(ସତ୍ୟପାଠ ବ୍ୟୁରୋ) ଭୁବନେଶ୍ୱର: ରାଜ୍ୟ ସରକାରଙ୍କ ନିମନ୍ତ୍ରଣକ୍ରମେ ଭାରତୀୟ ହକି ଟିମ୍ ଓଡ଼ିଶା ଆସିଥିଲେ । ଦୀର୍ଘ ୪୧ ବର୍ଷର ଅନ୍ତ ଘଟି ଅଲମ୍ପିକରେ ଭାରତକୁ ମିଳିଥିଲା ପଦକ । ତେବେ ଏହି ପଦକ ପଛର ରିୟଲ ହିରୋ ହେଉଛନ୍ତି ଗୋଲକିପର ପି.ଆର ଶ୍ରୀଜେଶ । ଅପରିପକ୍ଷେ ଶେଷ ୬ ସେକେଣ୍ଡରେ ପି.ଆରଙ୍କର ମନରେ କଣ ଚାଲୁଥିଲା, ଆଜି ଓଡିଶା ଆସି ସମସ୍ତଙ୍କୁ ଅବଗତ କରାଇଛନ୍ତି ।
ଏହି ଗୋଲଟିକୁ ଅଟାକାଇବା ପରେ ତାଙ୍କୁ ଅନେକ ସବୁ ନାମ ମିଳିଥିଲା । ଯେପରିକି ଭାରତର ଦ ୱାଲ, ସଙ୍କଟମୋଚନ ଇତ୍ୟାଦି । ସମଗ୍ର ଦେଶ ତାଙ୍କ ପାଇଁ ଆଜି ଗର୍ବିତ ଥିବା ବେଳେ ସେ ଶେଷ ୬ ସେକେଣ୍ଡର କଥାକୁ ଗଣମାଧ୍ୟମ ନିକଟରେ ପ୍ରଥମଥର ପାଇଁ କହିଥିଲେ ।
ସେ କହିଛନ୍ତି ଜର୍ମାନୀ ପେନାଲ୍ଟି କର୍ଣ୍ଣର ପାଇବା ପରେ ଆଉ କିଛି ଅଲଗା ଭାବିବା ପାଇଁ ସମୟ ନଥିଲା । କେବଳ ଏହି ଗୋଲକୁ କିଭଳି ରୋକି ହେବ ସେ ବାବଦରେ ଚିନ୍ତା କରୁଥିଲି ବୋଲି କହିଛନ୍ତି ଶ୍ରୀଜେଶ । ଏପରିକି ଫଳାଫଳ କଣ ହେବ ସେ ବାବଦରେ ନ ଭାବି ବିପକ୍ଷ ଦଳ କଣ ଚିନ୍ତା କରୁଛନ୍ତି ତାହାକୁ ପରଖିଥିଲି ।
ଆଉ ଜଣେ ଗୋଲକିପର ଭାବେ ମୋର ଦାୟିତ୍ୱ ଥିଲା ଗୋଲ ଅଟକାଇବା ଏବଂ ଏହାକୁ କରିବାକୁ ଜି ଜାନ ଲଗାଇ ଦେଇଥିଲି । ଯେଉଁଥିପାଇଁ ଟିମ୍ ଇଣ୍ଡିଆ ଦୀର୍ଘ ୪୧ ବର୍ଷ ପରେ ଅଲିମ୍ପିକ୍ସରେ ପଦକ ପାଇବାରେ ସଫଳ ହୋଇଥିଲା । ତେବେ ବିଜୟ ପରେ ଗୋଲପୋଷ୍ଟ ଉପରେ ବସି ବେଶ ଖୁସି ହୋଇଥିଲି ବୋଲି କହିଛନ୍ତି ଶ୍ରୀଜେଶ ।
