ପୁରୀ ବଳଙ୍ଗା ସାଇଁସ ମେଳଣ ପଡିଆରେ ଘଟିଛି ଅଘଟଣ । ବାଣ ବିସ୍ଫୋରଣରେ ୪ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ,ପୁରୀ ବଳଙ୍ଗା ସାଇଁସ ମେଳଣ ପଡିଆରେ ଦୋଳ ପୂର୍ଣ୍ଣିମା ଉତ୍ସବ ପାଳନ ସମୟରେ ଏହି ଅଘଟଣ ଘଟିଛି । ବାଣ ବିସ୍ଫୋରଣରେ 4 ଆହତ ହୋଇଛନ୍ତି । ସୂଚନା ଅନୁସାରେ, ଦୋଳ ପୂର୍ଣ୍ଣିମା ଅବସରରେ ବଳଙ୍ଗା ସାଇଁସ ମେଳଣ ପଡିଆରେ ପ୍ରତିବର୍ଷ ବାଣ ଫୁଟାଇବାର ପରମ୍ପରା ରହିଛି । କୋରୋନା କଟକଣା କୋହଳ ହୋଇଥିବାରୁ ଏଠାରେ ଆଜି ମଧ୍ୟ ବାଣ ଫୁଟାଯାଉଥିଲା । ହେଲେ ହଠାତ ବିସ୍ଫୋରଣ ହୋଇଥିଲା । ଫଳରେ ୪ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ପ୍ରାଥମିକ ଚିକିତ୍ସା ପରେ ପିପିଲି ମେଡିକାଲ ସ୍ଥାନାନ୍ତରିତ କରାଯାଇଛି । ଏନେଇ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।
