ ସାମାଜିକ-ଅର୍ଥନୈତିକ ଆଧାରରେ କରାଯାଇଥିବା ଜନଗଣନାକୁ ସମ୍ପୂର୍ଣ୍ଣ କରିବାରେ ସାହାଯ୍ୟ କରିଥିଲା ।
ସୂଚନାଯୋଗ୍ୟ ଯେ, ପୂର୍ବରୁ ମଧ୍ୟ ମହାରାଷ୍ଟ୍ର ଓ ଓଡ଼ିଶା ସରକାର ଜାତି ଭିତ୍ତିକ ଜନଗଣନା ଦାବି ଉଠାଇ ଥିଲେ। କିନ୍ତୁ କେନ୍ଦ୍ର ସରକାର ସଂସଦରେ ଏ ସମ୍ପର୍କରେ ପ୍ପଷ୍ଟ କରି ଦେଇଥିଲେ ଯେ ଏସି ଏସଟିଙ୍କ ବିନା ଅନ୍ଯ କୌଣସି ଜାତି ଭିତ୍ତିକ ଜନଗଣନା କରାଯିବର ନାହିଁ।
