ସତ୍ୟପାଠ ବ୍ୟୁରୋ : ଆଜି ହେଉଛି ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ 75 ତମ ଜନ୍ମ ବାର୍ଷିକୀ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ମୋଦୀ ଟୁଇଟ୍ କରି କହିଛନ୍ତି ଯେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଜୀଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି । ଏଥି ସହ ପୂର୍ବତନ କଂଗ୍ରେସ ସଭାପତି ତଥା ରାଜୀବ ଗାନ୍ଧୀଙ୍କ ପୁଅ ରାହୁଲ ଗାନ୍ଧୀ ତାଙ୍କ ପିତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଥିବା ବେଳେ ତାଙ୍କୁ ଦୂରଦୃଷ୍ଟି ସମ୍ପନ୍ନ ବ୍ୟକ୍ତି ବୋଲି ବର୍ଣ୍ଣନା କରିଛନ୍ତି ।
On his birth anniversary, tributes to former Prime Minister Shri Rajiv Gandhi Ji.
— Narendra Modi (@narendramodi) August 20, 2020
ରାହୁଲ ଗାନ୍ଧୀ ତାଙ୍କ ପିତାଙ୍କ ଫଟୋକୁ ଟୁଇଟ୍ କରି କହିଛନ୍ତି, ରାଜୀବ ଗାନ୍ଧୀ ଜଣେ ଅଦ୍ଭୁତ ପର୍ଯ୍ୟବେକ୍ଷକ ଏବଂ ତାଙ୍କ ସମୟଠାରୁ ବହୁତ ଆଗରେ ଥିଲେ | କିନ୍ତୁ ଏସବୁ ବ୍ୟତୀତ ସେ ଜଣେ ଉଦାର ଏବଂ ସ୍ନେହୀ ବ୍ୟକ୍ତି ଥିଲେ। ତାଙ୍କୁ ମୋର ପିତା ଭାବରେ ପାଇ ମୁଁ ନିଜକୁ ବହୁତ ଭାଗ୍ୟବାନ ଏବଂ ଗର୍ବିତ ଅନୁଭବ କରେ | ଆମେ ଆଜି ଏବଂ ପ୍ରତିଦିନ ତାଙ୍କୁ ମନେ ପକାଉଛୁ।
Rajiv Gandhi was a man with a tremendous vision, far ahead of his times. But above all else, he was a compassionate and loving human being.
I am incredibly lucky and proud to have him as my father.
We miss him today and everyday. pic.twitter.com/jWUUZQklTi
— Rahul Gandhi (@RahulGandhi) August 20, 2020
ସୂଚନାଯୋଗ୍ୟ ଯେ, ରାଜୀବ ଗାନ୍ଧୀ ଆଜିର ଦିନ ଅର୍ଥାତ୍ 20 ଅଗଷ୍ଟ 1944 ରେ ଜନ୍ମ ହୋଇଥିଲେ । ଶିଖ୍ କଟ୍ଟରପନ୍ଥୀଙ୍କ ଦ୍ୱାରା ଇନ୍ଦିରା ଗାନ୍ଧୀଙ୍କ ହତ୍ୟା କରାଯିବା ପରେ ରାଜୀବ ଗାନ୍ଧୀ ଦେଶର ପ୍ରଧାନମନ୍ତ୍ରୀ ପଦ ସମ୍ଭାଳିଥିଲେ । ସେ ଦେଶର ନବମ ପ୍ରଧାନମନ୍ତ୍ରୀ ଥିଲେ । ସେ 1984 ରୁ 1989 ପର୍ଯ୍ୟନ୍ତ ପ୍ରଧାନମନ୍ତ୍ରୀ ଭାବରେ ଦେଶର ନେତୃତ୍ୱ ନେଇଥିଲେ। 1991 ରେ ଏକ ନିର୍ବାଚନ ପ୍ରଚାର ସମୟରେ ତାଙ୍କୁ ତାମିଲ ଉଗ୍ରବାଦୀମାନେ ବିସ୍ପୋରଣ କରି ହତ୍ୟା କରିଥିଲେ।
