ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଶ୍ଚିମବଙ୍ଗରେ ଘଟିଥିବା ଘଟଣା ଆଧୁନିକ ଇତିହାସର ଏକ ବର୍ବର ଘଟଣା ବୋଲି ବିଜେପି ରାଷ୍ଟ୍ରୀୟ ମୁଖପାତ୍ର ଡକ୍ଟର ସମ୍ବିତ ପାତ୍ର କହିଛନ୍ତି । ପୋଷ୍ଟମର୍ଟମ ରିପୋର୍ଟରେ ଏହା ସାମ୍ନାକୁ ଆସିଛି ଯେ ମହିଳା ଓ ଶିଶୁମାନଙ୍କୁ ପ୍ରଥମେ ମାଡ଼ ମରାଯାଇଥିଲା । ଏବଂ ପରେ ତାଙ୍କ ସେମାନଙ୍କ ଘରେ ତାଲା ପକାଇ ପୋଡ଼ି ଦିଆଯାଇଥିଲା । ସେ ଅଭିଯୋଗ କରିଛନ୍ତି ଯେ ଏହି ଭୟାନକ ଘଟଣାର ଦୀର୍ଘ ସମୟ ପରେ ମଧ୍ୟ ପୋଲିସ ଏବଂ ଆମ୍ବୁଲାନ୍ସ ସେଠାରେ ପହଞ୍ଚି ପାରି ନାହିଁ। ସେପଟେ ଗତ ଏକ ସପ୍ତାହ ମଧ୍ୟରେ ପଶ୍ଚିମବଙ୍ଗରେ ୨୬ ଟି ହତ୍ୟାକାଣ୍ଡ ଘଟିଛି। ଏହା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର କହିଛନ୍ତି । କେବଳ ଏତିକି ନୁହେଁ ବରଂ ଗତ ଏକ ସପ୍ତାହ ମଧ୍ୟରେ ପଶ୍ଚିମବଙ୍ଗରେ ୨୬ ଜଣଙ୍କୁ ହତ୍ୟା କରାଯାଇଛି। ଏହି ହତ୍ୟାଗୁଡିକ ମଧ୍ୟରୁ ଅଧିକାଂଶ ରାଜନୈତିକ ପ୍ରତିଶୋଧ ପାଇଁ ହତ୍ୟା କରାଯାଇଛି ।
ଦୁର୍ଭାଗ୍ୟଜନକ ଯେ ଏପର୍ୟ୍ୟନ୍ତ କୌଣସି ବଡ ଟିଏମସି ନେତା ସେଠାରେ ପହଞ୍ଚି ନାହାଁନ୍ତି। କିନ୍ତୁ ବର୍ତ୍ତମାନ ମମତା ବାନାର୍ଜୀ ସେଠାରେ ପହଞ୍ଚିବା ପରେ ତାଙ୍କୁ ସ୍ୱାଗତ କରିବା ପାଇଁ ସେହି ଅଞ୍ଚଳର ସବୁଆଡେ ବଡ଼ ସାଜସଜ୍ଜା କରାଯାଇଛି । ଏଭଳି ଦୁର୍ଭାଗ୍ୟଜନକ ଘଟଣାକୁ ସ୍ୱାଗତ କରିବା ଲଜ୍ଜାଜନକ। ଏହା ସହ ମମତା ବାନାର୍ଜୀଙ୍କୁ ମାତୃତ୍ୱହୀନ ବୋଲି ବର୍ଣ୍ଣନା କରି ବିଜେପି ନେତା କହିଛନ୍ତି ଯେ ପଶ୍ଚିମବଙ୍ଗକୁ ଉତ୍ତରପ୍ରଦେଶ ସହିତ ତୁଳନା କରାଯାଇପାରିବ ନାହିଁ। ଉତ୍ତରପ୍ରଦେଶରେ ବିରାଟ ବିଜୟ ପରେ ମଧ୍ୟ ବିରୋଧୀ ଦଳର କୌଣସି ନେତାଙ୍କ ସହ ଅଶ୍ଳୀଳତା ଦେଖାଦେଇ ନଥିବା ବେଳେ ବେଙ୍ଗଲରେ ମମତା ବାନାର୍ଜୀଙ୍କ ବିଜୟ ପରେ ଶହ ଶହ ଲୋକଙ୍କୁ ହତ୍ୟା କରାଯାଇଛି। ବେଙ୍ଗଲରେ ଘଟିଥିବା ଘଟଣାକୁ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରି ସମ୍ବିତ ପାତ୍ର ଦୋଷୀମାନଙ୍କୁ ତୁରନ୍ତ ଦଣ୍ଡ ଦେବାକୁ ଦାବି କରିଛନ୍ତି ।
