ଯୁକ୍ତ ଦୁଇ ନାମଲେଖାର ଅବଧି ବଢ଼ିଛି। ପ୍ରଥମ ପର୍ଯ୍ୟାୟ ନାମଲେଖାକୁ ଆହୁରି ଦୁଇ ଦିନ ବୃଦ୍ଧି କରାଯାଇଛି। ଏନେଇ ଗଣଶିକ୍ଷା ବିଭାଗର ମନ୍ତ୍ରୀ ସମୀର ରଂଜନ ଦାଶ ସୂଚନା ଦେଇଛନ୍ତି।
ପୂର୍ବରୁ ପ୍ରଥମ ପର୍ଯ୍ୟାୟ ନାମଲେଖା ପାଇଁ ଜୁଲାଇ ୩ରୁ ଜୁଲାଇ ୬ ଯାଏଁ ତାରିଖ ଧାର୍ଯ୍ୟ ହୋଇଥିଲା । ଯାହାର ଆଜି ଶେଷଦିନ ଥିଲା । ତେବେ ଆଡମିସନ ପାଇଁ ଉଦିଷ୍ଟ ସର୍ଭରରେ ତ୍ରୁଟି ରହିଥିବା ଅଭିଯୋଗ ହୋଇଥିଲା । ତେଣୁ ଏହି ଅବଧୀକୁ ଆହୁରି ୨ଦିନ ବୃଦ୍ଧି କରାଯାଇଛି । ଆହୁରି ମଧ୍ୟ ୮ତାରିଖ ରବିବାର ଥିବାରୁ ଛାତ୍ରଛାତ୍ରୀମାନେ ୮ ଏବଂ ୯ ତାରିଖରେ ନିଜର ଆଡମିସନ କରିପାରିବେ ବୋଲି ବିଭାଗ ତରଫରୁ କୁହାଯାଇଛି ।
