ଭୁବନେଶ୍ୱର(ସତ୍ୟପାଠ ବ୍ୟୁରୋ): କାଶ୍ମୀର ପଣ୍ଡିତମାନଙ୍କୁ ନେଇ କାଶ୍ମୀର ଫିଲ୍ମ ଆସିବା ପରେ ସାରା ବିଶ୍ୱରେ ଏହାକୁ ନେଇ ଚର୍ଚ୍ଚା ଜୋର ଧରିଛି । କିଏ ଏହାକୁ ସମ୍ପୂର୍ଣ୍ଣ ଘଟଣା ଦର୍ଶାଯାଇନଥିବାର କହୁଥିବାବେଳେ ଆଉ କିଏ ଏହାକୁ ଦେଖିବା ମାତ୍ରେ ଭାବପ୍ରବଣ ହେଉଛନ୍ତି । ଏହା ମଧ୍ୟରେ କାଶ୍ମୀରରେ ପଣ୍ଡିତମାନଙ୍କୁ ନେଇ କରାଯାଇଥିବା ଅତ୍ୟାଚାର ବିଷୟରେ ମୁହଁ ଖୋଲିଛନ୍ତି କାଶ୍ମୀର ଲେଖକ ଜାଭେଦ ବାଗ । ତେବେ ମୁଁ ଜଣେ କାଶ୍ମୀରୀ ମୁସଲମାନ। ଆମ ଭଉଣୀ ଗିରଜା ଟିକ୍କୁଙ୍କ ଜୀବନରୁ ମାରି ଦେଇଥିଲେ । କାଶ୍ମୀରୀ ମୁସଲମାନ ପରିବାରଙ୍କ ଦ୍ବାରା ଏହା କରାଯାଇଥିଲା, ଯେଉଁମାନଙ୍କ ହାତରେ ପାକିସ୍ତାନ ସ୍ୱାଧୀନତା ନାମରେ ବନ୍ଧୁକ ଦେଇଥିଲା। ଏହା ସତ୍ୟତା ଅଟେ ପ୍ରଚାର ପାଇଁ ନୁହେଁ । ଏହା ସହ କହିଛନ୍ତି କି ଯୁବକମାନେ ସେମାନଙ୍କ ପିତାମାତାଙ୍କ ଦ୍ୱାରା କରାଯାଇଥିବା ଭୁଲଗୁଡ଼ିକୁ ଗ୍ରହଣ କରିବା ଉଚିତ୍। ପଣ୍ଡିତମାନଙ୍କ ସହିତ ବହୁତ ବଡ ଅପରାଧ ହୋଇଛି । କେହି ଏହାକୁ କୁହନ୍ତୁ କି ନକୁହନ୍ତୁ କିନ୍ତୁ ସତ ସତ ହିଁ ରୁହେ ।
ମୁଁ ହାତ ଯୋଡି ପଣ୍ଡିତମାନଙ୍କୁ କ୍ଷମା ମାଗୁଛି । କାଶ୍ମୀରୀ ପଣ୍ଡିତମାନେ ଆମର ନିଜର । ଏପରିକି ପଶୁମାନେ ମଧ୍ୟ ପଶୁମାନଙ୍କୁ ହତ୍ୟା କରନ୍ତି ନାହିଁ । ଏଥିପାଇଁ ଆମେ ସମସ୍ତେ ମିଳିତ ଭାବେ କାଶ୍ମୀରୀ ପଣ୍ଡିତମାନଙ୍କ ନିକଟରେ କ୍ଷମା ପ୍ରାର୍ଥନା କରିବା ଉଚିତ୍ । ଏଥିପାଇଁ କୌଣସି ଚଳଚ୍ଚିତ୍ରର ଆବଶ୍ୟକତା ନାହିଁ । ଏହା ମଧ୍ୟ ଇସଲାମରେ ଲେଖା ହୋଇଛି ଯେ ଯଦି କୌଣସି ସ୍ଥାନରେ ଯୁଦ୍ଧ ହୁଏ ଏବଂ ଆପଣଙ୍କ ଅଞ୍ଚଳରେ ଜଣେ ଅଣ-ମୁସଲମାନ ଅଛନ୍ତି, ତେବେ ତାଙ୍କର ସମ୍ମାନ, ଜୀବନ ଏବଂ ସମ୍ପତ୍ତି ରକ୍ଷା କରିବା ଆପଣଙ୍କର କର୍ତ୍ତବ୍ୟ ଅଟେ ବୋଲି କାଶ୍ମୀର ଲେଖକ ଜାଭେଦ କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିଛି ।
