ନବୀନଙ୍କୁ ଇଂରାଜୀ ଧୋକା !

67,700

ସତ୍ୟପାଠ : ଗତ ମାର୍ଚ୍ଚ ୮ତାରିଖ ଦିନ ଦେଶର ଏକ ଲୋକପ୍ରିୟ ଡିଜିଟାଲ ଚ୍ୟାନେଲ ଦ ଲଲନଟପ୍ ରେ ନବୀନଙ୍କ ବାବୁଙ୍କ ବାବଦରେ ଏକ କାର୍ଯ୍ୟକ୍ରମ ଏବେ ଭାଇରାଲ ହେଉଛି । ଏହି ଏପିସୋଡର ନାଁ ହେଉଛି ନେତା ଓ ନଗରୀ । ମଜାଦାର କଥାହେଲା ଏହି ଶୋ ରେ ଭାରତର ଜଣାଶୁଣା ବରିଷ୍ଠ ପତ୍ରକାର ରାଜଦୀପ ସରଦେଶାଇଙ୍କର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାବଦରେ କିଛି ରୋଚକ ବୟାନ । ଜଣେ ରାଜନୈତିକ ବିଶ୍ଳେଷକ ଓ ନିର୍ବାଚନୀ ରିପୋଟିଙ୍ଗ୍ ରେ ଦକ୍ଷତାକୁ ନେଇ ରାଜଦୀପଙ୍କର ଯଥେଷ୍ଠ ସୁନାମ ଅଛି । ତା ଛଡା ରାଜଦୀପଙ୍କର ପତ୍ରକାରିତାର କ୍ୟାରିୟରକୁ ଦେଖିଲେ ଗୋଟିଏ କଥାରେ ଯେ କେହି ବି ରାଜିହେବ ଯେ ସରଦେଶାଇ ଅନାବଶ୍ୟକ ଓ ଭିତ୍ତିହୀନ ମନ୍ତବ୍ୟ କୌଣସି ନେତାଙ୍କ ବାବଦରେ ଦିଅନ୍ତି ନାହିଁ । ଏବେ ଆସିବା ଲଲନଟପର ଶୋରେ ରାଜଦୀପ ନବୀନ ବାବୁଙ୍କ ବାବଦରେ ଏଭଳି କଣ ରୋଚକ ତଥ୍ୟର ଖୁଲାସା କରିଛନ୍ତି ଯାହା ଏବେ ଭାଇରାଲ ହେବାରେ ଲାଗିଛି । ନେତା  ନଗରୀ ଶୋରେ ଆଙ୍କର ରାଜଦୀପଙ୍କୁ ପଚାରିଛନ୍ତି ନବୀନଙ୍କ ରାଜନୈତିକ ଓ ପ୍ରଶାସନିକ ଦକ୍ଷତା ଉପରେ ତାଙ୍କର କଣ ବ୍ୟକ୍ତିଗତ ଅଭିଜ୍ଞତା ରହିଛି । ଜବାବରେ ରାଜଦୀପ ଯାହା କହିଛନ୍ତି ତାହା ଗତ ୨୦ବର୍ଷ ହେଲା ବହୁକଷ୍ଟ କରି ମହାନ ଓ ଅପରାଜେୟ ମୁଖ୍ୟମନ୍ତ୍ରୀତ୍ୱର ଯେଉଁ କମିଜ ଟେ ନବୀନ ତିଆରି କରି ପିନ୍ଧି ଆସୁଛନ୍ତି ସେ କପଡାଟିକୁ ପୁରା ଉତ୍ତାରି ଦେଇଛନ୍ତି ରାଜଦୀପ ।

ରାଜଦୀପ କହିଛନ୍ତି ଗତ ନିର୍ବାଚନ ସମୟରେ ସେ ରିପୋର୍ଟିଙ୍ଗ୍ ପାଇଁ ଓଡିଶା ଆସିଥିଲେ । ସେହି ଅବସରରେ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । ଏହି ଅବସରରେ ମୁଖ୍ୟମନ୍ତ୍ରୀଙ୍କର କେତୋଟି କଥା ଓ କାମ ରାଜଦୀପଙ୍କୁ ହତଚକିତ କରିଥିଲା । ରାଜଦୀପ କହୁଛନ୍ତି ଯେ ନବୀନ ବାବୁଙ୍କର ଉତ୍ସୁକତା ରାଜ୍ୟର ରାଜନୀତି , ପ୍ରଶାସନ ବା ବିଭିନ୍ନ ଜନକଳ୍ୟାଣ କାର୍ଯ୍ୟକ୍ରମର କାର୍ଯ୍ୟକାରିତାକୁ ନେଇ ବିଲକୁଲ ନୁହଁ ତାଙ୍କର ଉତ୍ସୁକତା ହେଉଛି ନେଟଫ୍ଲିକ୍ସ ଡିଜିଟାଲ ପ୍ଲାଟଫର୍ମରେ କଣ ସୁପରହିଟ୍ ଫିଲ୍ମ ବା ମୁଭି ଲଞ୍ଚ ହୋଇଛି । ରାଜଦୀପ କହୁଛନ୍ତି ଯେ ସେ ନବୀନଙ୍କଠୁ ରାଜନୀତି ଓ ନିର୍ବାଚନ ଫଳାଫଳ କଣହେବ ଜାଣିବାକୁ ଚାହିଁଥିଲେ କିନ୍ତୁ ନବୀନଙ୍କର ଆଗ୍ରହ ସେଥିରେ ନଥିଲା । ସେ ପାଲଟା ରାଜଦୀପଙ୍କୁ କହିଥିଲେ ଯେ ଅମୁକ ମୁଭି ଟା ନିଶ୍ଚିନ୍ତ ଦେଖ ତାପରେ ରାଜଦୀପ ଯାହା କହିଛନ୍ତି ସେଥିରେ ନବୀନଙ୍କର ବାକି କପଡା ପୁରା ଉତାରି ଦେଇଛନ୍ତି । ରାଜଦୀପ କହିଛନ୍ତି ଯେ ନବୀନ ରାଜ୍ୟର କୌଣସି ବି ଗୁରୁତ୍ୱପୂର୍ଣ୍ଣ କାର୍ଯ୍ୟକୁ ଗମ୍ଭୀରତାର ସହ ଗ୍ରହଣ କରନ୍ତିନି । ଜଣେ ନିସ୍ୱାର୍ଥପର ବ୍ୟକ୍ତି ଓ ଗରୀବ ଲୋକଙ୍କର ନେତା ବୋଲି ନବୀନ ଲୋକଙ୍କ ସମ୍ମାନାରେ ନିଜର ଏକ ଛବିଟିଏ ତିଆରି କରିଦେଇଛନ୍ତି । ଆଉ ସେ ଛବିଟିକୁ ଦୁଇ ଚାରି ଜଣ ଆଇଏସ ଅଫିସରଙ୍କ ସହାୟତାରେ ମାର୍କେଟିଙ୍ଗ୍ କରୁଛନ୍ତି ଓ ନିର୍ବାଚନ ଜିତୁଛନ୍ତି ।

 

ରାଜଦୀପ ଯେଉଁ ସାଂଘାତିକ ବୟାନଟିଏ ଦେଇଛନ୍ତି ତାହାହେଲା

‘ପ୍ରତ୍ୟକ ଦିନ ସଂନ୍ଧ୍ୟାବେଳେ ନବୀନ ବାବୁ ହାତରେ ହୁସକି ଗ୍ଲାସଟିଏ ଧରି ନେଟଫ୍ଲିକ୍ସରେ ମୁଭି ଦେଖି ମଜା ନିଅନ୍ତି । ରାତିପାହିଲେ ଦିନବେଳା ଦୁଇ ଚାରିଜଣ ଆଇଏସ ଅଫିସରଙ୍କୁ ଡାକି କିଛି କାମ ବାଣ୍ଟିଦିଅନ୍ତି । ସେହିମାନେ ଯଉ ଦୁଇ ତିନୋଟି ଓଡିଶାରେ ଜନହିତକାରୀ କାର୍ଯ୍ୟକ୍ରମ ଚଳାଇଛନ୍ତି ସେଥିରୁ ଓଡିଶା ଲୋକଙ୍କର ଧାରଣା ନବୀନ ହେଉଛନ୍ତି ଗରିବଙ୍କର ନେତା’ ।

ଲଲନଟପରେ ରାଜଦୀପଙ୍କର ବୟାନ ନବୀନଙ୍କର ଭାବମୂର୍ତିକୁ କେତେ କ୍ଷତି ପହଁଞ୍ଚାଇବ ବା ନାହିଁ ଏହା ତ ଭିନ୍ନ କଥା କିନ୍ତୁ ଏଇ ଘଟଣା ନବୀନଙ୍କୁ ତାଙ୍କର ଅତ୍ୟଧିକ ଇଂଗ୍ରାଜୀ ପ୍ରେମରେ ଚାପୁଡାଟାଏ ଖାଇଲା ଭଳି ହୋଇଛି । ୨୨ବର୍ଷ ରାଜନୈତିକ କ୍ୟାରିୟରରେ ନବୀନ ବାବୁ ଯେଉଁ ନିୟମଟିକୁ କଡାକଡି ଭାବେ ଏଯାଏଁ ପାଳିଆସିଛନ୍ତି ତାହାହେଲା ଲୋକାଲ୍ ଓଡିଆ ସାମ୍ବାଦିକଙ୍କୁ ନବୀନ ନିବାସ ବାରଣ୍ଡା ଉପରକୁ ଚଢାଇ ଦେବେନି ବାହାର ଇଂଗ୍ରାଜୀ ସାମ୍ବାଦିକଙ୍କୁ ଘର ଭିତରେ ବାରରେ ବସାଇ ସାଙ୍ଗରେ ବିୟର (ହ୍ୱିସ୍କ୍‌) ପିଇବେ । ସେ ପ୍ରଭୂ ଚାୱାଲା ହୁଅନ୍ତୁ ବା ତବଲିନ୍ ସିଂହ ବା ବରଖା ଦତ୍ତ୍ ବା ରାଜଦୀପ ସରଦେଶାଇ ବା ରୁବେନ ବାନାର୍ଜୀ ବା ସପନଦାସ ଗୁପ୍ତା ବା କରନ ଥାପର ବା ଶ୍ରୀନିବାସନ ଜୈନ ଏମାନଙ୍କ ପାଇଁ ନବୀନ ବାବୁଙ୍କର ଶାହାଣମେଲା। ହଁ ଅବଶ୍ୟ ନବୀନ ବାବୁ କାହାକୁ ଘରେ ପଶେଇବେ ଓ କାହା ସହିତ ବସିକି ମୁଭି ଦେଖିବେ ଓ ମଦ ପିଇବେ ଏହା ତାଙ୍କର ବ୍ୟକ୍ତିଗତ ନିଷ୍ପତ୍ତି କିନ୍ତୁ ଓଡିଆ ସାମ୍ବାଦିକଙ୍କୁ ପିଣ୍ଡା ବାହାରେ ୫ ମିନିଟିଆ ୱାନ୍ ଟୁ ୱାନ ଇଣ୍ଟରଭ୍ୟିୟୁଟେ ବି ବିଗତ ୨୦ବର୍ଷରେ ଥରୁଟିଏ ବି ଦେଲେନାହିଁ (ଇଲେକ୍ସନ ରେଜଲ୍ଟ ଦିନଟିକୁ ଛାଡିଦେଲେ) ନିର୍ବାଚନ ପୂର୍ବରୁ ଥରୁଟିଏ ଏହି ଅଭିଯୋଗରୁ ଖସିବା ପାଇଁ ଚତୁର ଚାଲଟିଏ ଚଲାଯାଇଥିଲା । କିଛି ପ୍ରମ୍ମୁଖ ଓଡିଆ ଖବର କାଗଜରେ ଚକାଚକ୍ ଲେଆଉଟ୍ ରେ ନବୀନ ବାବୁଙ୍କର ସ୍ୱତନ୍ତ୍ର ସାକ୍ଷାତକାରର ଖବର ବାହାରିଥିଲା । ଆହୁରି ଲୋକଙ୍କୁ ବିଶ୍ୱାସ ଅଧିକ ଜିତିବା ପାଇଁ ଆହୁରି ସୁନ୍ଦର ଚାଲାଖି କରାଯାଇଥିଲା । ସଂପୃକ୍ତ ଖବର କାଗଜର ସଂପାଦକ ବା ବରିଷ୍ଠ ପତ୍ରକାରଙ୍କ ସହ ନବୀନ ବାବୁଙ୍କର ଫଟୋ ମଧ୍ୟ ପ୍ରକାଶ ପାଇଥିଲା । ବୁଝିଲା ବେଳକୁ ଜଣାପଡିଲା ସ୍ୱତନ୍ତ୍ର ସାକ୍ଷାତକାର କେବଳ ଗୋଟେ ଡ୍ରାମା ଥିଲା । ପୂର୍ବରୁ ଖବର କାଗଜ ମାନେ ନବୀନଙ୍କୁ ସୁହାଇଲା ଭଳିଆ ପ୍ରଶ୍ନ ତାଙ୍କର ପିଆରୋଙ୍କୁ ଦେଇଥିଲେ ପିଆରୋଙ୍କ କାର୍ଯ୍ୟାଳୟ ପକ୍ଷରୁ ଉତ୍ତର ଲେଖିକି ପୁଣି ଖବର କାଗଜ ମାନଙ୍କୁ ପାଲଟା ଦିଆଯାଇଥିଲା ଛାପିବା ପାଇଁ କିନ୍ତୁ ଏହାକୁ ସତସତିକିଆ ଇଣ୍ଟରଭିୟ୍ୟୁ ଦେଖେଇବା ପାଇଁ ଖବର କାଗଜ ମାନଙ୍କର ସାମ୍ବାଦିକ ମାନେ ଫଟୋଗ୍ରାଫରଙ୍କ ସହ ଧାଡିରେ ଯାଇ ନବୀନ ବାବୁଙ୍କ ସହ କେବଳ ଇଣ୍ଟରଭିୟ୍ୟୁ କରୁଛନ୍ତି ବୋଲି ପୋଜ୍ ଦେଇ ଫଟୋ ଉଠାଇଥିଲେ ।
ଲଲନଟପରେ ରାଜଦୀପଙ୍କ ବୟାନ ନବୀନଙ୍କ ମୁହଁ କଳା କରିବାରେ ପ୍ରଥମ ଘଟଣା ନୁହେଁ । ପୂର୍ବରୁ ରୁବେନ୍ ବାନାର୍ଜୀ ଯିଏ କି ଏବେ ଆଉଟଲୁକ୍ ମାଗାଜିନର ଏଡିଟର ଇନ୍ ଚିପ୍ ଅଛନ୍ତି ତାଙ୍କ ସହ ବି ନବୀନ ନିବାସରେ ଅନେକ ଥର ମଦ ଆସର କରିଥିଲେ ସେ ନିକଟରେ ଏକ ବହି ପ୍ରକାଶ କଲେ ସେଥିରେ ନବୀନ କେଉଁ କମ୍ପାନୀର ମଦ ପିଅନ୍ତି , ସିଗାରେଟ୍ ଟାଣନ୍ତି ଏସବୁ କଥା ଲେଖିଲେ ତ ଲେଖିଲେ ତାଠାରୁ ସାଂଘାତିକ କଥାଟି ଲେଖିଲେ ତାହାହେଲା ଯେ ବିଜେଡିର ସଭାପତି ହେଉଛନ୍ତି ନବୀନ ଆଉ ବିଜେଡିର ବାଇଲୋରେ ଲେଖାଯାଇଛି ଯିଏ ସଦସ୍ୟ ହେବ ସେ ମଦ ପିଉନଥିବ । ଯଦି କେହି ସଦସ୍ୟ ମଦ ପିଉଥାନ୍ତି ତାହାହେଲେ ତାଙ୍କର ସଦସ୍ୟତା ରଦ୍ଦ ହେବ । ଅର୍ଥାତ ରୁବେନଙ୍କର କହିବା କଥା ଥିଲା ନବୀନ ଜଣେ ମଦ୍ୟପ ତେଣୁ ବିଜେଡିରେ ଇଏ ସଦସ୍ୟଯୋଗ୍ୟ ମଧ୍ୟ ନୁହଁନ୍ତି ।

Comments are closed.