(ସତ୍ୟପାଠ ବ୍ୟୁରୋ) ଭୁବନେଶ୍ବର : କେରଳ ରାଜନୀତିରେ ନୂଆ ଇତିହାସ ସୃଷ୍ଟି ହେବାକୁ ଯାଉଛି । ଏପ୍ରିଲ୍ 6 ରେ ଅନୁଷ୍ଠିତ କେରଳ ବିଧାନସଭା ନିର୍ବାଚନରେ LDF ଏକ ବଡ଼ ବିଜୟ ଆଡକୁ ଅଗ୍ରସର ହେଉଛି । ଚାରି ଦଶନ୍ଧି ମଧ୍ୟରେ ପ୍ରଥମ ଥର ପାଇଁ କେରଳରେ ଏକ ଶାସକ ଦଳ ପୁନର୍ବାର କ୍ଷମତାକୁ ଫେରିବାକୁ ଯାଉଛି । କେରଳ ନିର୍ବାଚନ ଫଳାଫଳର ପ୍ରାରମ୍ଭିକ ଧାରାରେ, 94 ଟି ଆସନରେ ବାମ ଦଳର ମିଳିତ ମଞ୍ଚ, LDF ଆଗରେ ଅଛି , ଅର୍ଥାତ୍ ଏହା 71 ସଂଖ୍ୟାଗରିଷ୍ଠତା ଅତିକ୍ରମ କରିଛି। UDF 44 ଟି ଆସନରେ କଂଗ୍ରେସ ସହଯୋଗୀ ଦଳ ଆଗୁଆ ରହିଛି। ଧର୍ମାଦମ ଆସନରୁ ମୁଖ୍ୟମନ୍ତ୍ରୀ ପିନାରାଇ ବିଜୟ ଆଗୁଆ ଅଛନ୍ତି। ବିଜେପି ପାଇଁ ପାଲକ୍କଡ ଆସନରୁ ମେଟ୍ରୋ ମ୍ୟାନ୍ ଇ ଶ୍ରୀଧରନ୍ ଦୁଇ ହଜାରରୁ ଅଧିକ ଭୋଟ୍ ରେ ଆଗୁଆ ଥିଲେ କିନ୍ତୁ ଏବେ ପଛରେ ପଡିଛନ୍ତି। ପୁଥୁପାଲି ଆସନରୁ ପୂର୍ବତନ ମୁଖ୍ୟମନ୍ତ୍ରୀ ଓମାନ ଚାଣ୍ଡି ଆଗୁଆ ଅଛନ୍ତି। କେରଳର ବିରୋଧୀଦଳର ନେତା ରମେଶ ଚେନ୍ନାଇଥାଲା ହରିପଦ୍ ଆସନରୁ ପ୍ରାୟ 8,000 ଭୋଟରେ ଆଗୁଆ ଅଛନ୍ତି। କେରଳରେ 2019 ଲୋକସଭା ନିର୍ବାଚନରେ କଂଗ୍ରେସ ଏଠାରେ ସବୁଠାରୁ ଚମତ୍କାର ପ୍ରଦର୍ଶନ କରି 20 ଟି ସିଟ୍ ମଧ୍ୟରୁ 19 ଟି ଜିତିଛି। 2016 ବିଧାନସଭା ନିର୍ବାଚନରେ, LDF 140 ଟି ସିଟ୍ ମଧ୍ୟରୁ 91 ରେ ବିଜୟ ହାସଲ କରି ସରକାର ଗଠନ କରିଥିଲା। କଂଗ୍ରେସକୁ 47 ଟି ଆସନରେ ସନ୍ତୁଷ୍ଟ ହେବାକୁ ପଡିଥିଲା। ବିଜେପି ପ୍ରଥମ ଥର ପାଇଁ ଗୋଟିଏ ଆସନ ଜିତି ଖାତା ଖୋଲିଥିଲା। ଏହା ପୂର୍ବରୁ କେରଳରେ 1980 ଦଶକରେ କ୍ରମାଗତ ଭାବରେ ଗୋଟିଏ ଦଳ ସରକାର ଗଠନ କରିଥିଲା। ୟୁନାଇଟେଡ୍ ଫ୍ରଣ୍ଟ କ୍ରମାଗତ ଦ୍ୱିତୀୟ ଥର ପାଇଁ ସରକାର ଗଠନ କରି 1970 ରେ 72 ଟି ସିଟ୍ ଏବଂ 1977 ନିର୍ବାଚନରେ 111 ଟି ସିଟ୍ ଜିତିଥିଲା। ସେବେଠାରୁ ପ୍ରତ୍ୟେକ ନିର୍ବାଚନରେ LDF ଏବଂ UDF ମଧ୍ୟରେ କ୍ଷମତା ପରିବର୍ତ୍ତନ ହେଉଥିଲା । ଚଳିତ ଥର ବିଧାନସଭା ନିର୍ବାଚନରେ ମତଦାନ କମ୍ ଥିଲା। କେରଳ ବିଧାନସଭା ନିର୍ବାଚନରେ 1.32 କୋଟି ପୁରୁଷ ଏବଂ 1.41 କୋଟି ମହିଳା ଭୋଟର ଅଛନ୍ତି। ଏଥର କେରଳରେ ନିର୍ବାଚନରେ 74.57 ପ୍ରତିଶତ ଭୋଟିଂ ହୋଇଥିଲା। ଯାହା ପୂର୍ବ ନିର୍ବାଚନ ତୁଳନାରେ ଦୁଇ ପ୍ରତିଶତ କମ୍ ଥିଲା।
