ଭୁବନେଶ୍ୱର(ସତ୍ୟପାଠ ବ୍ୟୁରୋ): କଂଗ୍ରେସ ଦଳର ନେତୃତ୍ୱ ପରିବର୍ତ୍ତନକୁ ନେଇ ବାରମ୍ବାର ବୟାନ ଦେଉଥିବା କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦ ରାଜନୀତିରୁ ସନ୍ନ୍ୟାସ ନେତାର ଆଭାସ ଦେଇଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି । ତେବେ ରାଜନୈତିକ ଦଳର ପ୍ରକୃତ ପରିବର୍ତ୍ତନ ଆଣିବାର କ୍ଷମତା ଉପରେ ତାଙ୍କର ଗୁରୁତର ସଂରକ୍ଷଣ ରହିଛି ଏବଂ କଷ୍ଟଦାୟକ ସମୟରେ ନାଗରିକ ସମାଜର ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି ଗୁଲାମ ନବୀ ଆଜାଦ କହିଛନ୍ତି । ଏହା ସହ ରାଜନୀତିରୁ ଅବସର ନେବାକୁ ଏବଂ ସାମାଜିକ ସେବାରେ ଅଧିକ ସକ୍ରିୟ ହେବା ପାଇଁ ତାଙ୍କର ଅନେକ ଇଚ୍ଛା ରହିଛି ବୋଲି ସ୍ପଷ୍ଟ କରିଛନ୍ତି । ଏକ କାର୍ଯ୍ୟକ୍ରମରେ ନାଗରିକ ସମାଜର ସଦସ୍ୟମାନଙ୍କୁ ସମ୍ବୋଧିତ କରିବାବେଳେ ଆଜାଦ କହିଛନ୍ତି, ଆମକୁ ସମାଜରେ ଏକ ପରିବର୍ତ୍ତନ ଆଣିବାକୁ ପଡିବ । ଏହାକୁ ନେଇ ମୁଁ ଅନେକ ବାର ଚିନ୍ତା କରିଛି ହେଲେ ଉପଯୁକ୍ତ ସମୟ ପାଇନାହିଁ । ବଡ କଥା ଏହା ଯେ ହଠାତ ତୁମେ ଜାଣିବ ଯେ ମୁଁ ଅବସର ନେଇଛି ଏବଂ ସାମାଜିକ ସେବା କରିବା ଆରମ୍ଭ କରିଛି ବୋଲି କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜଦ କହିଛନ୍ତି ।
ତାଙ୍କର ଏହି ବୟାନ ସାମ୍ନାକୁ ଆସିବା ପରେ ଦେଶର ରାଜନୀତି ବେଶ ଚଳଚଞ୍ଚଳ ହୋଇ ଉଠିଛି । ସେପଟେ ଜାମ୍ମୁ କାଶ୍ମୀର ହାଇକୋର୍ଟ ବାର ଆସୋସିଏସନର ସଭାପତି ତଥା ବରିଷ୍ଠ ଓକିଲ ଏମ କେ ଭରଦ୍ୱାଜ ଏହି କାର୍ୟ୍ୟକ୍ରମ ଆୟୋଜନ କରିଥିଲେ। ଚାମ୍ବର ଅଫ୍ କମର୍ସ ସଭାପତି ଅରୁଣ ଗୁପ୍ତା, ଜମ୍ମୁ ବିଶ୍ୱବିଦ୍ୟାଳୟର ପୂର୍ବତନ କୁଳପତି ଆର.ଆର୍ ଶର୍ମା ଏବଂ ଆରଡି ଶର୍ମା, ପୂର୍ବତନ ଆଡଭୋକେଟ୍ ଜେନେରାଲ୍ ଆସ୍ଲାମ ଗୋନିଙ୍କ ସମେତ ବିଭିନ୍ନ ବର୍ଗର ତଥା ରାଜନୈତିକ ସମ୍ପୃକ୍ତିର ଲୋକମାନେ ଆଜାଦଙ୍କୁ ସମ୍ମାନିତ କରିବା ପାଇଁ ଆୟୋଜିତ କାର୍ୟ୍ୟକ୍ରମରେ ଉପସ୍ଥିତ ଥିଲେ। ତାଙ୍କର ୩୫ ମିନିଟର ଭାଷଣରେ ଆଜାଦ ସ୍ପଷ୍ଟ କରିଛନ୍ତି ଯେ ସେ ଆଉ ରାଜନୈତିକ ଭାଷଣ ଦେବେ ନାହିଁ। ସେ କହିଛନ୍ତି, “ଭାରତରେ ରାଜନୀତି ଏତେ ଅଶୁଭ ହୋଇଛି ଯେ ବେଳେବେଳେ ଆମେ ମଣିଷ କି ନାହିଁ ତାହା ସନ୍ଦେହ କରିବାକୁ ପଡ଼ୁଛି । ହାରାହାରି ମଣିଷର ଆୟୁଷ ବର୍ତ୍ତମାନ ୮୦-୮୫ ବର୍ଷ । ରାଷ୍ଟ୍ର ନିର୍ମାଣରେ ସହଯୋଗ କରିବା ପାଇଁ ୨୦-୨୫ ବର୍ଷ ଦେବା ପରେ ବର୍ତ୍ତମାନ ଅବସରର ସମୟ ଆସିଛି ।
ସେ ଆହୁରି ମଧ୍ୟ କହିଛନ୍ତି, ଯଦି ଆମେ ସମସ୍ତେ ଏକ ସହର କିମ୍ବା ଏକ ପ୍ରଦେଶର ସଂସ୍କାର ଆଣେ, ତେବେ ସମଗ୍ର ଦେଶରେ ସଂସ୍କାର ଆସିବ ବୋଲି କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦ କହିଛନ୍ତି । ଅନ୍ୟପଟେ ଦେଶର ସର୍ବପୁରାତନ ଦଳ କଂଗ୍ରେସର ବରିଷ୍ଠ ନେତା ତଥା ଜି୨୩ ଗ୍ରୁପର ସଦସ୍ୟ ଗୁଲାମନବୀ ଆଜାଦ ଦଳର ୫ ରାଜ୍ୟରେ ପରାଜୟ ପରେ ଲଗାତର ଚର୍ଚ୍ଚାରେ ରହିଛନ୍ତି । ସେ ଦୁଇ ଦିନ ତଳେ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ସାକ୍ଷାତ କରିଥିଲେ । ତେବେ ସୋନିଆଙ୍କୁ ଦେଖା କରିବା କିଛି ବଡ ଖବର ନୁହେଁ, ସେ ଲଗାତର ଭାବେ ସୋନିଆଙ୍କୁ ଦେଖା କରିବେ ବୋଲି କହିଥିଲେ ।
