(ସତ୍ୟପାଠ ବ୍ୟୁରୋ) ଭୁବନେଶ୍ୱର: ସାରା ଦେଶ କ ରୋ ନା ମହାମାରୀ ସହ ଲଢ଼ୁଛି । ଏପରି ସ୍ଥିତିରେ ଗୋଆ ମେଡିକାଲ କଲେଜରେ ଏକ ଅଭାବନୀୟ ଘଟଣା ଘଟିଛି । ଅମ୍ଳଜାନ ଯୋଗାଣ ଚାପ କମିଯିବାରୁ ସକାଳ 2 ଟାରୁ 6 ଟା ମଧ୍ୟରେ 13 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଏହାକୁ ମିଶାଇ ଚାରି ଦିନ ମଧ୍ୟରେ ଅମ୍ଳଜାନ ଯୋଗାଣ ଅଭାବରୁ 74 ଜଣଙ୍କର ଡାକ୍ତରଖାନାରେ ମୃତ୍ୟୁ ଘଟିଛି। କେବଳ ଏତିକି ନୁହେଁ ଏହାର ଠିକ୍ ଗୋଟିଏ ଦିନ ପରେ 15 ଜଣ କରୋନାଭାଇରସ ରୋଗୀ ପାନଜୀରେ ସମାନ ସୁବିଧାରେ ମୃତ୍ୟୁବରଣ କରିଥିଲେ।
ତେବେ ଚାରିଦିନ ପୂର୍ବରୁ ଏପରି ପ୍ରଥମ କରି ଛତିଥରା ଘଟଣା ସାମ୍ନାକୁ ଆସିଥିଲା । ପ୍ରଥମ ଦିନରେ 26 ରୋଗୀଙ୍କ ମୃତ୍ୟୁ ଘଟିଥିଲା । ସେହିପରି ଦ୍ବିତୀୟ ଦିନରେ 20 ଜଣ ଏବଂ ତୃତୀୟ ଦିନ ରେ GMCH ରେ ଅମ୍ଳଜାନ ଅଭାବରୁ 15 ଜଣଙ୍କର ମୃତ୍ୟୁ ହୋଇଥିଲା। ଗୋଆ ମେଡିକାଲ କଲେଜ ଏବଂ ହସ୍ପିଟାଲ ରାଜ୍ୟର ସର୍ବବୃହତ କୋଭିଡ ହସ୍ପିଟାଲ୍ ଭାବରେ ବେଶ୍ ପରିଚିତ । ଅନ୍ୟପଟେ
ଗୋଆ ଡାକ୍ତରଖାନାରେ ଚାଲିଥିବା ଅମ୍ଳଜାନ ଯୋଗାଣ ସମସ୍ୟା ସମ୍ପର୍କରେ ରାଜ୍ୟ ସରକାର ଶୁକ୍ରବାର ଦିନ ଏକ କମିଟି ଗଠନ କରିଛନ୍ତି। ଏହି ତିନି ସଦସ୍ୟ ବିଶିଷ୍ଟ କମିଟି ଜିଏମସିରେ ଅମ୍ଳଜାନ ଯୋଗାଣର ଯଥେଷ୍ଟତା ଯାଞ୍ଚ କରିବ, ଅମ୍ଳଜାନ ଯୋଗାଣ ଶୃଙ୍ଖଳାର କାର୍ଯ୍ୟଦକ୍ଷତା ଜାଣିବ, ଜିଏମସିରେ ଅମ୍ଳଜାନ ପରିଚାଳନା ପ୍ରକ୍ରିୟା ଯାଞ୍ଚ କରିବା ସହ ଏହାର ଉନ୍ନତି ପାଇଁ ସୁପାରିଶ କରିବ ଏବଂ ଅମ୍ଳଜାନ ବିତରଣର ସମ୍ପୂର୍ଣ୍ଣ ଶୃଙ୍ଖଳାରେ ଉନ୍ନତି ଆଣିବାକୁ ସୁପାରିଶ କରିବ। GMC ରେ ଆସନ୍ତା ତିନି ଦିନ ମଧ୍ୟରେ ଯାଞ୍ଚ ଶେଷ କରିବାକୁ କମିଟି ପକ୍ଷରୁ କୁହାଯାଇଛି। କାର୍ଯ୍ୟ ଠିକ୍ ସମୟରେ ସମାପ୍ତ ହେବାପରେ କମିଟିକୁ ଆବଶ୍ୟକ ସହାୟତା ପ୍ରଦାନ କରିବାକୁ ସ୍ୱାସ୍ଥ୍ୟ ସଚିବଙ୍କୁ ମଧ୍ୟ କୁହାଯାଇଛି।
