ବଗଲା ବିବାଦ ପରେ ତ୍ରିମୂର୍ତ୍ତୀ ଗାଏବ !

26,561

ସଙ୍କଟରେ ଏବେ ଶ୍ରୀମନ୍ଦିରର ସୁରକ୍ଷା କରିଡର ଭୂମିହରା । ଜମି ଓ ଜୀବିକା ହରାଇଥିବା ହଜାର ହଜାର ପୁରୀ ନିବାସୀ ଆଶଙ୍କା ଓ ଅନିଶ୍ଚିତତାରେ । ବଗଲା ଧର୍ମଶାଳା ଜମି କେଳଙ୍କାରୀର ଚେର ଖୋଳୁଖୋଳୁ ସୁରକ୍ଷା କରିଡରର ସମଗ୍ର ଜମି ଅଧିଗ୍ରହଣ ପ୍ରକ୍ରିୟା ବେଆଇନ ଓ ଏହାର ଚେର ଏବେ ପ୍ରଶାସନର ସର୍ବୋଚ୍ଚ କର୍ତାଙ୍କର ଦପ୍ତର ଯାଏ ଲମ୍ବି ଥିବାର ପ୍ରମାଣ ବାହାରିଲାଣି । ଭୂମି ଅଧିଗ୍ରହଣ ଓ ପୂର୍ନବାସ ଆଇନ ୨୦୧୩ର ଖୋଲା ଉଲଂଘନ ଜଣାପଡିବା ପରେ ଆଶଙ୍କା ଓ ଅନିଶ୍ଚିତତାରେ ପୁରୀର ଏବେ ଶତାଧିକ ଭୂମିହରା ପରିବାର ।

ଗୁରୁତ୍ୱପୂର୍ଣ୍ଣ କଥାହେଲା ମୁଖ୍ୟମନ୍ତ୍ରୀ ଯେଉଁ ଦୁଇଜଣ ଅମଲାଙ୍କୁ ନିଜର ସବୁଠାରୁ ବିଶ୍ୱସ୍ତ ଓ ବଳବାନ ଭାବି ବଡଦାଣ୍ଡରେ ବାମ ଓ ଡାହାଣ ପାଖରେ ଛିଢାକରାଇ ପୁରୀବାସୀଙ୍କୁ ଉଚ୍ଚିତ ନ୍ୟାୟ ଓ ପ୍ରାପ୍ୟର ଭରଷା ଦେଇଥିଲେ ଏଭଳି ଘୋର ସଙ୍କଟ ସମୟରେ ଏହି ତ୍ରୀମୁର୍ତୀ ଏବେ ଗାଏବ୍ । ବଡଦାଣ୍ଡରେ ଶ୍ରୀମନ୍ଦିରର ସୌନ୍ଦର୍ଯ୍ୟକରଣ ଓ ସୁରକ୍ଷା ପାଇଁ ନକ୍ସା ଉନ୍ମୋଚନ ଉତ୍ସବର ଦୃଶ୍ୟ ପୁରୀବାସୀଙ୍କ ମନରେ ଏଭଳି ବିଶ୍ୱାସ ଜନ୍ମାଇଥିଲାଯେ ବିନା ହିଂସା ଓ ପ୍ରତିବାଦରେ ପୁରୀବାସୀ ଜମି ଦେବାକୁ ସେତବେଳେ ସହଜରେ ରାଜି ହୋଇଯାଇଥିଲେ । ଉତ୍ସବ ପ୍ୟାଣ୍ଡାଲରେ ନବୀନ ବାବୁ ନିଜର ଦୁଇ ବିଶ୍ୱସ୍ତ ଅମଲା ସହେଯାଗୀଙ୍କୁ ପାଖରେ ରଖିବା ପାଇଁ ସେଦିନ ସମସ୍ତ ସୈାଜନ୍ୟତା ଆଉ ସରକାରୀ ପ୍ରତିବନନ୍ଧକକୁ ଟାଳି ଦେଇଥିଲେ ।

ଶ୍ରୀମନ୍ଦିରର ପରଚାଳନା ଯେଉଁ ବିଭାଗ ଅଧିନରେ ଆସୁଛି ବିଶେଷକରି ଆଇନ ବିଭାଗର ମନ୍ତ୍ରୀ ପ୍ରତାପ ଜେନାଙ୍କୁ ମଧ୍ୟ ଡକାଗଲା ନାହିଁ । ଏଥିସହ ରାଜସ୍ୱ ବିଭାଗ ମନ୍ତ୍ରୀ ସୁଦାମ ମରାଣ୍ଡିଙ୍କ ମଧ୍ୟ ବହୁ ଦୁରରେ ରଖାଗଲା । କିନ୍ତୁ ପାଖରେ ରହିଲେ ୫ଟି ଇନଚାର୍ଜ ଭି.କେ ପାଣ୍ଡିଆନ ଏବଂ ଶ୍ରୀମନ୍ଦିରର ମୁଖ୍ୟ ପ୍ରଶାସକ କିଶନ କୁମାର । ଏହା ଠିକ୍ ୭୦ ଦଶକର ବଳିଉଡ ବ୍ଲକ ବ୍ଳଷ୍ଟର ଶୋଲେ ଚଳଚିତ୍ରର ସଂଜିବ କୁମାର ଅଭିନୀତ ଠାକୁର ଏବଂ ଅମିତାଭ ଓ ଧର୍ମନ୍ଦ୍ରେ ଅଭିନୀତ ଜୟ ଏବଁ ବୀରୁ ଚରିତ୍ରକୁ ମନେ ପାକାଇ ଦେଉଛି । ନବୀନ ବାବୁ ଲୋକଙ୍କ ମନରେ ଏଭଳି ଭାବନା ସୃଷ୍ଠି କଲେକି, ମୁଁ ଏବଂ ମୋର ଦୁଇ ସହଯୋଗୀ ବୀରୁ ଓ ଜୟ ଅଛନ୍ତି ମାନେ ସବୁକିଛି ଅଇନ ଅନୁଯାୟୀ ହେବ । କିନ୍ତୁ ବଗଲା ଧର୍ମଶାଳା ବିବାଦ ପରେ ସାମ୍ନାକୁ ଆସିଲା ସାଂଘାତିକ ତଥ୍ୟ । ଜଣାପଡିଲା ଯେ ସରକାର ଲୋକଙ୍କ ସହ ପ୍ରତାରଣା କରିଛନ୍ତି । ଅଇନତଃ ଜମି ଅଧିଗ୍ରହଣ ନକରି ଲୋକଙ୍କ ଠାରୁ ଜମି କିଣାବିକା କରିଛନ୍ତି । ଆଇନକୁ ଦେଖିଲେ ସୁରକ୍ଷା କରିଡର ଭୂମି ଅଧିଗ୍ରହଣ ପ୍ରସଙ୍ଗରେ ପ୍ରଶାସନ କେବଳ ଧାରା ୪(କ) ଅନୁଯାୟୀ କେବଳ ସାମାଜିକ ପ୍ରଭାବ ନିର୍ଦ୍ଧାରଣ ବା ସୋସିଆଲ ଇମ୍ପାକ୍ଟ ଆସସେମେଂଟଣ୍ଟ ବିଜ୍ଞପ୍ତିଟିଏ ଜାରୀ କରି ଦେଇଛନ୍ତିି ।

ଏପରିକି ଭୂମି ଅଧିଗ୍ରହଣ ପାଇଁ ଆବଶ୍ୟକ ଧାରା ୧୧(କ) ଅନୁଯାୟୀ ପ୍ରାଥମିକ ଭୂମି ଅଧିଗ୍ରହଣ ବିଜ୍ଞପ୍ତି ମଧ୍ୟ ଜାରୀ କରିନାହାନ୍ତି । ଭୂମି ଅଧିଗ୍ରହଣ ଆଇନ କହୁଛି ଯେ ଅଧିଗ୍ରହଣ ସମ୍ବନ୍ଧିିତ ସମସ୍ତ ଧାରା ମୁତାବକ ପ୍ରକ୍ରିୟାକୁ କାର୍ଯ୍ୟକାରୀ ନକରି ଯଦି ସରକାର କୌଣସି ବ୍ୟକ୍ତିଠାରୁ ଜମି ନିଅନ୍ତି ବା ସମ୍ପୃକ୍ତ ବ୍ୟକ୍ତି ଜମି ଦିଏ, ତେବେ ତାହା ସମ୍ପୂର୍ଣ୍ଣ ବେଆଇନ ଓ ସମ୍ପୃକ୍ତ ବ୍ୟକ୍ତି ପ୍ରକଳ୍ପରେ ଭୂମିହରା ଭାବରେ ପରିଗଣିତ ହେବାନାହିଁ । ଜମି ଅଧିଗ୍ରହଣ ଓ ପୂନର୍ବାସ ଥଇଥାନ ଆଇନ ମୁତାବକ କ୍ଷତିପୁରଣ ପାଇବାରୁ ବଂଚିତ ହେବ । ଏହି ପରିପ୍ରେକ୍ଷୀରେ ଜିଲ୍ଲା ପ୍ରଶାସନ ଯେଉଁଭଳି ଅତ୍ୟଧିକ ତତ୍ପରତା ଦେଖାଇ ଆଇନକୁ ସାଇଡ୍ ମାରି ଜମି ଅଧିଗ୍ରହଣ କଲେ ସେତିକିବେଳେ ପ୍ରଶାସନର ଠାକୁର ସାହେବ୍ ଓ ତାଙ୍କର ଜୟ(କୁମାର), ବୀରୁ(ପାଣ୍ଡିଆନ)ଙ୍କର ଦେଖାନାହିଁ ।

ପୁରୀରେ ଏବେ ଚର୍ଚ୍ଚା ହେଉଛି ବଡଦାଣ୍ଡରେ ଟେବୁଲ ଉପରେ ଧଳା କପଡା ବିଛାଇ ବୀରୁ ଆଉ ଜୟଙ୍କ ସହ ଦାଦା ଠାକୁର ଯେଉଁ ନକ୍ସା ଧରି ଫଟୋ ସେଶନ କଲେ ଅସଲରେ ତାହା ଜମିହରାଙ୍କୁ  ସାଇଡ୍ ମାରିବାର ବ୍ଲୁପ୍ରିଂଟ ଥିଲା ନାଁ ସୁରକ୍ଷା କରିଡରର ବାସ୍ତବ ନକ୍ସା ଥିଲା! ବିିରୋଧି ଭାଜପା ଓ କଂଗ୍ରେସର କହିବା କଥା ଏହି ଘୋଟାଲା ଜିଲ୍ଲାପାଳ ବଲବନ୍ତ ସିଂହ କେବଳ ଏକ ମୋହରା । ସବୁକିଛି ହୋଇଛି ତୃତୀୟ ମହଲାର ନିର୍ଦ୍ଧେଶରେ, ଯେଉଁଥିପାଇଁ ରାଜସ୍ୱ ମନ୍ତ୍ରୀ ଆଉ ସଚିବ ଏବେ ସମ୍ପୂର୍ଣ୍ଣ ନୀରବ । ଆଇନ ମନ୍ତ୍ରୀ ପ୍ରତାପ ଜେନା ପୁରା ସ୍କ୍ରୀନରୁ ଗାଏବ୍ । ସେପଟେ ଯେଉଁଦିନ ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବରେ କିଶନ କୁମାରଙ୍କୁ ଦାୟିତ୍ୱ ଦେଲେ ଏବଂ ତାହା ସହିତ ପିକେଡିଏ ମେମ୍ବର ସେକ୍ରଟୋରି ଭାବରେ ମଧ୍ୟ ଅତିରିକ୍ତ ଦାୟିତ୍ୱ ଦିଆଗଲା । ସେବେଠାରୁ ତୃତୀୟ ମହାଲାର ଉଦ୍ଧେଶ୍ୟ ଜଣା ପଡିଯାଇଥିଲା ଯେ କିଶନ କୁମାରଙ୍କ କାନ୍ଧରେ ରଖି ସରକାର ବନ୍ଧୁକ ଚଳାଇବେ ।

Comments are closed.