କନୌଜ: ଉତ୍ତରପ୍ରଦେଶର କନୌଜରେ ୧୦ ତାରିଖ ବିଳମ୍ବିତ ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ସେଠାକାର ଜେଟିରୋଡ଼ ହାଇଓ୍ବେରେ ଘଟିଥିବା ଏହି ସଡ଼କ ଦୁର୍ଘଟଣାରେ ୨୦ ଜଣ ଯାତ୍ରୀଙ୍କର ମୃତ୍ୟୁ ଘଟିଥିବାବେଳେ ଅନେକ ଆହାତ ହୋଇଛନ୍ତି । ଏକ ଡବଲଡେକର ବସ୍ ଓ ଟ୍ରକ ମଧ୍ୟରେ ଏହି ଦୁର୍ଘଟଣା ଘଟିଥିବାବେଳେ ଦୁଇଟିଯାକ ଗାଡ଼ି ଘଟଣାସ୍ଥଳରେ ଜଳିଯାଇଥିଲା । ବସରେ ୪୦ଜଣ ଯାତ୍ରୀ ଯାଉଥିବା ଜଣାପଡ଼ିଛି । ମୃତକଙ୍କ ସଂଖ୍ୟା ବଢ଼ିବାନେଇ ଆଶଙ୍କା କରାଯାଉଛି ।
କନୌଜର ଜିଲ୍ଲାପାଳ ରବୀନ୍ଦ୍ର କୁମାର କହିଛନ୍ତି ‘‘ ଉତ୍ତରପ୍ରଦେଶର ଫାରୁକାବାଦରୁ ଏହି ବସଟି ଜୟପୁର ଯାଉଥିଲା । ମୁହାଁ ମୁହିଁ ଧକ୍କା ହେବାପରେ ଦୁଇଟିଯାକ ଗାଡ଼ିରେ ନିଆଁ ଲାଗିଯାଇଥିଲା । ଆହତମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ୨୧ ଆହତଙ୍କ ମଧ୍ୟରୁ ୧୩ଜଣଙ୍କୁ ମେଡିକାଲ କଲେଜ ତିର୍ବାକୁ ରେଫର କରାଯାଇଛି’’ । ଏହି ଘଟଣା ଉପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ବ୍ୟକ୍ତ କରି ପରିଜନଙ୍କ ପ୍ରତି ଶୋକ ସମ୍ବେଦନା ଜ୍ଞାପନ କରିଛନ୍ତି । ସେ ସେଠାକାର ଜିଲ୍ଲାପାଳଙ୍କୁ ଘଟଣାସ୍ଥଳରେ ରହି ଉଦ୍ଧାରକାର୍ଯ୍ୟ ସମ୍ପର୍କରେ ତଦାରଖ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ତା ସହିତ ଆହତମାନଙ୍କୁ ତୁରନ୍ତ ଚିକିତ୍ସା କରିବା ଲାଗି ମଧ୍ୟ କହିଛନ୍ତି । ପରେ ମୁଖ୍ୟମନ୍ତ୍ରୀ ମୃତକଙ୍କ ପରିବାରକୁ ୨ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ରାଶି ଯୋଗାଇଦେଇଥିବାବେଳେ ଆହତଙ୍କୁ ୫୦ହଜାର ଟଙ୍କାର ଆର୍ଥିକ ସହାୟତା ରାଶି ଦେବାଲାଗି ଘୋଷଣା କରିଛନ୍ତି । ଏ ସମ୍ପର୍କରେ ବିସ୍ତୃତ ରିପୋର୍ଟ ଦେବାଲାଗି ଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିର୍ଦ୍ଦେଶ ଦେଇଛନ୍ତି ।
जनपद कन्नौज के भीषण एवं बेहद दर्दनाक हादसे में हुई लोगों की मृत्यु की खबर से मन आहत है।
प्रभु श्री राम से दिवंगत जनों की आत्मा की शांति के लिए प्रार्थना करता हूँ और दुर्घटना में घायल व्यक्तियों के शीघ्र स्वस्थ होने की कामना करता हूँ।मेरी संवेदनाएं शोक संतप्त परिजनों के साथ हैं।
— Yogi Adityanath (@myogiadityanath) January 11, 2020
ପ୍ରଧାନମନ୍ତ୍ରୀ ମୋଦି ଏହି ଦୁର୍ଘଟଣା ଲାଗି ଶୋକବ୍ୟକ୍ତ କରି ନିଜ ଟୁଇଟର ହ୍ୟାଣ୍ଡେଲରୁ ‘‘ କନୌଜରେ ଘଟିଥିବା ଭୀଷଣ ସଡ଼କ ଦୁର୍ଘଟଣା ସମ୍ପର୍କରେ ଜାଣି ଅତ୍ୟନ୍ତ ଦୁଃଖିତ ଅଛି । ଏହି ଦୁର୍ଘଟଣାରେ ଅନେକ ଲୋକଙ୍କ ଜୀବନ ଯାଇଛି । ମୁଁ ମୃତକଙ୍କ ପରିବାର ଲୋକଙ୍କ ପ୍ରତି ଗଭୀର ସମ୍ବେଦନ ପ୍ରକାଶ କରୁଛି । ଏହା ସହିତ ଆହତମାନଙ୍କୁ ଶୀଘ୍ର ସୁସ୍ଥ ହେବା ଲାଗି କାମନା କରୁଛି’’ ବୋଲି ଲେଖିଛନ୍ତି ।
Prime Minister Narendra Modi: I am deeply saddened to know about the horrific road accident in Uttar Pradesh's Kannauj. Several people have lost their lives in the accident. I express my condolences to the bereaved families and wish speedy recovery to the injured persons. pic.twitter.com/prZdMasCHu
— ANI (@ANI) January 11, 2020
