ଗତକାଲି ଚୀନରେ ଘଟିଥିବା ବିମାନ ଦୁର୍ଘଟଣା ସମଗ୍ର ବିଶ୍ୱକୁ ସ୍ତବ କରିଦେଇଥିବା ବେଳେ ଏହି ଦୁର୍ଘଟଣାରେ ଶତାଧିକ ଲୋକଙ୍କର ମୃତ୍ୟୁ ହୋଇଛି । ସେପଟେ ଏହି ଘଟଣା ପରେ ଭାରତର ବିମାନ ଚଳାଚଳ ମନ୍ତ୍ରାଳୟ ସତର୍କ ହୋଇଯାଇଛି । ଚୀନରେ ବୋଇଂର ଏକ ବିମାନ ଦୁର୍ଘଟଣା ହୋଇଥିବା ଯୋଗୁଁ ଡିଜିସିଏ ବଡ଼ ନିଷ୍ପତ୍ତି ନେଇଛି । ଡିଜିସିଏ ପକ୍ଷରୁ କୁହାଯାଇଛି ଯେ, ଭାରତୀୟ ବିମାନ କଂପାନୀର ବୋଇଂ ୭୩୭ ଉପରେ ଅତିରିକ୍ତ ନଜର ରଖାଯିବ ।
ସୂଚନାଯୋଗ୍ୟ, ନିକଟରେ ଚୀନରେ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା, ଫଳରେ ଘଟଣାସ୍ଥଳରେ କେବଳ ନିଆଁ ଦେଖାଯାଉଥିଲା । ଏହି ଦୁର୍ଘଟଣା ପରେ ଚୀନର ରାଷ୍ଟ୍ରପତି ଶି ଜିନ୍ପିଙ୍ଗ୍ କହିଛନ୍ତି ଯେ, ଏହି ଖବର ଶୁଣି ମୁଁ ବ୍ୟସ୍ତିତ । ଜିନ୍ପିଙ୍ଗ୍ ବ୍ୟାପକ ସନ୍ଧାନ ଓ ଉଦ୍ଧାର କାର୍ଯ୍ୟ ପାଇଁ ଆଦେଶ ଦେଇଛନ୍ତି ।
ଏହି ଦୁର୍ଘଟଣା ପରେ ଚୀନର ବେସାମରିକ ବିମାନ ଚଳାଚଳ ପ୍ରଶାସନ ତରଫରୁ ଜାରି ବୟାନରେ କୁହାଯାଇଛି ଯେ, କୁନମିଙ୍ଗ ସହରରୁ ଗୁଆଗଝୋଉର ଦକ୍ଷିଣୀ ହବ ପାଇଁ ଉଡ଼ିଥିବା ବିମାନ ଗୁଆଙ୍ଗଶୀ ଅଞ୍ଚଳରେ ସଂପର୍କ ହୋଇପାରି ନଥିଲା । ଏହା ପରେ ଏହି ଦୁର୍ଘଟଣା ଘଟିଥିଲା । ଚୀନ ଇଷ୍ଟର୍ନ ଏୟାରଲାଇନ୍ସର ବୋଇଂ ୭୩୭-୮୦୦ ବିମାନ ତେଙ୍ଗଶିୟାନ କାଉଣ୍ଟିର ବୁଝୋ ସହରରେ ଦୁର୍ଘଟଣାଗ୍ରସ୍ତ ହୋଇଥିଲା, ଯେଉଁଥିରେ କି ଆପଖାପ ପାହାଡ଼ରେ ନିଆଁ ଲାଗିଯାଇଥିଲା । ଏହି ବିମାନ କିନମିଙ୍ଗରୁ ଗୁଆଗଞ୍ଝୁ ଯାଉଥିଲା । ଦୁର୍ଘଟଣାରେ ୧୨୩ ଜଣ ଯାତ୍ରୀ ଓ ଚାଳକ ଦଳର ୯ ଜଣ ସଦସ୍ୟଙ୍କ ମୃତ୍ୟୁ ହୋଇଥିଲା । ସରକାରୀ ମିଡିଆ ଖବର ଅନୁସାରେ ବିମାନରେ ମୋଯ ୧୩୨ ଲୋକଙ୍କ ମଧ୍ୟରୁ କେହି ବି ବିଦେଶୀ ନଥିଲେ ।
